2 Timoti 1:16 - DAWAN BÎLA AISKA

¹⁶ Dawan Onesíforo watla uplika ba ai yamnika yabia, kan witin aima manis hilp aikan, bara yang silak ra sna ba dukiara sin ai swira lukras kata.

2 Timoti 1:16 ပူးပေါင်းရင်းမြစ်များ

2 Samuil 2:6

Bamna Dawan sin kasak lukan, kupia yamni lâka ni ai yamnika maikbia baha sut yamnika dukiara. Bamna yang sin man nani ra pain mai lukisna.

Nihimaya 13:14

¡Yang Dawanki: yang ra luki bas, naha dukia nani yang daukri na âmya tikpara, diara yamni nani wamtla ra daukri ba, bara man warkkam ra daukri ba sin!

Nihimaya 13:22

Bara Libait nani ra wîri, witin nani sunu takbia bara baku bal get nani ba aihwakbia, sabat ba bâk sakan yua kulkan kaia ba mita. ¡Yang Gâdki: yang ra sin luki bas naha dukiara, bara man kupiam yamni lâka kat umpira ai kaiks!

Nihimaya 13:31

bara pauta nani ai yua kat yabaia ba, dus wina mâ pas nani ba sin. ¡Yang Gâdki, yang ra luki bas bara yamnikam aik!

Nihimaya 5:19

¡Yang ra yamni luki bas, yang Gâdki, baku sin diara sut pali naha tawanka na hilpka daukri ba!

Lawana Nani 18:25

Dawan, man, kasak sma kasakkira nani ba wal, lawi daukaia apia ba ra, man lawi daukras.

Lawana Nani 37:26

Piua bani witin bui upla wala ra diara yabisa pana mana, ai kupia swapni sa, ai luhpia nani ba, yamnika nani sa.

Jirimaya 39:17

Sakuna yang kainam kahbamna, bara baha uplika nani sîa mai dauki ba mihta ra aimakma apia. Yang, Dawan, kasak aisisna.

Matiu 25:17

Baku sin, 2,000 brin ba, kau 2,000 pura sakan.

Matiu 5:7

“Lilia pali sa upla wala ra umpira kaiki nani ba, Gâd sin witin nani ra umpira kaikbia bamna.

Apastil Nani Sturka 21:33

Bara kamandanti ba, Pal lamara wih alki, adar yan sîn wâl ni priskbia; bara makabi walan witin ba ya, bara dîa sin daukan sapa.

Apastil Nani Sturka 28:20

Baha dukiara sika man nani mai paiwri aikuki prawi, aisi kaikaia. Yawan Israel luhpia nani naika wan kainara diara briaia bîla kaiki ba dukiara sika, naiwa mihti priskan na.

1 Korint 16:18

Witin nani ba yang ra spirit mapa ra maisi nihkan sa, man nani ra maisam nihkan ba baku. Baha sât uplika nani ba pain pali kulki bas.

Epesus 6:20

Naha smalkanka na dukiara Gâd mita baha lâka tâwan aisaia ai blikan, bara baha tâwan sika naiwa silak ra ai brisa. Puram suni bas, baku mika naha sturka yamni na aitani kat sibrin âpu smalkamna.

2 Timoti 1:12

Baha mita sika, yang naha pâtka nani wahwisna ba. Sakuna yang swiri lukras, kan pain kaikisna yaura kat kasak lukri ba, bara kasak pali lukisni, witin ba karnika brisa, dîa yang mihti ra mangkan ba, pain suni bri kaia, baha yua ba kat.

2 Timoti 1:17

Sakuna, witin Rom ra kan ba ra, kasak ai plikan yang wal prawan ba kat.

2 Timoti 1:18

Dawan mita yaka ai yamnika bri ba, witin bribia baha yua ra. Man pat pain kaikisma witin nahki hilp ai munan ba Epesus tawanka ra.

2 Timoti 1:8

Bamna, wan Dawan witniska takaia man swiram yapara; witin tâwan yang silak ra sna na dukira sin, swiram lukpara. Ban sakuna, sturi yamni ba tâwan pât nani wahwaia ba, man sin dukiam bris, Gâd mita karnika maiki ba kat.

2 Timoti 4:19

Priscila ra bara Áquila ra laikula blikisna, bara Onesíforo watla aiska ra sin.

Pilimon 1:20

Âu, muihki, Dawan wal asla lâka ra naha hilpka na dauki aik; Kraist wal wan muihni lâka ra maisi nihks.

Pilimon 1:7

Bamna man latwankam lâka ba mita, uya lilia bara karnakira ai daukram, bara man tânkam mita, muihki laitwankira, kristian ailal maisa nihkram sa.

Hibru Nani 10:34

Man nani silak watla ra nani kan ba ra umpira kaikram, bara dukiam nani mihtam dakbi kan ba ra sin liliakira kiki kapram, kan kaiki kapram man nani ba kasbrika purara diara kau pain kum brisma, bara baha ba ban kaia ra bâra ban sa.

Hibru Nani 6:10

Gâd lika kasakkira sa. Man nani wark daukram ba witin ai âuya tiwbia apia; kasak lukan lâka mapara muihkam nani ba ra hilp muni, witin ra latwan lâka marikram ba sin ai âuya tikras sa, bara baha dukia ba ban daukisma.

Rut 1:8

sakuna Noemí witin nani aikuki yabal ra auya kan ba ra, naku win: —Man nani kumi bani, kli tawi yaptikam watla ra was. Dawan ai yamnika maikbia, man nani mayam prahki nani ra bara yang ra sin yamni ai munram ba baku.