Abdías 1:12 - DAWAN BÎLA AISKA

¹² Man muihkam sari lâka tara ra kauhan ba kaiki baha yua ra lilia takaia apia kapram. Juda sauhki tikan yua ba, baha kaiki lawaska kikaia apia kapram. Witin nani ai sarka tara bri kan yua ba man lawaska kikaia apia kapram.

Abdías 1:12 ပူးပေါင်းရင်းမြစ်များ

Job 18:20

Ai yua tnata dukiara, witin nani lalma ra bara muna ra ai sturka walbia, bara sibrin mita tâ iwan kabia.

Job 31:29

Waihli mapara diara saura taki ba dukiara lilia takras sni, pât tara alkbia kra sin.

Lawana Nani 22:17

¡Yang dusi nani ba sut kulki kaikaia sip sa! Witin nani ai nakra lakras, yang kat mangki ai kaikisa;

Lawana Nani 31:18

Kunin aisasara nani ba bahara sâp takbia lawaska kikaia lâka, bahki kulkaia lâka aisi upla yamni nani mina pruki ba sin.

Lawana Nani 35:15

Sakuna yang kauhri ba ra, witin nani sut laiwaska kikan; yang ba upla sât wala ai kakaira apia kan baku, rau ai sauhki ba swiras ban kan.

Lawana Nani 37:13

Sakuna Dawan lika witin ai lawaska kikisa, witin ai yua aula ba kaikisa bamna.

Lawana Nani 54:7

kan trabil nani sut ba wina man ai sakram; waihli nani kata ba sip apia takan, witin nani ra pura luan tânka ba kaikri.

Lawana Nani 59:10

Baha Gâdka latwan ai kaiki aula, yang wal prawaia; yang waihli nani ra pura luan tânka ba ai marikbia.

Lawana Nani 92:11

Yang kaikaia sna waihli nani ba nahki kauhbia ba; ¡walaia sna baha watawikira nani ai mamna lulki ba!

Sins Lâka 17:5

Upla umpira lawaska kiki uplika ba, ai Papaskrika ra mapara buisa, ai pâtka tara ba dukiara lilia taki ba sin, klala briras ban kabia apia.

Aiseya 37:24

Man nani dukiam dadaukra nani bâk Dawan mapara saura aisaram: ‘Yang waginki aiklabaia ailalka ba wal, il purara uli wari, bara Líbano ra tawi dimi wari. Bara ai yalamka, ai awaska kau pranakira bara yari nani ba sin klakri. Bara sin kau unta biara ra dimi wamna, baha untika puka, tangni kau pranakira bâra ba kat.

Inanka Nani 2:16

Waihlam nani sut ba, ai bîla kwâkan sa man mampara. Warbanka tilara bara saura munaia luki daukanka ra wisa: “¡Yawan bui witin ba aiska sauhki tikan sa! Naha yua sika, yawan aihwa bîla kaiki kata ba; ¡lâs kat nanara yawan kaikisa!”

Inanka Nani 4:21

¡Edom nisanka nani, kiki bas; Us tasbaya ra man king aimakisma ba! ¡Dîa tahpla diaia ba man ra sin balbia, bara man bla taki kwala luha takma!

Isikiel 35:12

Baha ningkara man bui yang ra ai kaikma yang, Dawan, man lahtuban bîla nani sut Israel ilka nani mapara aisisatma ba yang walri ba, Man wiram: ¡Upla iwras tasbaya takan; nanara yawan sip sa baha âpu daukaia!

Isikiel 35:15

Man lilia takram Israel mita kuntri wala nani dakbi ai dukia bri kan ba sauhkan ba ra, sakuna man nani ra sin baku takbia: Man upla iwras tasbaya takma, Seír ilka, Edom kuntrika. Baha ningkara ai dara wali banhbia yang sika Dawan sna ba.’

Isikiel 36:5

Dawan naku aisisa: Bîli aisinka nani ba pauta klauhi baku kupi baiwanka ba tawan wala nani ba mapara auya, kau pali ba Edom mampara, kan witin liliaka tara wal tasbaya iki ba brin bara misbara tara ni witin nani wal nasla nani ba impliki âpu daukan.’

Miqueas 4:11

Nanara sika nisan ailal asla takan sa, man nani mampara balaia; witin nani wisa: “¡Kaisa yawan lilia takaia Jerusalem ba aisawi tiwuya ba dukiara!”

Luk 19:41

Witin pat Jerusalem lamara balan, bamna tawanka ba kaiki, Jisas baha pura mata ini,

Jems 3:5

Wan twisa ba sin baku sa; wan wîna pîska sirpika kum sa, sakuna lukisa diara tara nani daukaia. ¡Pauta klauhan sirpi ba wal dus nani pâwi ba sut angkisa!

2 Pita 2:18

Witin nani lika bîla bahki bara praut baman aisisa, bara tanis lâka ra iwi uplika nani wina swakwan nani ba, witin nani ra daukanka saura pali ni bara wîna tara brinka nani ni maisa kapisa.

Judas 1:16

Naha nani sika brukwi aisasara bara diara sut ba saura baman sa aisi nani ba, witin nani ai âuyapah kaia dukia nani baman pliki taukisa; praut bîla nani sin aisisa, hilp briaia dukiara upla nani painka baman aisisa.

Param Marikanka 13:5

Daiwra saura ba ra sin adar yan kan, Gâd mapara praut bara bîla saura nani sin aisaia, bara karnika sin yan kan kati 42 wihta aimakaia.

1 Samuil 2:3

Upla kumi sin uba aimayunbiara, upla kumi sin ai wîna tara kulki aisabiara, kan Dawan ba sika Gâd diara sut tânka kaiki ba, bara dîa upla dauki ba, witin paun mangki lâ tânka kat daukisa.