2 Timoti 1:5 - DAWAN BÎLA AISKA

⁵ Bamna kasak lukankam lâka kunin âpu brisma ba, yang kupi krawisa. Kukikam Loida bara yaptikam Eunice pas baha kasak lukan lâka ba brin, bara yang pain pali kaikisna man sin baha ba brisma.

2 Timoti 1:5 ပူးပေါင်းရင်းမြစ်များ

Lawana Nani 116:16

¡Man Dawan, yang na man albikam sni! ¡Yang lika man nampakan mairin luhpia waitna sni! Man kiwa nani ai wilkan ba wina ai lanhki ai sakram.

Lawana Nani 17:1

Dawan, kasakka tânka pliki, puri sunisna na kiamam ra aman wals, aisinki na, kuninkira nani aisi ba baku apia sa.

Lawana Nani 18:44

Witin nani naha walbia ba ra, yang bîli wali daukbia; tringsar nani ba maiwanra mâyara bawbia,

Lawana Nani 22:10

Kau aisubi takras kapri ba kaina wina, man pat karnikam ra aihwaki ai kaiki katma, yaptiki plauya ra katna ba wina man Gâdki sma.

Lawana Nani 66:3

Man nani bui Gâd ra wis: “¡Man warkkam nani ba aihkakira sa! Man karnikam tara ba mita man waihlam nani ba sirang iwi mamwanra kauhi banhwisa.

Lawana Nani 77:6

kupi krawisa tihmia ra aiwani katna ba, kupi ra lukisna bara makabi walisni:

Lawana Nani 81:15

Dawan ra misbara kaiki ba sut sirang iwi kauhaia kan, bara ai pâtka ra kauhanka ba sîl mangki swiaia kapri.

Lawana Nani 86:16

¡Yang ra tawi ai kaiks, kupiam swapnika ni! ¡Naha nampakan na swaki sâks; man karnikam ba yas!

Jirimaya 3:10

Baha diara nani sut takan ba ningkara, Juda rugkira ai kupia aiska laki yang ra balras, sakuna kunin ai munan. Yang, Dawan, kasak aisisna.”

Jan 1:47

Jisas kaikan Natanael ai lamara aula kan, bara witin dukiara naku win: —Kaiks Israel waitnika pali kum aula ba, witinka ra kunin âpu ba.

Apastil Nani Sturka 16:1

Pal bara Silas wal impaki witin nani Derbe ra wan, baha wina Listra ra balan. Bahara sika lalukra kum wal prawan nina ba sika Timoti; witin ba Ju lalukra mairin kum luhpia, ai aisika lika Grik kata.

Apastil Nani Sturka 26:26

Bamna king Agripa nâra sa, witin naha tânka nani pain kaikisa. Baha mita sika witin mawanra yang tânkira pali aisisna ba, kan pain daira walisna witin naha diara nani sut kaikisa, kan naha diara nani na yukuwi pali daukan dukia apia sa.

Roman 14:14

Yang kasak daira walisni diara saura kumi sin âpu sa; Dawan Jisas ra kasak lukisna ba mita sakuna upla kum lukisa diara kum saura, bâra sa witin mapara sika baha ba saura.

Roman 14:5

Tânka wala ba lika naha: Upla tila nani lukisa yu kum ba kau tara sa yu wala ba wal, bara wala nani lukisa yua sut ba lika kumi. Bamna upla kumi bani ba ai kupia lukanka ba kat kaia sa.

Roman 15:14

Muihki nani, yang kasak daira walisna, man nani lika kupia yamni lâka bara diara tânka kaikaia lâka ni sin aibanhram pali sma, bara pana pana kupiam kraukaia lâka sin brisma.

Roman 4:21

bamna witin kasak pali luki kan, Gâd karnika brisa dîa dîa witin pramis dauki ba sut daukaia.

Roman 8:38

Baha mita yang kasak lukisna, diara âpu sa Gâd latwanka ba wina wan dakbi sakaia. Prura mita, raya kaia ba mita, insal nani ba, karnika bri nani ba bara spirit lâka mapara karnika bri nani ba sapa, diara nani nanara ba, bara diara nani naika balaia ba,

2 Korint 6:6

Yang nani rayaki klin ba wal sin latan marikisna, diara kasak ba tânka kaikaia lâka ra, wan kupia takaskaia lâka bara umpira kaikan lâka ra, Spirit Holikira yang nani tani ra ba mita, wan latwanka lâka kunin âpu kira ba mita sin,

1 Timoti 1:5

Baha smalkanka ba sika, pana pana latwan kaikaia wan walka ra, kupia tâski âpu ba wina aula, kupia dara lukra yamni ba wina, bara kasak lukan lâka kunin âpu ba wina sin taki aula.

1 Timoti 4:6

Naha smalkanka nani na wan muihni nani ra smalkisma kaka, man ba lika Jisas Kraist napakanka pain kama, bara kasak lukan lâka bîla nani ba wal bara baha smalkanka pain nina blikram ba mita sin, man sulkam pata pima.

2 Timoti 1:12

Baha mita sika, yang naha pâtka nani wahwisna ba. Sakuna yang swiri lukras, kan pain kaikisna yaura kat kasak lukri ba, bara kasak pali lukisni, witin ba karnika brisa, dîa yang mihti ra mangkan ba, pain suni bri kaia, baha yua ba kat.

2 Timoti 3:15

kan tuktan lupia piua wina man ba Ulbanka holikira nani kakaira sma, bara baha nani mita sins maikaia sip sa, bara Kraist Jisas ra kasak lukan lâka bri mita, baha nani sin swaki mai sakaia sip sa.

Hibru Nani 11:13

Witin nani sut Gâd mita diara nani pramis munan kan ba briras ban prui banhwan; sakuna kasak lukan lâka bri nani kan bamna, dukia nani ba laih wina kaikan, bara kasak luki, ai âuyapah pali lakula win. Baku ai tânka ba latan saki aisi kan, witin nani ba naha tasba ra tringsar nani bara impapakra nani kan ba.

Hibru Nani 6:9

Sakuna muihki laitwankira nani, yang nani baku aisi kamna sakuna, man nani dukiamra lika diara pain pali lukisna. Yang nani kaikisna, man nani ba kau yamni pain nani swaki sakan lâka wal aula ba brisma.

1 Pita 1:22

Nanara man nani, kasak tânka sturka ba bîla wali daukram ba mita, sulkam nani sunu daukram sa, wan muihni nani ra kasak pali kunin âpu latwan kaikaia dukiara. Baku bamna, pana pana walkam ra latwan kaikaia sma, kupiam aiska bara karnikam aiska ni sin.