Abakuk 2:18 - DAWAN BÎLA AISKA

¹⁸ ¿Lilka nani upla ai mihta ni alki paski ba dîa mapara hilp sa ki? ¿Lilka bahki kum kunin ra baman wan brih wi ba dîa hilp takaia sip sa? Lilka nani ba sip sturi aisaras sa, ¿bara lilka papaskra ba, nahki baha lilka ra luki tniwi kabia ki?

Abakuk 2:18 ပူးပေါင်းရင်းမြစ်များ

Lawana Nani 97:7

Gâd bahki ra mayuni nani ba sut witin ra bawbia, witin nani baman sa luki banhwi ba sut. ¡Gâd bahki nani sut ba, witin mawanra bawbia!

Aiseya 1:31

Karnakira ba, twi lâwan baku takbia, ai daukanka nani ba sin biulwaia dukia kabia, bara wâlsut ambia, baha daskaia sin upla âpu kabia.”

Aiseya 37:38

Bara witin yua kumi ra ai gâdka Nisroc priaska watla ra dimi mayuni kan ba ra ai luhpia nani Adramélec Sarézer wal bui sord wal klaki ikan, bara Ararat tasbaya ra plapi wan. Bara witin ai watlika ra ai luhpia waitna Esarhadón ba king aimakan.

Aiseya 40:19

Diara wina karbi lilka papaskra nani ba, diara lilka daukisa bras wina, bara gul ni lalaubisa, silbar ba slilki diara awa lipni nani ba paskisa.

Aiseya 41:26

¿Ya mita naha sturka na maisa pakan tâ pali wina, bara yawan tânka briaia kan? ¿Ya mita pat dahra aisin, bara yang nani witin ra raitka yabamna? Man nani kumi sin baha takaia sturka ba aisaras kapram, upla kumi sin bîla kumi pan aisaras kan.

Aiseya 42:17

Aidul nani ra ai kupia lukra mangki bri nani ba, witin nani ai gâdka nani wi ba: “Man nani ba yawan wan gâdka sma’, witin nani ba swira daukan, kitwi tnaya ra tawi wabia.

Aiseya 44:12

Yawan kaikpi ayan ni diara papaskra ba, nahki dauki ba: ayan klakaika ba ni alkisa, lapta dauki bara amar ni pruki wîna daukra ba daukisa. Ai klahkla karnika ni baha warkka takisa; witin tisku plun daukisa, piras sa kaka ai karnika nani sin âpu takisa, lî diras bara mahka swapni takuya.

Aiseya 45:16

Aidul uplika nani sut ba, turban man bara swira sin daukan kabia, lilka papaskra nani sut ba, witin nani ai swira daukka wabia.

Aiseya 45:20

Asla taki bara bal, tawan ra raya takaskan nani ba, laimara bal. Witin nani kau baha nani tânka briras kan ba, baha nani ai aidulka dus ni daukan ba purara buki, bara witin nani gâd kum ra ai pura suni ba swaki sakaia gâdka apia ra.

Jirimaya 10:8

Witin nani sut ba sinskas baman sa, sins bri uplika nani apia sa. ¡Dus pîs kum ba wina witin nani ra smalkaia diara âpu sa!

Jirimaya 16:19

Dawan, yang karniki bara kaini kakahbra, yang yukuwaiki trabil brisna piua ra; nisan nani ba man ra balbia, tasba paskanka takaskan ba wina bal, bara mai wibia: “Kunin gâdka nani, diara bahki, karnika âpu nani ba baman, damiki nani ba ai dukia kukanka baku brin.

Jirimaya 2:8

Prîs nani ba sin ai plikras kan, upliki nani ra smalki nani ba sin yang lâika ba smalkras tâ bri nani ba maipara buan, prapit nani ba Baal dahra aisin bara aidul nani diara bahki ba ninara wan.

Jirimaya 50:2

“Nisan nani ra maisa paks, naha tânka witin nani briaia. Maisa pakanka tukinka ba purara buks; diara kumi sin yukukpara. Man nani wis: ‘¡Babilon kata pat brin! ¡Bara gâdka Bel kata ba lawaska kikaia ra lakan, Marduc gâdka kata ba, sibrin tara ra sa! Aidulka nani, gâdka bahki nani ba, lawaska kikaia ra tawan bara sibrin tara ra sa.’

Jirimaya 51:17

Upla sut ba sinskas baha tânka nani ba briaia brin daukras sa. Aidul nani ba mita baha papaskra nani ba ra kunin munisa: baha nani rayaka âpu kunin wan muni ba lilka nani sika;

Daniel 5:23

Kau ni mapara sma, man king, Gâd Laih Purara iwi ba lawaska kikram sa, tibilkam ra brih balbia paiwram baha kapka sirpi nani bara tara nani Dawan watla ra bri kan ba; bara paiwram uplika nani wal bahara wain laiki dih banhram dawankam nani ra mayunra yaram baha nani gul, silbar, bras, ayan, dus bara walpa ni paskan ba, baha gâd nani sip kaikras, sip walras, bara diara sin tânka briras pali ba. Man mayunras kapram, baha Gâd mihta ra rayakam ba bâra sa, witin mihta ra sa man yabalkam nani sut ba sin.

Emus 2:4

Dawan naku aisisa: “Juda uplika nani saura ailal pali daukan, bamna yang bui witin nani ba sip klala yabras ban swimna apia; kan witin nani Dawan lâka ba bahki kulkan, Dawan ai lâka daukaia yan ba witin nani brih, daukras swin, kau ni aidul nani ra mayunan, witin nani ai aisika mayunan kata aidulka nani ra.

Jona 2:8

Gâd bahki nani nina bliki banhwi ba, man ra kasak lukaia lâka ba mahka swisa;

Sakaraya 10:2

Upla ai mihta ni paskan gâdka nani aisi ba kunin sa, smaya kakaira nani kaiki ba sin kunin. Diara takbia wisi aisi yaprisauhkan ba, dukia takras baman sa, maisam nihkaia bîla nani aisi ba, maisa nihkanka âpu sa. Baha mita tawan ba sîp baku wataukisa, bara pât wahwisa, sepad kum âpu ba tâka mita.

Roman 6:21

bara nanara baha dukia nani tâwan swiram mai dauki ba wina, ¿dîa pain sakatma ki? Baha ba prura mata baman mai brih auya kan.

1 Korint 12:2

Man nani pain kaikisma kau idan katma ba ra, aidul bîlas nani mita raski mai brih wi kata.

Param Marikanka 19:20

Bara daiwan saura ba alkan kan, bara witin ba wal prapit kuninkira ai mawanra sain aihka nani daukan kan ba sin. Baha sainka nani bâk, prapit kuninkira ba baha nani dragun markka bri nani kan ba ra kunin munan kan, bara dragun lilka ra ai pura suni mayuni kan ba ra sin. Daiwan saura bara prapit kuninkira ba wâlsut raya pali pauta lakunka sulpa wal ami kan kat lulkan.

Wihta Nani 17:4

Micaías baha lalahka ai yaptika ra kli yaban ba ningkara, yaptika taki wan silbar ni diara papaskra waitnika kum ra, bara silbar mâ 200 yaban gâd bahki kum karbi paskaia, bara silbarka ba slilki taya pura ba lalaubaia. Baha paskbia ba ningkara, gâdka bahki ba Micaías watla ra bri si swibia.

1 Samuil 12:21

Kunin gâdka nani nina blîkpara, baha nani hilp mai munras, swaki sin mai sakras, kan witin nani ba kuninkira nani sa bamna.