2 Timoti 4:10 - DAWAN BÎLA AISKA

¹⁰ kan Dimas ai lulki ai swih Tesalonaika ra wan, witin naha tasba dukia nani ba kau want kan bamna. Crescente lika Galesha tasbaya ra wan, bara Taitus ba Dalmacia ra.

2 Timoti 4:10 ပူးပေါင်းရင်းမြစ်များ

Matiu 12:32

Bara ya ya Upla Luhpia Waitna mapara diara kum aisabia ba, Gâd baha uplika pâtka ban swih tikan kabia; sakuna ya Spirit Holikira mapara bîla saurakira nani aisabia ba, naha tasba ra bara tasba wala aula ba ra sin swih tikan kabia apia.

Matiu 26:56

Sakuna naha na naku takisa, prapit nani Ulbanka ra win ba aimakaia dukiara. Bara disaipil nani sut Jisas ba yakan swi si, plapan.

Luk 14:33

Baku sin, ya man nani tilam wina witin dîa bri ba sut swiras kaka, yang disaipilki kaia sip apia sa.

Luk 16:13

“Alba kumi sip apia sa dawan wâl dukia daukaia; kan kumi ra misbara kaikbia bara wala ra lika latwan kaikbia; apia kaka, kumi ba mapara kasak kabia, bara wala ba ra lika saura kaikbia. Sip apia sa Gâd bara lalah wâlsut warkka daukaia.”

Luk 17:32

Lot maya mairin ra dîa takan ba luki bas.

Apastil Nani Sturka 13:13

Pal ai uplika wala nani ba aikuki Pafos wina duri ra aimaki, ban laki Perge ra balan, Panfilia tasbaya ra; sakuna Jan lika witin nani wina dakwi taki kli Jerusalem ra wan.

Apastil Nani Sturka 15:38

Sakuna Pal mita baha wahma kli aikuki taukaia aitani lukras kan, witin kata sika Panfilia kuntrika ra witin nani ra swin; bara wark ra waras kan.

Apastil Nani Sturka 16:6

Spirit Holikira adar yaras kata Asia ra sturi yamni ba smalkaia. Bamna witin nani Frigia bara Galesha tasbaika bâk impaki,

Apastil Nani Sturka 17:1

Pal bara Silas wal impaki Anfípolis bara Apolonia bâk Tesalonaika tawanka ra balan. Bahara lika Ju nani priaska watla kum bâra kan.

Apastil Nani Sturka 17:11

Naha Juka nani na kau upla painkira nani kan Tesalonaika nani ba wal. Witin nani ai kupia aiska ni Dawan bîla ba brin kan, bara yu bani Ulbanka nani ba tânka pliki kaiki kan, diara nani aisi kan ba kasak sapa.

Apastil Nani Sturka 17:13

Sakuna Tesalonaika ra Ju nani bâra banhwi kan ba walan, nahki Pal Dawan bîla ba Berea ra sin wih smalkisa, bamna bahara sin witin nani wih upla nani kupia turban.

Apastil Nani Sturka 18:23

Bahara yu tila nani luan, ningkara kli taki impakan plis wala nani ra, Galesha ra bara Frigia ra sin; bahara iwi kristian nani sut tâ baiki kan.

2 Korint 2:13

Kuna kupi sip lilia apia kapri, wan muihni Taitus wal prawras kapri bamna. Baha mita, uplika nani ba ra lakula baman wih, mahka taki Macedonia tasbaya ra wari.

2 Korint 7:6

Sakuna Gâd, witinka swapnikira nani ra karnakira saki ba karna wan sakan, Taitus balan ba ra;

2 Korint 8:16

Bamna Gâd ra tingki wisna, yang kupi ra dîa man nani dukiamra luki kapri ba, baha sim lukanka witin Taitus kupia ra sin mangkan.

2 Korint 8:23

Upla kumi Taitus dukiara makabi walbia kaka, wis witin na lika yang pâinika sa bara aikuki asla wark dadaukra nani banhwisna man nani dukiamra. Wan muihni wala wâl ba dukiara makabi walbia kaka, wis baha nani lika serts nani ba mita blikan sa, bara Kraist ra mayuni banhwisa.

2 Korint 8:6

Bahamna, yang nani Taitus ra makabri, naha latwan lâka lalah sakaia warkka na man nani tilamra aiska pali daukbia, kainara pat witin daukata ba baku.

Galesha 1:2

Bamna yang, bara wan muihni nani yang wal nani ba mita sin, naha wauhkataya na ulbisna, Galesha tasbaya ra serts nani bâra ba sut ra.

Pilipai 2:21

Upla wala nani lika, witin pain kaia baman plikisa, bara Kraist Jisas dukia nani ba lika ai kupia lukras.

1 Timoti 6:10

Kan lalah ra latwan kaikaia ba sika saurka sât sât plamaika ba. Upla tila nani ba baha brin pali dauki tâka mita, kasak lukan lâka wina tnaya ra tawi banhwan sa, bara witin ai rayaka nani ba, pât nani taki banhwan sa.

1 Timoti 6:17

Naha tasba ra yuya ailal bri nani ba ra smalki wis, witin nani kwalhwi kabiara, yuyaka nani kat kaiki ai kainara diara briaia sin luki banhbiara, baha nani ban lap tiwisa bamna. Sakuna, witin nani Gâd ra luki ai kainara diara briaia luki ban kan, witinka diara ailal wankisa, yawan lilia takbia dukiara.

2 Timoti 1:15

Man kaikisma Asia tasbaya ra iwi nani ba sut ai swih plapan; baha nani tilara Figelo bara Hermógenes sin.

2 Timoti 4:16

Wihta nani mawanra yang pas pali daihra aisari ba ra, upla kumi sin hilp ai munras; sut ai swih plapan. Yang bui Gâd ra makabisna, baha ba witin nani mapara kulkan kabia apia.

Taitus 1:4

Taitus, kasak lukan lâka ban bri ba tânka ra luhpi aihwa sma ba, naha wauhkataya mai ulbisni. Gâd wan Aisa bara Dawan Jisas Kraist wan Sasakra wal mita man ra yamnika maikbia, bara kupia kumi lâka sin.

Pilimon 1:24

bara Mk, Aristarco, Dimas, bara Luk sin; naha nani sika wark daukaia hilp ai muni nani ba.

2 Pita 2:15

Witin nani yabal wapni ba swin mita tiwi wataukisa. Beor luhpia prapit Balaam daukanka ba nina blikisa, bamna Balaam sika diara saura dauki lalah briaia baman luki kan;