2 Timoti 1:4 - DAWAN BÎLA AISKA

⁴ Namkra laya nani sakram ba sin yang ban lukisna, bara yang bui man ba mai kaikan pali ai daukisa, bara baku mika uya lilia takamna.

2 Timoti 1:4 ပူးပေါင်းရင်းမြစ်များ

Lawana Nani 126:5

Baha nani ai nakra laya wal mangki ba, lilia wini kira mâ ba krikbia.

Aiseya 61:3

Saion ra, sari bri banhwi nani ba ra, kraun kum yabaia yamhpus ra iwi ba watlika ra, ini ba watlika ra lilia kaia isintka yabamna, bîla kaikanka âpu ba watlika ra mayuni aiwanaia lawana nani, witin nani nina ba “pura lalura dusa nani” mâkan kabia. Dawan mita ai prana ba marikaia mangkan nani ba.

Jirimaya 31:13

Tiara nani ba dans pulan kabia liliakira, baku sin wahma nani bara dama nani sin. Yang maikamni maisa nihkra: inaia lâka ba lilia ra lakamni, lilia lâka kau tara kum yamna latwan bri ba wal.

Jan 16:22

Baku sin, man nani nanara sari sma, sakuna yang kli bal mai kaikamna ba ra, man nani kupiam lilia pali kabia, liliaka kum upla kumi mita sin mai dakbi briras kabia ba.

Jan 16:24

Naha piua kat man nani bui yang nini mâki Aisa ra kau diara makabras sma; makabi banhs bara brih, lilia ni aibanhma ba dukiara.

Apastil Nani Sturka 20:19

Piua bani, bawikira man nani tilamra Dawan warkka dauki kapri, naikra laya saki, traika kaikan manis tilara, Ju nani mita sin ai alki ai munaia luki kan ba tilara.

Apastil Nani Sturka 20:31

Bamna aman kaiks, kupiam sin krauki bas, mani yumhpa, kakna bara tihmia, naikra laya saki man nani kumi bani ra mai smalki kupiam kraukatna ba.

Roman 1:11

Kan yang bui man nani mai kaikan ai daukisa, bara spirit hilpka sin maikaia, bara baku lika man nani kau karna taki kama;

Pilipai 1:8

Gâd pain kaikisa, yang bui Jisas Kraist latwanka lâka swapnikira bri ba ni, man nani ra latwan mai kaikisna ba.

Pilipai 2:26

Witin ba man nani sut mai kaikan daukisa, bara uya lukisa witin ba siknis sa sturka wali banhram ba dukiara.

1 Tesalonaika 2:17

Muihki nani, man nani wina piu wiria dakwi takri ba ra, mai kaikras kapri sakuna, kupi ra piu sut mai luki banhwi katna, bara wih mai kaikan pali sin ai dauki kata.

2 Timoti 4:21

Trai kaiki lî piua kaina bal. Eubulo, Pudente, Lino, Claudia bara wan muihni nani sut mita, lamkula blikisa.

2 Timoti 4:9

Man aihni pali muni yang ra bal ai kaiks,

1 Jan 1:4

Baku bamna, sturka nani na mai ulbisna, lilia lâka brisma ba, aiska pali takbia dukiara.

Param Marikanka 21:4

Witin nani nakra laya ba sut dikbia, bara prura kau âpu kabia, inanka, pura mata inaia lâka, latwanka sin; kan diara almuk nani ba sut lui wan sa.”

Param Marikanka 7:17

kan Sîp Luhpia ba, witinka king iwaika lilapas kat ba witin nani ra sîp baku main kaikbia, bara witin nani ba raya kaia laya kârma nani kat brih wabia; bara Gâd bui witin nani nakra wina nakra laya nani ba sut diki sâkbia.”