2 Timoti 1:14 - DAWAN BÎLA AISKA

¹⁴ Spirit Holikira yawan ra ai watla brih iwi ba hilpka ni, Gâd mita lâ yamni nani mihtam ra mangkan ba pain main kaiks.

2 Timoti 1:14 ပူးပေါင်းရင်းမြစ်များ

Luk 16:11

Bamna naha tasba dukia saura nani wal sip pain apia sma kaka, ¿ya mita sip kabia diara manira nani ba mihtam ra mangkaia?

Jan 14:17

Dawan ra tawras uplika nani baha Spiritka ba sip bribia apia, kan witin nani mita sip kaikbia apia, bara sip tânka bribia apia; sakuna man nani lika pat kakaira nani, kan witin ba man nani wal sa, bara ban kaia ra sin man nani wal kabia.

Roman 3:2

Baha ba uya bara aitani pali sin kulkan sa. Pas pali lika, Gâd mita ai smalkanka ba Ju nani mihta ra mangkan kata.

Roman 8:11

Jisas Kraist pruan nani tila wina bukan Gâdka Spiritka ba man nani ra raya sa kaka, sim Kraist pruan wina bukan Gâdka Spiritka ba wînam tara prui kira nani ra raya kaia lâka kli yabia, Spirit man nani ra raya iwi ba mita.

Roman 8:13

Kan man nani wînam brinka lâka kat raya kaia lukisma kaka, man nani lika pruma; sakuna wînam lâka ba Spirit mita ikbia kaka, man nani lika raya kama.

Roman 8:9

Sakuna man nani lika wîna tara brinka ba daukaia lâka ra raya apia sma, kuna Spirit brinka ba daukaia mika, kan Gâd Spiritka ba man nani ra iwisa. Ani uplika Kraist Spiritka ba briras sa kaka, witin lika Kraist uplika apia sa.

1 Korint 3:16

¿Man nani kaikras sma ki Gâd tempelka banhwisma ba, bara Gâd Spiritka ba man nani ra iwisa?

1 Korint 6:19

¿Kaikras sma ki, man nani wînam tara ba Gâd mita Spirit Holikira maikan ba tempelka sa, bara Spirit Holikira ba man nani ra iwisa? Man nani lika man nani dawanka nani apia sma,

1 Korint 9:17

Baha mita, kupi lukanka wina daukuna kaka, yang maina briaia sna. Sakuna ai taiban baku daukuna kaka, baku sin baha ba wark kum Gâd wina aikan sa.

2 Korint 5:16

Baha mita, yang nani kum dukiara sin tasba uplika nani luki ba baku kli lukras: Kraist dukiara sin kanra yang nani tasba uplika nani luki ba baku luki kapri; sakuna nanara yang nani witin dukiara kli baku lukras.

Galesha 2:7

Smalkanka raya aikaia kan ba watlika ra, witin nani kaikan Gâd swaki sakan lâka ba, Ju apia uplika nani ra brih wamna wisi adar aikan, baha sim smalkanka Ju nani ra brih wabia wisi, Pita ra adar yabata ba baku.

Epesus 2:22

Baku sin man nani, Kraist wal asla takram ba mita, wala nani sut ba wal asla taki utla kum takram, bara Gâd bahara iwisa ai Spiritka Holikira bâk.

Epesus 5:18

Bamna bla âpu bas, kan baha mita ban tanis tiwaia ra wan brih auya; sakuna Spirit Holikira ni aibanhwi bas.

Kolosi 4:11

Jisas, witinka nina Justo wi ba sin man nani ra ai lakula blikisa. Ju takan nani tila wina naha nani baman, yang wal Gâd King aimaki ba lâka dukiara wark takan, bara baha ba yang maipa ra maisa nihkra tara kum sa.

1 Tesalonaika 5:19

Man nani Spirit pâta ba daskpara.

1 Timoti 1:11

Naha smalkanka kasak na lika, Gâd yamni pali ba, swak sakan lâka pranakira ba, bara baha sika yang mihti ra mangkan ba, aisi smalkamna dukiara.

1 Timoti 6:20

Timoti, dîa mihtam ra mangkan ba pain main kaiks. Tasba lâka bîla nani, bahki baman ba, tanis bara sins lâka wi ba, sakuna kunin aisi ba, man bîla walpara.

2 Timoti 1:12

Baha mita sika, yang naha pâtka nani wahwisna ba. Sakuna yang swiri lukras, kan pain kaikisna yaura kat kasak lukri ba, bara kasak pali lukisni, witin ba karnika brisa, dîa yang mihti ra mangkan ba, pain suni bri kaia, baha yua ba kat.

2 Timoti 2:2

Witnis ailal mawanra yang aisari bîla nani walram ba, baha ba upla kasak nani mihta ra mangks, witinka nani mita upla wala nani ra smalkaia sip kabia ba.

1 Pita 1:22

Nanara man nani, kasak tânka sturka ba bîla wali daukram ba mita, sulkam nani sunu daukram sa, wan muihni nani ra kasak pali kunin âpu latwan kaikaia dukiara. Baku bamna, pana pana walkam ra latwan kaikaia sma, kupiam aiska bara karnikam aiska ni sin.