2 Timoti 2:3 - DAWAN BÎLA AISKA

³ Bamna man lika, pât nani wahwi bas, Jisas Kraist suldiarka pain kum baku.

2 Timoti 2:3 ပူးပေါင်းရင်းမြစ်များ

Apastil Nani Sturka 23:31

Bamna suldiar nani mita dîa witin nani ra adar yan ba kat, Pal ba brih tihmia Antípatris ra brih wan.

1 Korint 13:7

Diara sut ba twilkisa. Diara sut ba kasak lukisa. Diara sut ba ai kainara bîla kaikisa. Diara sut mapara ban bapi buisa.

1 Korint 9:7

¿Ya suldiar aimaki ai mana nani aibapi ba? ¿Ya mita wain nasla nani mangki baha wina dabras ba? ¿Ya mita sîp nani main kaiki, tialka laya subi ba wina diras?

2 Korint 1:6

Baha mita, yang nani pât wahwisna kaka, baha lika man nani maisa nihkra lâka bara swaki sakan lâka brima ba dukiara sa; bamna Gâd mita yang nani maisi nihkisa kaka, baha lika man nani sin maisa nihkra bara swaki sakan lâka brima ba dukiara sa, bara baku lika man nani sip kama ban bapi bûi kaia, bara yang nani wahwisna pâtka nani ba wahwaia.

1 Timoti 1:18

Luhpi Timoti, naha lâka na man mihtam ra mangkisna, kasak lukan lâka wal bara sinskam pain brih, aiklabanka yamni ba aiklama, wan muihni nani Gâd nina brih, patitara man dukiamra aisi banhwan ba kat. Upla tila ba, ai kupia dara lukra ra bîla wali daukras ba mita, ai kasak lukan lâka ba sauhki tikan sa.

2 Timoti 1:1

Yang Pal, Jisas Kraist apastilka sna, Gâd kupia lâka ai blikan uplika, Dawan Kraist Jisas wal asla lâka ra, rayaka bri kaia pramiska wankan ba, yang aisi smalkamna dukiara.

2 Timoti 1:8

Bamna, wan Dawan witniska takaia man swiram yapara; witin tâwan yang silak ra sna na dukira sin, swiram lukpara. Ban sakuna, sturi yamni ba tâwan pât nani wahwaia ba, man sin dukiam bris, Gâd mita karnika maiki ba kat.

2 Timoti 2:10

Baha mita sika, yang diara sut mapara ban bapi buisni, Gâd mita bâk saki brin uplika nani painka dukiara, bara baku mika ban kaia ra swaki sakan lâka pranakira yawan Kraist Jisas wal asla mita bri ba, witin nani sin alki banhbia dukiara.

2 Timoti 2:9

Naha sturka yamni tâwan, yang pât nani wahwisna, bara ban sin lâ sasauhkra kum baku sîn ni ai priski ai brisa; sakuna Gâd bîla yamni ba lika sîn ni priskras sa.

2 Timoti 3:11

nini bliki rau ai sauhkan ba bara pât wauhri ba sin. Man pain kaikisma diara nani yang ra takan ba Antíoco tawanka ra, Iconio ra bara Listra ra sin, bara rausauhkanka tara nani wauhri ba sin; sakuna Dawan baha sut wina dakbi ai sakan.

2 Timoti 4:5

Sakuna man lika sinskam ba ban yamni bri bas, pât nani wahwi bas, swaki sakan sturka yamni aisi smalkaia warkka ba dauki bas, napakan warkka brisma ba sin pain pali dauks.

Pilimon 1:2

Ulbisna baha sertska, man wamtla ra asla taki nani ba ra sin, wan lakra Apia ra bara Arquipo ra, baha nani aikuki asla wan tâ baiki ba naha warkka tara ra.

Hibru Nani 10:32

Patitara piua ra man nani ra dîa dîa takan ba, kupiam krauki bas. Baha yua nani ra Gâd ingnika ba, man nani puramra ingwan ningkara, aiklabanka tara kum pâtka nani wahwi, ban bapi buram.

Hibru Nani 11:27

Kasak lukan lâka mita, Moses ba king kupia baiwanka sîa âpu Idsip tasbaya wina taki wan, kan witin dîa daukaia lukan ba kat ban kata, upla mita Gâd ra sip kaikras ba witin kaiki kan baku.

Hibru Nani 6:15

Ebraham wihka bîla kaikan, bara baku Gâd ba diara yaia pramis munan kan ba witin brin.

Jems 1:12

Ani uplika traika kaikanka trabilka mapara kasak luki bapi bûi ba, yamni pali sa; kan witin baha mapara kasak bapi bubia ningkara, raya kaia lâka ba kraun kum baku witin ra prisantka yaban kabia. Baha sika Gâd mita pramis munan, witin mita latwan kaiki uplika nani ra.

Wihta Nani 3:2

Dawan bui witin nani ba ban bâra swin kan, baha nani kau war aiklabaia lan apia kan ba ra baha nani wal war aiklabi lan takaia dukiara.