2 Timoti 3:3 - DAWAN BÎLA AISKA

³ Ai uplika nani ra latwan bara umpira sin kaikbia apia, upla nina aisasara nani kabia, ai wîna brinka nani sip alki takaskras kabia, kupias nani bara diara pain nani waihla kabia.

2 Timoti 3:3 ပူးပေါင်းရင်းမြစ်များ

Blasi Sturka 49:7

¡Saura pali, âu, saura pali kama, man nani kupiam baiwanka saura daiwan baku ba! ¡Man nani damhra ba sut pali, yang bui Israel tasbaya aiska ra yakabamna!

Lawana Nani 15:4

bahki kulkan uplika ba witin bui bahki kulkisa, sakuna Dawan ra kulki uplika nani ba, witin kulkisa; witin trabil briaia kat sin swer takisa, sakuna ai kupia aihka lakras;

Lawana Nani 22:6

Sakuna yang na upla apia, yang na liwa kum sna; upla nani sut, yang na saurakira ai kulki misbara ai kaikisa.

Aiseya 53:3

upla nani witin ra bahki kulki lulki swin, waitna kum ai wîna latwanka uya bri kan, pât wahwaia ba ai natka takan. Witin ra upla kum baku kaikaia uplika apia kan, yawan bui witin ba bahki kulkan, yawan bui witin ba wan tilara kulkras.

Aiseya 60:14

Taibi mai muni kan luhpia nani ba, man mamwanra bawikira balbia, lamwaska kiki nani kata ba sut sin, bal minam ra ai lula kriki ai pura sunbia bara mai wibia: ‘Man ba Dawan Tawanka ba’, ‘Gâd Saionka, Israel ra Holikira ba.’

Daniel 8:23

‘Naha kingka lâka nani tnata alkbia ba ra, saurka nani ba ni âuya mâira lâka ra karnika ba alki bribia.

Matiu 10:21

“Upla nani ai muihnika nani ra kunin muni prura pâtka ra dingkbia, aisa nani mita sin ai luhpia nani ra baku munbia; luhpia nani ba ai aisika nani mapara bubia, bara prura mihta ra mangkbia.

Matiu 4:1

Naha ningkara, Spirit ba mita Jisas ba upla iwras tasbaya ra brih wan, dibil mita traika kaikbia dukiara.

Luk 10:16

Jisas naha sin ai disaipilka nani ra win: “Ya man nani ra mai wali ba, yang ra sika wali ba; bara ya man nani ra mai briras ba, yang ra sika ai briras ba; bamna ya yang ra ai briras ba, ai blikan ba ra sin briras sa.”

Luk 16:14

Parisi nani, witinka nani lalah laik kaiki nani ba, naha diara nani na wali, Jisas lawaska kikan.

Jan 6:70

Jisas pana win: —Man nani 12 sma ba, ¿yang bâk saki mai briri apia? Ban sakuna, man nani wina kumi ba dibil kum sa.

Roman 1:29

Rausauhkan lâka sâtka nani sut ba ni banhwan sa lâ saura nani, gridi lâka bara lukanka saura, tuman lâka bri nani, upla âikra, unsasabra, kunin mamunra nani, saura dadaukra, bara upla nina aisasara.

Roman 1:31

sins lâka aitani briras nani, ai bîla aisi ba kat daukras nani, upla wala ra latwan kaikras nani, upla wala pâtka swih tikras nani, bara umpira kaikan lâka luha nani.

1 Korint 7:5

Baha ba mita, pana pana wal prawaia apia wipara, ban kra pura sunra warkka daukaia dukiara wal lâ daukma piu wiria wal asla prawaia apia. Baha ningkara, kli asla prawi banhwaia sma, wînam tara nani sip alki takaskras sma ba mita, Sitan mita kra traikam kaikbiara sîa.

1 Korint 7:9

Sakuna man nani wînam brinka ba sip alki takaskras sma kaka, marit taks; kan aitani sa marit takaia ba, wan wîna brinka karna ni amaia ba wal.

1 Tesalonaika 4:8

Baku bamna, ya naha smalkanka nani bahki kulkisa kaka, upla kum ra lika bahki kulkras sa, sakuna Gâd ra sika, witinka pali ai Spiritka Holikira wankan ba.

1 Timoti 3:11

Sim baku hilpa mairin nani ba kulkanka bri uplika nani kaia sa, upla dahra kwakwahkra kaia apia, witin nani ba ai rayaka wapni bri kabia, bara diara sut mapa ra kasak kaia sa.

Taitus 1:8

Sakuna, piu bani upla wala nani ai watla ra briaia wilin kaia sa; diara yamni dauki uplika kaia sa, ai sinska pain bri kaia, kasakkira, holikira bara ai kupia alki takaski kaia.

Taitus 2:3

Baku sin, serts almukka mairin nani ra wis, upla wal kulkan lâka ra iwaia, upla dahra kwahki kabiara, bara bla tatakra kabia apia. Witin nani ba diara pain ba kat smalkaia sa,

Jems 2:6

Sakuna man nani lika umpira nani ra swira daukisma; ban sakuna, lalahkira nani ba sika man nani ra taibi mai bri ba, ¿bara wihta nani mawanra raski mai brih wi ba?

2 Pita 2:14

Mairin nani kaikbia ba sut want sa; saura dauki sin swapras. Sulka swapan takan nani ba maisa kapisa; witin nani baman sin diara manis bri kaia want sa; bamna baha nani ba upla saura pali kulkan sa.

2 Pita 2:19

Pramis munisa pri lâka ra iwi kaia sakuna sim piua ra, witin nani lika tâski lâka ba albika sa; bamna upla bani ani dukia mita witin ra yan taibi ba, baha dukia albika sa.

2 Pita 3:3

Tâura naha tânka luki bas: Tnata yua lamara upla manis balbia bara diara holikira nani ba lawaska kikbia, ai brinka saura nani ba kat baman iwi kabia swira paskaia luki,

Judas 1:16

Naha nani sika brukwi aisasara bara diara sut ba saura baman sa aisi nani ba, witin nani ai âuyapah kaia dukia nani baman pliki taukisa; praut bîla nani sin aisisa, hilp briaia dukiara upla nani painka baman aisisa.

Judas 1:18

man nani ra mai aisin ba: “Tnata yua nani ra upla nani bâra kabia, diara holi ba dukiara lawaska kiki kabia, bara witin nani ai brinka ba kat baman sin tauki kabia.”

Param Marikanka 13:15

Bara daiwra saura wala ba ra karnika yan daiwan saura pas ba lilka ra rayaka yabaia dukiara, bara baku baha lilka ba aisaia sip kabia, ban sin baha nani witin ra ai pura suni mayunras kan nani ba ikaia.

Param Marikanka 13:17

Bara upla kumi sin markka ba, daiwan saura nina ba, ai nina numbika ba âpu kan kaka, sip apia kan diara atki briaia, diara atki yaia sin.

Param Marikanka 16:6

Kan witin nani sika Gâd uplika nani tâlia, bara prapit nani tâlia sin laikan, bara nanara man ba witin nani ra tala yabram diaia. Witin nani dîa briaia aitani kan ba nanara brisa.”

Param Marikanka 17:6

Bara kaikri mairka ba, Gâd uplika nani tâlia bara Jisas witniska taki kan tâwan ikan nani ba tâlia dih, witin bla takan. Yang baha kaikri ba ra, aihka pali tâ iwri.