2 Timoti 3:2 - DAWAN BÎLA AISKA

² Upla nani ba klauna ai dukiara baman luki kabia, lalah ra latwan kaikbia, kakalra kabia bara sin diara lalihkra kabia, Gâd mapara aisi kabia, ai aisika bîla walras kabia, tingkikas kabia bara serts ra rispik âpu kabia.

2 Timoti 3:2 ပူးပေါင်းရင်းမြစ်များ

Lawana Nani 10:3

Upla watawikira ai brinka ba dukiara aimayunisa; upla gridikira ba, Dawan ra kulkaia apia wisa, bahki kulkisa.

Lawana Nani 49:6

Witin nani lika, ai dukia kukan nani ba ra man lukisa; witin nani ai yuyaka brisa wisi, bahara baman tniwisa.

Lawana Nani 52:1

Karnakira nani sma ba, ¿dîa kan man nani watawi daukisma ba dukiara aimayunisma? ¡Dawan latwanka lâka ba lika, ban kaia ra ban bâra sa!

Sins Lâka 6:17

ai nakra praut lâka ra kaiki ba, twisa kunin aisi ba, mihta nani sin tala pâtkas laiki ba,

Aiseya 10:15

¿Sakuna, sip sa ki asa ba lukaia witin ba kau tara sa baha uplika witin ra alki bri klaki ba wal? ¿Sâ ba witin kau tara sa ai dara walaia sip sa ki upla witin ra nikbi ba wal? ¡Kîn ba, dus kum sa, bara witin mita sip sa ki upla buki brih waia!

Daniel 11:36

‘Yahbra tani kingka diara sut ba daukbia, witin ai brinka ba kat. Baha ba aimayunanka saura witin lukisa ba gâd nani sut purkara sa, Gâd kasakkira ba mapara saura pali ba aisabia, bara diara sut ba ai mapara yamni takbia, Gâd mita klala blîkbia ba kat; kan Gâd lika dîa daukaia luki ba kat daukbia sa.

Daniel 7:25

Gâd Laih Purara iwi ba swira dauki kabia, bara uplika nani ra sin âpu dauki kabia, ban trai munbia Gâd lâka ba lakaia, baku sin Gâd lilia yua tara daukaia ba, Gâd uplika nani ba ai karnika mununhtara kabia mani yumhpa pura bakriki.

Matiu 15:6

bara ya ya baku aisabia ba, ai aisika ra bara ai yaptika ra hilp munaia apia sa. Baku man nani bui Gâd lâka ba bahki kulkram, man nani lâmka nani nina blikaia dukiara.

Luk 12:15

Jisas naha sin wisata: —Upla diara bri ba tumisma ba aman kaiki damra wali bas man nani, kan upla rayaka ba lika diara ailal bri ba mita raya apia.

Luk 16:14

Parisi nani, witinka nani lalah laik kaiki nani ba, naha diara nani na wali, Jisas lawaska kikan.

Luk 6:35

Sakuna man nani lika waihlam nani ra latwan kaikaia sma, yamni sin munaia, bara diara lin munisma kaka, kli briaia bîla kaikpara. Baku lika mamna tara brima, bara Gâd Laih Purara iwi ba luhpia nani kama, kan witin lika latwankira sa, tingki lukras nani bara saurakira nani mapa ra sin.

Apastil Nani Sturka 5:36

Man nani kupiam krawi banhwisa krani, nahki piua luan ra takan ba; Teudas kata ba buan, bara wisata witin lika upla tara kum sa, bara 400 waitna nani witin nina blikan. Sakuna witin ba ikan ningkara, baha nani ai nina bliki kan ba sut aihka aihka baman plapan.

Roman 11:18

Sakuna lukpara tnawa pali nani ba wal man ba kau pain sma. Man ba kau pain sma lukma ba ra, damra wals man apia sika dusa ba wakia ra alki bri ba, sakuna wakia ba sika man ra alki mai bri ba.

2 Korint 5:15

Kraist upla sut tâwan pruan, baha mita raya nani ba ai wîna dukiara raya kaia apia sa; sakuna witinka, witin nani ai dukiara pruan bara kli sin raya buan ba dukiara mika raya kabia.

Pilipai 2:21

Upla wala nani lika, witin pain kaia baman plikisa, bara Kraist Jisas dukia nani ba lika ai kupia lukras.

Kolosi 3:5

Baku bamna, naha tasba tânka nani man nani wînam ra bâra ba, yas prubia: upla kumi sin marit takras ni, ai maya briaia apia sa; diara tâski nani sin daukaia apia, kli sin ai brinka saura nani, bara rug lâka nani nina bliki taukaia apia sa, gridikira kaia sin apia sa. Kan baha diara nani daukaia ba lika, aidul nani ra wan pura sunaia tânka wal kumi sa.

2 Tesalonaika 2:4

Naha sika waihla kum, diara sut Gâd nina bri ba mapara bûi ba, baku sin pura suni mayunaia tânka bri ba mapara buisa. Bara ban sin Gâd tempelka ra dimi iwisa, Gâd kan baku, bara witin pali ba Gâd wisa.

1 Timoti 1:20

Himeneo bara Alejandro ra sin baku takan, witinka nani yang mita Sitan mihta ra mangkri, bara baku mika ai bîla ni Gâd mapara saura aisi nani ba, aisabia apia dukiara.

1 Timoti 1:9

Wan kupia kraukaia sa, lâ ba upla yamni nani dukia wisi daukras sa; lâ ba lika mangkan sa, kiamapara nani ra klala yaia, bîla wali daukras nani ra, watawi dadaukra nani ra, saura dadaukra nani, Gâd ra kulkras nani ra, kristian lâka sin kulkras nani ba, ai aisa ra, apia kaka ai yaptika ra iki uplika nani ra, upla âikra nani sut,

1 Timoti 3:3

bla tatakra kaia apia sa, unsasabra wal ai uplika kaia apia, sakuna kupia yamnikira bara kupia kumi lâka bri uplika kabia; witin ba lalah wantkira kaia sin apia sa.

1 Timoti 6:10

Kan lalah ra latwan kaikaia ba sika saurka sât sât plamaika ba. Upla tila nani ba baha brin pali dauki tâka mita, kasak lukan lâka wina tnaya ra tawi banhwan sa, bara witin ai rayaka nani ba, pât nani taki banhwan sa.

1 Timoti 6:4

witin ba prautkira sa, bara diara tânka briras. Witin ba bîla nani dukiara baman aisi blahwaia sikniska alkisa; bara naha wina sika tuman lâka, unsaban nani, upla ra saura wiaia lâka, upla bara diara kumi ra sin sip kasak lukras kaia lâka taki ba;

2 Timoti 3:4

Upla nani ra kunin muni pât ra dingki kabia, ai kupia lukras diara dauki kabia, prautkira nani kabia; Gâd ra plikaia ba watlika ra, ai wîna brinka nani pliki kabia.

Jems 2:8

Ulbanka lâ kau tara ba naha sika: “Uplikam ra latwan kaiks, man wînam baku”, bara man nani baha ba kulkisma kaka, uya pain daukisma.

Jems 4:16

Sakuna man nani uya mamyuni aisisma; bara naha pura luaia lukanka na sika saura.

Jems 4:6

Sakuna Gâd ai yamnika mita kau latwan wan kaikisa, kan Ulbanka ra naku wan wisa: “Gâd bui prautkira nani ba mapara buisa, sakuna bawikira nani ra lika ai yamnika ba ni hilp munisa.”

1 Pita 5:5

Baha sim natka ra, man nani wahma nani, almuk nani karnika munhtara bawi bas. Man nani sut kumi bani walkam munhtara bawaia sma; kan Ulbanka ra naku wisa: “Prautkira nani ba Gâd mita batakisa, sakuna bawikira nani ra lika ai yamnika ni buki hilp munisa.”

2 Pita 2:10

Gâd mita kau pali klala yabia, baha nani ai brinka baman nina bliki bara Dawan karnika sin bahki kulki ba. Witin nani ba kiama karna bara ai bisniska apia ra ban dimisa; ai purara karnika bri nani ba swira paskisa sibrin sin âpu;

2 Pita 2:12

Bara naha uplika nani kupia lukra ba, sim daiwan wail aisubi takan ningkara, upla nani mita alki iki ba wal baku sa; witin nani diara sip tânka briras ai sinska lukra wal baman iwisa, diara tânka briras ba dukiara saura aisisa; bamna daiwan baku prubia,

2 Pita 2:18

Witin nani lika bîla bahki bara praut baman aisisa, bara tanis lâka ra iwi uplika nani wina swakwan nani ba, witin nani ra daukanka saura pali ni bara wîna tara brinka nani ni maisa kapisa.

2 Pita 2:3

Lalah ra uya want ba mita, kunin smalkanka ni kasak pali mai smalkbia; kuna witin nani ra pât ra lulki swiaia ba lika ai bîla kaikisa, kan witin nani ba pat piua wihka luan wina pât ra lakan sa bamna.

Judas 1:16

Naha nani sika brukwi aisasara bara diara sut ba saura baman sa aisi nani ba, witin nani ai âuyapah kaia dukia nani baman pliki taukisa; praut bîla nani sin aisisa, hilp briaia dukiara upla nani painka baman aisisa.

Param Marikanka 13:1

Bara yang daiwan saura kum kabu wina bal uluya kan kaikri; witinka ba lal 7 bri kan, bara aringka matawalsip. Ai aringka bani ra kraun kum bri kan, bara ai lal nani ra Gâd kupia sauhkaia nina kum ulban kata.

Param Marikanka 16:11

bara witin nani kasbrika pura Gâdka mapara diara saura nani aisan, ai latwanka nani bara ai wîna sukwanka tâka ba mita. Sakuna witin nani saura dauki banhwi kan ba swi si ai kupia lakras kan.

Param Marikanka 16:21

Walpa tara nani sin kasbrika pura ba wina upla nani purara bal kauhan, bara walpaya bani ba 100 paun prais bri kata. Bara upla nani Gâd mapara diara saura nani aisan, walpa tara bal kauhan ba dukiara, baha ba pât saura kan bamna.

Param Marikanka 16:9

Sut ba saura pali angkan kan, bara witin nani ba Gâd nina ra diara saura nani aisan, witinka naha pâtka tara nani purara karnika bri ba; sakuna witin nani ai kupia lakras, witin ra sin mayunras.