Aiseya 1:15 - DAWAN BÎLA AISKA

¹⁵ Man nani puram sunaia mihtam bukisma ba ra, mai kaiki kamna apia; man nani puram sunra ailal aisama sin, yang mai walamna apia. Man nani mihtam nani ba tala baman alkan sa.

Aiseya 1:15 ပူးပေါင်းရင်းမြစ်များ

1 King Nani 8:22

Ningkara Salaman Dawan altarka mawan tani ra buan, Israel luhpia nani sut mawanra sin. Ai mihta nani kasbrika purara buki,

1 King Nani 8:54

Salaman Dawan ra ai pura suni makabanka ba sut tnata alkan ba ningkara, witin ai lula krikan kan ba wina buan, Dawan altarka mawan tani ra bara ai mihta kasbrika purara tani ra bukan,

Esdras 9:5

Bara baha piua kat, yang kupi wirhika ba wina buri, bara prâika kalkri ba ban dimi, mahka Dawan Gâdki ra puri sunri,

Job 27:20

Kakna ra sibrin tara ba balbia, bara tihmia ra pâsa saura mita brih wan kabia.

Job 35:13

Gâd karnika sut bri ba, kunin lâka nani ra tawi walras sa.

Lawana Nani 134:2

¡Mihtam nani buks, Dawan wal prawaia watla ra bara Dawan ba yamni pali sa wis!

Lawana Nani 55:1

Gâdki, puri sunra na wals; puri sunra na walras baku kapara.

Lawana Nani 66:18

Yang lukanka saura briri kata kaka, Dawan ba ai walaia apia kan;

Impakan Sturka 9:29

Bara Moses pana aisi, win: —Yang naha wina nan taki wamna ba wal, mihti nani purara buki man nani tâmwan Dawan ra makabaisna. Bara ais auhi ba takaskbia, alwani puli ba sin, bara man kaikma tasba aiska ba Dawan dukia ba.

Sins Lâka 1:28

“Baha yua ra ai winma, sakuna pana mai aisaras kamna; ai pliki banhma, sakuna ai sakras kama.

Sins Lâka 6:17

ai nakra praut lâka ra kaiki ba, twisa kunin aisi ba, mihta nani sin tala pâtkas laiki ba,

Aiseya 4:4

Dawan ba ai karnika ni lâka daukbia bara Saion luhpia nani tâski ra ba sut sikbi sâkbia. Jerusalem ba klin daukbia, witin nani kaiki lâ sahwan ba wina.

Aiseya 45:15

Ban sakuna, man sika Gâd kum wan nakra ni kaikras, Gâd, Israel swaki sasakra.

Aiseya 58:4

Kaiks man nani baha yua ra blahwi unsaban daukisma pana pana unsabaia mata, kaiki plun wahwisma, bara mihtam kruski watawi lâka ra uplikam ra prukaia dukiara sin. ¿Man nani lukisma baha sut kaiki plun wahwaia yua ra daukisma ba puram sunra ba walamna lukisma?

Aiseya 58:7

Plun wahwi nani ba wal, patam ba wina yuaia, umpira nani aimawahki tauki nani ba wamtla ra bris, kwala luha nani ba kaikma bara dimaika yama, bara man muihkam nani pât ra ba hilpka daukaia.

Aiseya 64:7

Upla kumi sin âpu kan man ninam ra ai pura suni ba, rawi buaia bara man ra ai tâ baikaia; baha ba mita, man bui yang nani ai lulki ai swiram, bara wan lulki wan swiram, wan watawika lâka nani karnika ra srawaia.

Aiseya 8:17

Dawan ba Jekob uplika nani wina yukuwi kabia sin, yang lika witin ra kasak lukisna. Witin kat kaiki bîla kaikisna.

Jirimaya 11:11

Baha tâwan pât tara kum yang bui witin nani ra blikamna, baha wina sip swak takbia apia. Nahki kat witin nani bui yang ra hilp makabi ai winbia, sakuna yang lika witin nani ra walamna apia. Yang, Dawan, kasak aisisna.

Jirimaya 14:12

Witin nani kaiki plun piras nahki ai pura suni kabia sin, makabanka nani ba yang walamna apia, plun nani prisantka nahki aiki kabia sin, sakuna baha yamni kaikamna apia. War blikaisna witin nani ba sauhki tikaia, bara sanglang, siknis sin.”

Jirimaya 4:31

Saion inanka nani ba, mairin kum aimahsi luhpa baikaia ai mamna lulki ini ba baku; inanka ba walisna, ai klahkla nani ba sakbisa bara aisisa: ‘¡Alai! ¡Diara saura pali yang ra takuya! ¡Upla âikra nani ai ikaia aula!’ ”

Isikiel 11:6

Pruankam nani ba kau ailal daukram naha tawanka ra, bara yabal nani ba pruan nani ni banhkram.

Isikiel 14:3

“Upla luhpia, naha uplika nani na aidul lâka ai kupia ra mangkan, bara ai saurka ra ai mina pruki kauhaia ba ai kainara mangkan. ¿Baha nani dukiara natka kum ra yang makabi walaia sna ki?

Isikiel 39:23

Bara nisan tringsar nani ba nu takbia Israel luhpia nani ba alki upla wala tasbaya ra brih wan ba witin saura daukan ba tâwan, kan witin nani lika yang wal kasak apia kan; bara yang lika witin nani ra kaikras maiwan lakri bara swiri ai waihla nani ba mita pura luaia bara war ra sut ikaia.

Oseas 5:6

Witin nani ai sîpka bara ai bîpka mairin aikuki Dawan pliki wabia, sakuna wal prawbia apia, Dawan ba witin nani wina tnaya ra tawan bamna.

Miqueas 3:4

Yu kumi man nani bui Dawan ra winma, sakuna Dawan bui man nani ra mai walbia apia. Witin baha yua ra, man nani wina yukuwbia saurka nani daukram ba tâwan.

Sakaraya 7:13

“Yang aisari, witin nani walan daukras bamna, witin nani ai pura sunbia bara yang sin walamna apia.

Matiu 23:13

“¡Lâ Smasmalkra nani bara parisi nani, kuninkira nani, man nani mampara saura pali kabia! Kan man nani kasbrika purara ba Kingka aimaki lâka durka ba prakisma, upla wala nani dimbia apia dukiara. Man nani pali sin dimras, upla wala nani diman dauki ba sin yabram dimras.

Matiu 6:7

“Puram sunisma ba ra, bîla bahki nani kli kli aisapara, Gâd kakaira apia nani dauki ba baku, witin nani lukisa baku aisi kabia bara Gâd lika witin nani ra kau wali kabia.

Jan 9:31

Yang nani kaikisna Gâd lika saura dadaukra nani ra walras sa; sakuna ya witin ra ai pura suni mayuni bara ai kupia lâka sin dauki ba lika, witin walisa.

1 Timoti 2:8

Baku bamna, yang want sna waitna nani ba plis sut ra ai pura suni kabia, bara ai kupia sunu brih ai mihta nani purara buki kabia, lawan âpu bara unsaban sin âpu.