2 Timoti 3:16 - DAWAN BÎLA AISKA

¹⁶ Ulbanka aiska ba Gâd wingka puhbra mita sika, bara baha ba yamni sa upla ra smalkaia bara lawi daukaia, swakwanka nani ba wapni daukaia, bara kasakka lâka mapa ra upla ra smalkanka yabaia dukiara,

2 Timoti 3:16 ပူးပေါင်းရင်းမြစ်များ

2 Samuil 23:2

“Dawan Spiritka ba yang bîli bâk aisisa; ai bîla aisinka ba yang twisi ra sa.

Nihimaya 9:20

Bara man spiritkam yamni pali sin blikram witin nani ra smalki kaia, bara ai pata manâ ba sin bîla wina sakras kapram, baha purkara lî sin yabi kapram ai diranka ba daski kaia dukiara.

Lawana Nani 119:11

Man bîlam aisinka nani ba kupi ra mangki briri, yang bui man mampara saura daukaia apia ba mata.

Lawana Nani 119:130

Man bîlam nani smalkanka ba ingni wankisa; ai dahra pain walras nani ra yabisa diara tânka briaia.

Lawana Nani 119:9

¿Nahki wahma kum sip kabia, ai rayaka ba tâski âpu briaia? ¡Man bîlam dîa wi ba kat dauki ba mita!

Sins Lâka 15:10

Yabal pain ba swi uplika ra, witin karna pali smalkisa; bara kupia kraukanka yabi ba waihla nani ba ban pruisa.

Sins Lâka 15:31

Rayaka ba wapni daukaia, lawi bara wali ba, sinskira nani tilara ai pliska kum bribia.

Sins Lâka 6:23

Kasak lâ bîla bara smalkanka ba, lamp kum ingni klauhi ba sika; wapni takaia lâka bara kupia kraukaia ba sika, rayaka yabalka ba.

Miqueas 2:7

¿Dîa man nani lukisma, Israel luhpia nani ba lahtubanka munhtara sa? ¿Gâd na ai kupia alki takaskras takan ki? ¿Man nani lukisma ki, Gâd ban baku pali daukbia? ¿Upla yamni, diara wapni dauki ba dukiara, yamni aisisa apia?

Sofonías 3:2

Witin ba Dawan bîla baikra ba walan daukras sa, ai saurka nani wina wapni takaia sin brin daukras sa, witin ra kasak lukras kan, ai Dawanka ra plikras kan.

Matiu 13:52

Baku bamna, Jisas bila: —Lâ Smasmalkra kum kasbrika purara ba kingka aimaki ba lâka tânka ba pain lan takuya ba ra, kiaptin kum baku sa; witinka ai yuyaka nani wina diara raya nani bara almuk nani sin sakaia ba pain kaikisa.

Matiu 21:42

Bara Jisas witin nani ra win: —¿Man nani Ulbanka ra kau aisi kaikras ki? Naku ulban sa: ‘Walpa utla mâmakra nani mita lulki swin ba, baha pali sika raya wihtka takan ba. Naha na Dawan mita daukan sa, bara yang nani aihka tah iwi banhri sa.’

Matiu 22:43

Bara Jisas witin nani ra win: —¿Nahki kan Spirit Holikira ingnika yan ba mita, Debit mita Dawan mâkan? Kan Debit naku aisan:

Matiu 26:54

Sakuna baku kaka, ¿Ulbanka ra baku takaia wi ba nahki aimakbia ki?

Matiu 26:56

Sakuna naha na naku takisa, prapit nani Ulbanka ra win ba aimakaia dukiara. Bara disaipil nani sut Jisas ba yakan swi si, plapan.

Mark 12:24

Bara Jisas witin nani ra win: —Man nani mamwahkisma, man nani ulbanka nani tânka briras sma bamna, Gâd karnika ba sin kaikras sma ba mita.

Mark 12:36

Kan Debit pali Spirit Holikira ingnika mita, naku win: ‘Dawan mita yang Dawanki ra win: Man mihti aihkika ra iws, yang mita waihlam nani minam munhtara mangkamna ba kat.’

Jan 10:35

Yawan kaikisa Ulbanka dîa aisi ba, sip baha ba bahki wiras; bamna Gâd mita baha uplika nani ai smalkanka alki brin nani ba gâd nani mâkan sa.

Jan 3:20

Saura dauki uplika nani ba sut ingni ra misbara kaikisa, bara ingni lamara sin balras, witin nani saura dauki ba param sâkbia sîa.

Apastil Nani Sturka 1:16

“Muihki nani, piua ba baku aimakaia kan, piua luan Ulbanka nani ra aisi ba kat, nahki Spirit Holikira Debit bâk aisin ba Judas dukiara. Witin sika Jisas priski silak ra brih waia uplika nani tâ brin ba.

Apastil Nani Sturka 18:25

Naha waitnika Dawan yabalka tânka sin aitani kat lan takan kan, ai tâ baiki sin aisi kan, Jisas tânka ba param saki smalki kan, witin Jan Tatahbra tahbi daukanka tânka baman kaiki kan sakuna.

Apastil Nani Sturka 20:20

Sakuna takaskras mai smalki katna man nani ra dîa dîa man nani yamnikam kaia ba dukiara, ban tawan bilara, wamtla nani kat sin.

Apastil Nani Sturka 20:27

kan yang bui man nani ra Gâd ai kupia ra luki dukia nani ba tânka yukukras param pali mai wîri.

Apastil Nani Sturka 28:25

Witin nani ai tilara aikuki sip lukanka kumi sakras kan bamna, mahka taki aidruban. Bara Pal bila: —Spirit Holikira ba prapit Aiseya bâk pain aisin wan damika nani ra.

Roman 15:4

Bamna patitara piua wina dîa dîa Ulbanka ra aisin ba, baha lika yang nani ra ai smalkaia dukiara ulban, wihka bîla kaikaia lâka bri ba mita bara Ulbanka nani mita wan maisa nihki ba mita, wan kainara diara briaia ba luki kabia.

Roman 2:20

sins aitani briras nani smasmalkrika kaia, tuktan nani ra sins tânka smalkaia sin. Bamna man lika lâ ba wina pat brisma, diara tânka briaia lâka bara diara kasak pali ba tânka sin.

Roman 3:2

Baha ba uya bara aitani pali sin kulkan sa. Pas pali lika, Gâd mita ai smalkanka ba Ju nani mihta ra mangkan kata.

Roman 4:23

Ebraham kasak lukanka lâka Gâd mita aitani kulkan ba, baha dukiara baman wisi lika ulbras sa;

1 Korint 12:7

Gâd mita upla bani ra Spirit yawan ra iwi ba tânka kum marikisa, upla sut painka dukiara.

Galesha 3:8

Bamna kaina piua wina ulban sa, Gâd lika Ju apia nani ba, kasak lukan tâka mita kasakkira kulkan kabia, bara kaina piua wina naha sturka painkira na, Ebraham ra maisa paki win: “Man tamka mita, nisan nani sut ba yamni munan kabia.”

Kli Smalkanka 29:29

“Diara nani bâra sa yawan tânka briras: baha nani ba Dawan Gâd dukia sa. Sakuna diara nani yawan ra marikan bara wan luhpia nani ra sin mariki ba, baha lika piu bani ra alki daukaia sa naha lâka nani na.

Kli Smalkanka 4:36

Witin kasbrika pura wina aisin, kli wapni daukaia dukiara. Witin pauta klauhan tara marikan tasba ra, baha pata klauhan lilapas wina ai bîla baikra saki aisin.

2 Timoti 2:25

bara witin mapara nani ba ra, kupia swapni brih wapni daukbia. Baku ban kra Gâd mita baha nani ra yaka ai kupia lakbia, bara kasak tânka ba kakaira taki banhbia.

2 Timoti 4:2

sturi yamni ba smalki kama, bara ban uya smalki bas, piua yamni brisma, bara âpu kama sin. Upla nani kupia alki bas, lawi dauki bas, bara tâ baiki bas, bara wihka bîla kaikaia lâka aiska ni upla nani ra smalks.

Hibru Nani 11:1

Bamna kasak lukan lâka bri kaia ba lika, yawan diara briaia bîla kaiki ba kasak pali luki kaia baha ba bribia, bara diara nani kaikras ba sin kasak pali kaikan kan baku lukaia sa.

Hibru Nani 3:7

Baku bamna, Spirit Holikira mita Ulbanka ra aisi ba baku: “Naiwa, Gâd bîla baikra ba man nani walma kaka,

Hibru Nani 4:12

Kan Gâd bîla ba rayaka brisa, bara karnika sin brisa. Baha ba sika sord mala napa wâl bri ba sut purkara kau mala sa, bara wan sulka bara wan spiritka biara pali ba kat dimi wisa, wan lukutbaika bara wan dusa bîla kat sin. Baha bîla ba mita wan kupia lukanka nani ba bara dîa daukaia luki ba sut sin klir pali sakisa.