Abakuk 3:2 - DAWAN BÎLA AISKA

² Dawan, diara tara nani daukram ba walri, bara tara mai kulkisna, sibrin sin ai daukisa. Bara warkkam nani dauki kapram ba naha yua nani ra sin kli dauks, yang nani sin warkkam ba kaikamna; sakuna man lawanka nani tilara ban umpira wan kaiki bas.

Abakuk 3:2 ပူးပေါင်းရင်းမြစ်များ

Esdras 9:8

Ban sakuna, nanara, Dawan wan Gâdka, kupiam swapnika lâka ra wan brisma, sip kan yang nani tili wina upla dakni kum pri takaia bara yawan nani ra sans wankan, tasba holikira ra wan watla nani mâkaia alba lâka ba wina piua wiria, yang nani ris briaia aikram.

Job 42:5

Naha piua kat mai kakaira sna walisna ba wina baman, sakuna nanara naikra pali ni mai kaikisna.

Lawana Nani 119:120

Wîni aiska ba tatatwisa, man mamwanra; lâka aisi daukram adarka ba mamyunisni.

Lawana Nani 25:6

Dawan, man kupiam latwan lâka bara kupiam swapnika piu bani wan marikisma ba, baha man ban luki bas;

Lawana Nani 38:1

Dawan, man kupiam baiwanka ra kiaima kraukpara, baku sin man lawankam tara ra ai wipara.

Lawana Nani 44:1

Dawanki, yang nani pali walri, damiki nani baha dahra ai win, baha warkka man bui witin nani yua nani ra daukram ba patitara yua nani ra.

Lawana Nani 71:20

Pât saura manis, bara sari lâka nani aikram wauhri sakuna, kli raya iwi kaia aikisma, bara tasba munhta pali ba wina ai bukuma,

Lawana Nani 78:38

Sakuna Gâd ai kupia swapni bri kan, watawi daukan saurka ba ban swih tikan bara sauhki tikras kata; aima ailal ai kupia sauhkanka ba kli swin, bara ai lawanka tara ba mita yaban bri waras kata.

Lawana Nani 85:6

¿Wan rayaka ba kli wankma apia, man uplikam nani kli man ra lilia briaia dukiara?

Aiseya 53:1

¿Ya kasak lukbia yawan dîa wali ba? ¿Bara ya purara Dawan ba ai karnika ba param sakan sa ki?

Aiseya 54:8

Kupi baiwanka wiria lupia ba wal yang maiwan ba man wina piu prahni yukukri kan; sakuna umpira mai kaikan lâka ban kaia ba wal man dukiamra kupi swapnika lâka brimni.” Dawan mai swaki sasakra ba, baku wisa.

Aiseya 63:15

Dawan, kaiks, kasbrika pura wina, man iwaikam holikira pranakira ra iwisma ba wina. ¿Anira sa man bui yawan ra latwan pali wan lukisma ba tânka, bara karnikam ba sin? ¿Anira sa man kupiam lukanka mununhta wina kupiam pinhka lâka nani ba yang nani dukira brisma ba? ¿Man umpira kaikan lâka brisma ba danh takan ki yang nani wal?

Aiseya 66:2

¡Naha diara nani sut ba yang daukri! ¡Bara baku mahka diara nani sut ba bal takan! Yang, Dawan, kasak aisisna: “Sakuna baha uplika yang bui witin kat kaikisna ba bawikira umpira luki ba bîli ba kulki yang bîli wali kulkaia.

Jirimaya 10:24

Dawan, man kasakkam tânka ba kat yang nani wapniki ai dauks, sakuna man lawankam tara ba ni lika apia, baku lika yang nani sut âpu ai tiki lukma.

Jirimaya 10:7

Nisan nani sut kingka man, ¿ya man ra sibrin lukras kabia? Man ra sibrin lukaia kulkanka ba sika man briaia sma ba. Tasba ra sinskira nani king nani ba sut tilara, man baku wala kum âpu sa.

Jirimaya 29:10

“Dawan aisisa: ‘Babilon ra 70 mani piua yari ba lubia ba ra, yang bui man nani ra pramis mai munri ba daukamna man nani ra yamni lukri ba baku tasbayam ra kli mai brih waia.

Jirimaya 46:28

Yang Dawan, kasak aisisni: duki dadaukra, Jekob uplika nani, si bripara, kan yang lika man nani wal sna. Baha nisanka nani tilara mai yakabri ba sut sauhkamni. Man lika mai sauhkamna apia; klala briaia sma klalka ni baman maikamna, wapni mai daukaia dukiara.”

Inanka Nani 3:32

Âu, witin mita upla ra pât saura blikisa, sakuna umpira sin kaikisa, kan witin latwanka lâka ba tara pali bamna.

Daniel 8:17

“Bara witin ba laimara balan bara yang tâ iwan takri, bara yang bawri maiwan ba tasba kat bri si prakri, sakuna witin bui ai win: ‘Upla luhpia waitna, luki bas naha diara aihka kaikram ba lika tnata yua tânka sa.’

Daniel 9:2

Pas mani witin king aimaki kan ba piua ra, yang Daniel, prapit Jirimaya wauhkataya aisi kaiki tânka pliki kapri, baha 70 mani Jerusalem sauhki tikanka piua tnata alki luan kabia ba, Dawan bui prapit ra win kan ba baku.

Abakuk 3:1

Naha sika prapit Abakuk ai pura sunanka ba.

Abakuk 3:16

Baha nani daukram sturka ba sut yang walri, bara sibrin ai daukisa; uni nani mahka tatatwan, kuhmi dusa nani swapni takan bara karniki sut tiwan. Sakuna ban yang sâp iwi bîla kaiki kamna, Gâd yawan wan waihla nani ra klala yabia ba kat, wan tataibra suldiar daknika ra.

Sakaraya 1:12

Bamna Dawan insalka naku win: “Dawan, man karnika sut alki brisma ba, pat mani 70 Jerusalem bara Juda tawanka nani mapara kupiam baiwanka brisma. ¿Ahkia kat man bui kli witin nani ra umpira kaikma ki?”

Jan 10:10

“Bamna âimplikra ba lika aula, implikaia bara iki âpu daukaia baman; sakuna yang balri na lika, witin nani raya kaia lâka bribia ba dukiara, bara baha sin manis pali bribia mata.

Roman 10:16

Sakuna upla sut lika swaki sakan sturka smalkanka ba kat kasak walras. Baha lika Aiseya aisi ba baku: “Dawan, ¿ya mita wan smalkanka ra kasak lukan ki?”

Pilipai 1:6

Yang pain pali kaikisna, Gâd bui ai warkka yamni man nani ra tâ krikan ba, ban witin bui dauki kabia Jisas Kraist balbia yua kat.

Hibru Nani 11:7

Kasak lukan lâka mita, Noa ba diara nani naika takaia kan ba kaikras kan sakuna, Gâd mita smalki win ba ra, witin lika Gâd bîla kat wali, ark watla ba paskan ai watla uplika nani swaki sakaia dukiara. Kasak lukan lâka bri kan ba mita, tasba uplika nani ba Noa bui pât ra dingkan, bara kasakka lâka kasak lukan lâka wina taki ba, witin ba Gâd wina brin.

Hibru Nani 12:21

Diara kaikan ba ban sibrinkira kata, bara Moses pali naku aisisata: “Yang sibrin mita tatatwisna.”

Param Marikanka 15:4

Dawan, ¿ya man ra sîam briras kabia? ¿Ya sin man ra mamyunras kabia? Kan man baman sika holikira, bara nisan nani sut bal man ra ai pura suni mamyunbia, daukankam kasak nani ba upla sut mita kaikan bamna.”