Abdías 1:5 - DAWAN BÎLA AISKA

⁵ “Âimplikra nani tihmia ra bal dukiam nani implikan kata sin, dukiam nani sut pali briaia apia kan; wain mâ dakbi uplika nani man ra balan kan kata, tila mâ nani kau tnawa nani ra swiaia kan. Ban sakuna waihlam nani balan ba lika, dukiam nani kumi sin swiras, sut pali aihwa brin.

Abdías 1:5 ပူးပေါင်းရင်းမြစ်များ

2 Samuil 1:19

“¡Alai, Israel, man nani pramna ba ilkam nani tilara insauhkan! ¡Tahplukam nani nahki kauhan ba!

Aiseya 14:12

‘‘¡Nahki muni kasbrika purara wina kauhram, titan lakika tara! Tasba pali kat mai batakan, man sika kuntri nani ra pura lui katma ba.

Aiseya 17:6

Diara maura baman bâra swin kabia; Oliv dusa yahbi swin ba baku; tnawa ra kau mâ wâl kra, apia kaka mâ yumhpa kra kau swin baku; tnawa kau mâyara ba ra, ban kra walhwal, apia matsip kra kau bâra kabia. Dawan Israel Gâdka baku wisa.

Aiseya 24:13

Baha baku kabia tasba bani ra upla nani tilara, oliv dusa yahban baku, apia kaka mâ dakban ba ningkara kau kum nakra luan ba sin kli pliki ba baku.

Jirimaya 49:9

Upla nani wain mâ dakbi ba ra, buns kumi pan swih auya; tihmia âimplikra nani aula bara dîa want ba baman alkuya.

Jirimaya 50:23

¡Babilon ba, tasba aiska amarka kan, nanara lika kriwan, yuya lupia baman takan! ¡Babilon ra baku takan ba nisan nani mita aihka saura kaikisa!

Jirimaya 6:9

Karnika sut bri Dawanka ba aisisa: “Israel luhpia nani takaskuya ba witin nani bal plikbia bara kli pliki kabia, wain nasla ra awa nani tilara mâ nani kli kli pliki ba baku, kumi sin swibia piaia sut pali wahbia ba kat.”

Inanka Nani 1:1

¡Tawan tara yakan pali takan na, blasi upla ailal pali kata ba! ¡Nanara piarka baku takan sa, witin nisan nani tilara tawan nani kiapitalka kata ba! Tawan nani tilara witin king luhpia mairin baku kan, nanara alba mairin takan sa.

Abdías 1:9

Temán ra war aiklaklabra nani bâra ba sibrin mita tatatwi kabia. Isau ilka nani tilara upla kumi sin raya kabia apia.

Miqueas 7:1

¡Alai! Upla dus mâ nani sut dakbi brin ba ningkara wala kum bal mâ dakbaia pliki ba baku sna; dus mâ pain pawan nani ba âpu sa, baha mâ nani pin ai dauki kan ba.

Sofonías 2:15

Baha tawanka sika aimayunan lâka ni pura luan sa, kan witin nani baman sa luki kan. Naha tasba ra, witin nani ai tasbaya uplika nani baku upla wala âpu sa luki kan. ¡Nahki upla âpu yakan pali swin ba, daiwan wail nani watla takan ba! Ansa piua ra witin lamak lui wabia ba ra, wasbi bara saura kulkan lâka wal ailal mariki kabia.

Kli Smalkanka 24:21

“Wain mâ nani wahbisma piua ra baha sin kli bilara wahpara; swis tringsar, rau, piarka nani wahbi bribia.

Param Marikanka 18:10

Witin nani Babilon rausauhkanka ba sîa laihura takaski, naku aisi kabia: “¡Alai, alai, Babilon, tawan tara, tawan karnikira! Wan nakra klipan kum ra klalkam balan sa.”