Abakuk 2:4 - DAWAN BÎLA AISKA

⁴ Naha smalkanka bîla ulbi bris: Upla watawikira nani ba ai prautka lâka ra iwisa; sakuna kasakkira nani ba lika Gâd ra kasak luki ba mita raya kabia.”

Abakuk 2:4 ပူးပေါင်းရင်းမြစ်များ

Lawana Nani 49:18

Witin raya iwi bara lilia âmyapah iwi kabia kra, bara upla sin mayuni kabia yuya brisma ba mita.

Aiseya 13:11

Dawan aisisa: “Tasba ai watawika lâka ba tâwan klala yabamna, saurakira nani, witin nani bui upla iki ba tâwan; prautkira nani kalwi ba takaskamna, karnakira nani upla wala ra kulkras ba, yârika mâyara bawbia.

Isikiel 18:9

yang lâika ba kat taukisa bara lâ yabri ba kat daukisa. Kasak pali baha uplika ba wapni kat sa, baku bamna, raya kabia. Yang, Dawan, kasak aisisna.

Daniel 11:12

Witin pura luanka brin ba, bara ai waihla nani ailal pali pruan ba kaiki purara kaia lukanka ni aibanhwan kabia, sakuna ai karnika ba piua wihka wabia apia.

Daniel 4:30

naku win: “¡Kaiks nahki Babilon ba tara sa! Yang karniki tara ba wal paskri Babilon tasbaya lalka baku bâra ba lika, yang tara sna ba tânka naika piua ra kaikbia ninira aula nani ba.”

Daniel 4:37

“Bara nanara, yang Nabucodonosor, mayunra yabisna, tara kulkisna bara mayunra kulkan yabisni kasbrika purara ba kingka ra, kan witin diara sut dauki ba wapni bara kasakka lâka kat sa, bara baha nani tara sa luki ba, mâyara batakaia sip pali sa.”

Luk 18:14

Yang mai wisni, naha lal mana sasakra na kli ai watla ra wan Gâd bui pain kulkan ba kira, sakuna parisi ba lika apia. Kan ya ai wîna tara kulki ba, mâyara ikan kabia, sakuna ya mâyara bawi ba, tara kulkan kabia.”

Jan 3:36

Ya Gâd Luhpia ra kasak luki ba, raya ban kaia lâka ba brisa; sakuna ya Gâd Luhpia ra kasak lukaia apia wi ba, sip baha rayaka ba bribia apia, sakuna Gâd klalka saura pali ba bribia.

Roman 1:17

Naha smalkanka na wan marikisa, nahki natka ra mita Gâd wan pâtka ba wina pri wan sakisa, baha lika kasak lukan lâka bara kasak lukan lâka baman pali sa. Ulbanka ra aisi ba baku: “Kasakkira ba kasak luki ba mita raya kabia.”

Galesha 2:16

Ban sakuna, yawan pain kaiki, Moses lâka wan wi ba kat dauki mita baman Gâd mawanra sip kasakkira wan kulkras sa, Jisas Kraist ra kasak luki ba mita lika. Baha mita, yang nani sin Jisas Kraist ra kasak luki banhri, naha kasak lukan lâka mita kasakkira ai kulkan kaia dukiara, lâ mita dîa ai wi ba kat dauki banhri ba mita lika apia. Kan lâ bîla wali dauki ba dukiara baman upla kumi sin, Gâd mawanra kasakkira kulkan kabia apia.

2 Tesalonaika 2:4

Naha sika waihla kum, diara sut Gâd nina bri ba mapara bûi ba, baku sin pura suni mayunaia tânka bri ba mapara buisa. Bara ban sin Gâd tempelka ra dimi iwisa, Gâd kan baku, bara witin pali ba Gâd wisa.

Hibru Nani 10:38

Sakuna yang upliki kasakkira ba lika, kasak luki raya iwi kabia, sakuna witin ai ninara tawbia kaka, witin dukiara lilia kamna apia.”

1 Pita 5:5

Baha sim natka ra, man nani wahma nani, almuk nani karnika munhtara bawi bas. Man nani sut kumi bani walkam munhtara bawaia sma; kan Ulbanka ra naku wisa: “Prautkira nani ba Gâd mita batakisa, sakuna bawikira nani ra lika ai yamnika ni buki hilp munisa.”