2 Timoti 4:14 - DAWAN BÎLA AISKA

¹⁴ Alejandro bras warkka dadaukra ba, uya diara saura nani ai munan; Dawan mita witin ra dîa daukan ba kat ai mana yabia.

2 Timoti 4:14 ပူးပေါင်းရင်းမြစ်များ

2 Samuil 3:39

Baha mita, Gâd bâk ai saki king ai mangkan, ban sakuna swapni ai sakan daira walisna, Seruiá luhpia nani baku pali saurka tara daukan ba mita. ¡Naha watawika lâka na ya pali mita daukan ba, witin ai mana dîa briaia kan ba aitani sa Dawan bui witin ra yabia!

Lawana Nani 28:4

Ai warkka mana ba yas, dîa witin nani briaia ba, ai daukanka saura ba mana; upla wala ra dîa munan mana ba ni kli aibaps, saurka nani daukan ba kulkanka mana ba kat.

Lawana Nani 62:12

Bara witin lawi upla bani ra mana yabisa dîa daukan ba tânka kat.

Jirimaya 15:15

Dawan, man lika diara sut tânka brisma ba, ¡yang ra ai luki bas, bal hilp ai muns! ¡Waihli nani nini bliki ba man bui witin nani ra pana muns! Witin nani mapara man ban kupiam alki takaski kapara, witin nani ban yang ra ai ikbia; kaiks man tâmwan diara saura nani ai wi ba ban kupi alki takaskisna.

Inanka Nani 3:64

Witin nani ra dîa aibapaia ba kat yas, Dawan, witin nani ai mihta ni dîa daukan ba praiska kat yas.

Roman 12:19

Muihki laitwankira nani, saura mai munan ba tâwan upla ra pana saura munpara, sakuna swis Gâd mita uplika ba ra klala yabia, kan Ulbanka ba wisa: “Yang mita lika klala yaia sna; bahamna Dawan bila: Swis yang baha ba kasakka lâka ra aibapamna.”

Roman 2:6

baha yua ra Gâd upla bani dîa daukan ba kat mana yabia.

2 Tesalonaika 1:6

Baku bamna, dîa aitani ba kat Gâd daukbia, man nani ra maikan pât wahwisma uplika nani ra, witin yaka pât wauhbia,

1 Timoti 1:20

Himeneo bara Alejandro ra sin baku takan, witinka nani yang mita Sitan mihta ra mangkri, bara baku mika ai bîla ni Gâd mapara saura aisi nani ba, aisabia apia dukiara.

2 Timoti 4:15

Man lika witin ba aman kaiki bas, wan smalkanka ba mapara witin kasak buan sa bamna.

1 Jan 5:16

Upla kum kaikisa kaka, ai muihni kum pruaia apia saurka kum daukisa, witin ai pura sunaia sa, bara Gâd mita raya kaia lâka ba yabia, baha ba pruaia apia saurka sa kaka. Saurka bâra sa pruaia dukia, bamna yang wiras bahmuna saurka dukiara puram sunaia.

Param Marikanka 18:20

Sakuna, man, kasbrika pura, liliam bas, baha tawanka tara ba tâka; man nani liliam bas, Gâd uplika nani sma ba, apastil nani bara prapit nani, kan Gâd mita witin ba pât ra lakan ba ra, kasakka lâka ba man nani ra daukan sa.

Param Marikanka 18:6

Upla wala nani ra dîa yaban ba baku, witin ra sin yas, bara dîa daukan ba mana wâl prais aibaps. Ai kapka upla wala nani ra diaia dukia abalki yan ba, witin ra aima wâl prais kau karna abalki yas.

Param Marikanka 6:10

Naha nani ai bîla baikra karna wini kan: “Dawan, man holikira sma ba bara kasak kat pramis daukisma ba, ¿ahkia kat man ba lâ daukma naha tasba ra iwi nani ra, bara pana ikma wan pruanka nani ra?”

1 Samuil 24:12

¡Dawan bui yawan wal wan lâka ba daukbia, witin bui king ra pana munbia! Yang bui daukaia sna ba lika, mihti bukamna apia pali king tara ba mapara.