2 Timoti 2:18 - DAWAN BÎLA AISKA

¹⁸ Naha nani wâlsut na, kasak tânka ba wina tnaya ra takan sa, bara witin nani aisisa, pruan wina kli buaia lâka ba pat lui wan, bara baku lalukra tila nani kasakka lukanka lâka ba, aihka baman laki taukisa.

2 Timoti 2:18 ပူးပေါင်းရင်းမြစ်များ

Matiu 15:13

Sakuna witin bila: —Ani dusa Aisiki kasbrika purara ba mita mangkras ba, ai plamaika wina daikan kabia.

Matiu 22:29

Jisas pana aisin: —Man nani lika tanis mamwahkisma, man nani sin Ulbanka ba tânka briras, Gâd karnika ba sin kaikras sma ba mita.

Luk 8:13

Saumuk mâ nani walpa nani tilara kauhan ba lika upla nani sturi yamni ba wali, liliakira brisa, sakuna ai wakia pain briras, piu wiria baman kasak lukuya, kuna traika kaikanka aula ba ra, mahka tnaya ra tawuya.

Apastil Nani Sturka 5:39

Sakuna Gâd wina sa kaka, man nani sip sauhki tikma apia. Bamna man nani aman kaiks, Gâd mapara aiklapara.

1 Korint 11:19

¡Bamna, man nani ba aihka dakwi takaia sma, bara baku mika baha nani kasak kristian nani ba latan kaikan kabia!

1 Korint 15:12

Sakuna yang nani smalkanki ba, Kraist pruan wina kli buan tânka sa kaka, ¿dîa kan man nani tilam wina tila nani wisa, pruan wina kli upla sip buras?

Kolosi 3:1

Bamna, man nani pat Kraist wal pruan wina mai bukan ba mita, diara nani kasbrika purara ba pliks, kan bahara sika Kraist ba Gâd lama pali kat iwisa.

1 Timoti 6:10

Kan lalah ra latwan kaikaia ba sika saurka sât sât plamaika ba. Upla tila nani ba baha brin pali dauki tâka mita, kasak lukan lâka wina tnaya ra tawi banhwan sa, bara witin ai rayaka nani ba, pât nani taki banhwan sa.

1 Timoti 6:21

Kan upla tila nani, nahmuna sinska lâka nina blikan ba sut, ai kasak lukan lâka yabalka ba tiki banhwan. Dawan mita ai yamnika man nani puramra laikbia.

2 Timoti 2:14

Uplikam nani ra naha na kupia krauks, bara Gâd mawanra sin karna smalki wis, bîla nani dukiara unsabiara. Naha blahwanka nani lika bahki baman sa, wali uplika nani ra sauhkaia baman.

Taitus 1:11

Baha nani bîla ba prakaia sa, kan witin nani mita diara smalkaia apia ba smalki, watla bîla aiska nani kupia aihka lakisa; ai swira sin âpu lalah nahki briaia dukiara baman luki banhwisa.

Hibru Nani 3:10

Baha mita yang baha uplika kiamka nani mapara lawi, naku aisari: ‘Witin nani ai kupia ra piu sut aimawahki taukisa, bara yabalki nani ba kakaira takan daukras sa.’

Jems 5:19

Muihki nani, man nani tilam wina kum kra kasak tânka wina tnaya ra takbia ba ra, upla wala mita kli wapni ra mangkbia kaka,

1 Jan 2:19

Witin nani ba lika yawan wan tila wina takan sakuna kasak pali mai wisna, baha nani ba yawan nani wina apia sa, kan yawan wina kata, witin nani yawan wal ban kaia kan. Sakuna baha ba baku ban takan, upla nani mita param kaikbia dukiara, baha nani ba kasak pali yawan wan tila na wina apia sa.