2 Timoti 1:12 - DAWAN BÎLA AISKA

¹² Baha mita sika, yang naha pâtka nani wahwisna ba. Sakuna yang swiri lukras, kan pain kaikisna yaura kat kasak lukri ba, bara kasak pali lukisni, witin ba karnika brisa, dîa yang mihti ra mangkan ba, pain suni bri kaia, baha yua ba kat.

2 Timoti 1:12 ပူးပေါင်းရင်းမြစ်များ

Lawana Nani 25:2

Gâdki, yang lika man ra kasak lukisni: swiri ai daukan ra rungwaia ai swipara. ¡Waihli nani ba ai kaiki laiwaska kikbiara!

Lawana Nani 31:5

Man mihtam kat yang spiritki mangkisni; ¡Dawan, Gâd kasakkam tânka kat swaki ai sâks!

Lawana Nani 56:9

Ani yua yang bui man ra hilp makabisna ba ra, waihli nani ba mahka yang wina taki auya yang kasak kaikisna Gâd ba yang wal sa.

Lawana Nani 9:10

Dawan, man mai kakaira nani ba, man ra kasak lukisa, mai pliki uplika nani ra, lulki swiras sma.

Aiseya 12:2

Kaiks, Gâd sika swaki ai saki ba; yang baha ba kasak lukisna, bara si briras sna, kan yang karniki sa, yukuwaiki sa sin, witin sika yang swaki sasakriki ba.

Aiseya 50:7

Kan Dawan ba hilp ai munbia, baha mita swiri ai dauki ba, latwan aikras; baha mita yang maiwan ba walpa baku karna daukri, bara kaikaisni yang swiri daukan kabia apia ba.

Aiseya 54:4

Si bripara, bara swiram sin bripara; kan bahki mai kulkan kabia apia bamna, swiram sin briaia apia sma. Man tiara kapram swirka ba âmya tiks, piarka takram swirka ba sin, kli lukankam ra bripara,

Nahum 1:7

Dawan ba yamni sa; pât bri uplika nani yukuwaika watla kum sa; witin ra luki uplika nani ba kan kahbisa.

Matiu 12:21

Bara nisan nani sut ai bîla kaikanka ba witin ra bri kabia.”

Matiu 24:36

“Sakuna yua ba bara awarka ba lika upla kumi sin kaikras, kasbrika purara insal nani ba bara Gâd Luhpia pali sin kaikras. Gâd Aisa baman baha kaikisa.

Matiu 7:22

Baha yua balbia ba ra, upla ailal ai wibia: ‘Dawan, Dawan, yang nani lika man ninam mâki sturi yamni aisi banhri, ninam mâki pirit saura nani kangbi sakri, bara ninam mâki sin sain tara ailal dauki banhri.’

Luk 10:12

Yang bui man nani ra mai wisna, lâ tara piua ra baha tawanka ba kau pât tara bribia, Sodoma uplika nani wal.

Luk 23:46

Bara Jisas ai bîla baikra tara winan: —¡Aisa, spiritki na man mihtam ra mangkisna! Naha aisin ningkara, witin pruan.

Jan 17:15

Naha tasba wina mahka sâkma dukiara lika mamkabras, sakuna dibil ba wina dakbi sâkma.

Jan 6:44

Upla kumi sin yakan yang ra balras, Aisiki ai blikan ba mita brih balbia lika; bara yang tnata piua ra pruan wina bukamna.

Apastil Nani Sturka 13:46

Bamna Pal bara Bernabé wal lika sibrin âpu aisi, win: —Aitani pali kan Gâd bîla na man nani ra pas mai smalkaia. Sakuna man nani mita alki briras, raya ban kaia lâka ba sin brin mai daukras sa kaka, yang nani lika Ju apia uplika nani ra mahka auna.

Apastil Nani Sturka 13:50

Bara Ju nani mita baha tawanka ra tâ bri waitnika nani ra, bara tara kulkan mairka nani ba sut wal aisin. Bara witin nani sut buan Pal bara Bernabé wal mapara rausauhkaia, bara kuntri ba wina sin kangbaia.

Apastil Nani Sturka 21:13

Sakuna Pal win: —¿Dîa kan man nani ini, kupi ra sari ai dingkisma ki? Kan yang ridi sni ai priskan kaia baman apia, sakuna Jerusalem ra sin pruaia Dawan Jisas tâwan.

Apastil Nani Sturka 7:59

Witin nani mita walpa ni sabi kan ba ra, Stiben ai pura suni, win: “Dawan Jisas, yang spiritki na man mihtam ra bris.”

Apastil Nani Sturka 9:16

Yang mita witin ra marikamna nahki pât nani uya yang dukira wahwaia ba.”

Roman 1:16

Sturi yamni smalkanka ba dukiara yang swiri lukras sna, kan baha ba Gâd karnika sa swaki sakaia ya ya kasak lukbia ba, tâura Ju nani ra, bara Ju apia nani ra sin.

Roman 9:33

Ulbanka ba ra dîa aisi ba: “Yang bui walpa tara kum Saion ra mangkuna, walpa kum bahara witin nani ai mina prukaia; ya bahara kasak lukbia ba, ai lukanka ba kunin munbia apia.”

1 Korint 1:8

Gâd, witin bui man nani ra tnata kat ban bapi bûi kaia mai bri kabia, bara baku mika wan Dawan Jisas Kraist balbia ba ra, upla kumi sin man nani wina pât kumi sin sâkbia apia.

1 Korint 3:13

Upla bani warkka ba lâ daukan yua ra latan kaikbia; kan baha yua ba pauta klauhan wal kabia, bara pauta klauhan ba mita upla bani dîa sât warkka daukan sapa tânka trai kaikbia.

Pilipai 1:20

Kan yang kasak lukisna Gâd bui yang ra ai swibia apia saura ra waia, sakuna kasak luki aisi kamna, bamna nanara bara piu bani ra sin, Kraist mayunaia tânka ba yang wîni ra kau pali upla nani mita kaikbia, raya kamna bara pruri kamna kra sin.

Pilipai 3:10

Yang want sna ba lika Kraist ra kakaira kaia, bara yang wîni ra sin witin pruan wina buan karnika ba bri kaia, ai pâtka wahwan nani ba sin witin wal yang asla wahwaia, bara ban sin witin pruan baku pruaia,

Pilipai 3:21

Witin bal wan wîna tara umpira pali na lakbia, witin klauna ai wîna tara pranakira ba baku kabia dukiara. Bara baha diara nani sut ba, witin ai mihta alki briaia karnika bri ba wal daukbia.

Pilipai 3:8

Baha dukia nani baman apia; dîa dîa yang briaia sip kapri ba, bahki tiwan baku kulkisna, Jisas Kraist yang Dawanki ba, kakaira kaia yang maipara kau pain sa, diara wala nani sut ba wal. Kraist tâwan yang diara sut tikri; bara baha sut dipasta baku kulkisni, Kraist yang duki brimna ba tâwan,

1 Tesalonaika 2:16

Ju apia nani ba ra sin yang nani aisaia lukri, witin nani sin swaki sakan kaia mata, sakuna witin nani bui yang nani ai swin aisaras. Bara baku natka ra witin nani saura daukan ba kau tara daukan. Sakuna nanara lâs kat, klala saura pali ba Gâd wina witin nani purara balan sa.

1 Tesalonaika 5:4

Sakuna, muihki nani, man nani lika tihmia ra apia sma, bamna Dawan yua ba mita âimplikra baku mai alkbia apia.

1 Timoti 6:20

Timoti, dîa mihtam ra mangkan ba pain main kaiks. Tasba lâka bîla nani, bahki baman ba, tanis bara sins lâka wi ba, sakuna kunin aisi ba, man bîla walpara.

2 Timoti 1:14

Spirit Holikira yawan ra ai watla brih iwi ba hilpka ni, Gâd mita lâ yamni nani mihtam ra mangkan ba pain main kaiks.

2 Timoti 1:16

Dawan Onesíforo watla uplika ba ai yamnika yabia, kan witin aima manis hilp aikan, bara yang silak ra sna ba dukiara sin ai swira lukras kata.

2 Timoti 1:18

Dawan mita yaka ai yamnika bri ba, witin bribia baha yua ra. Man pat pain kaikisma witin nahki hilp ai munan ba Epesus tawanka ra.

2 Timoti 1:8

Bamna, wan Dawan witniska takaia man swiram yapara; witin tâwan yang silak ra sna na dukira sin, swiram lukpara. Ban sakuna, sturi yamni ba tâwan pât nani wahwaia ba, man sin dukiam bris, Gâd mita karnika maiki ba kat.

2 Timoti 2:9

Naha sturka yamni tâwan, yang pât nani wahwisna, bara ban sin lâ sasauhkra kum baku sîn ni ai priski ai brisa; sakuna Gâd bîla yamni ba lika sîn ni priskras sa.

2 Timoti 4:8

Bara nanara lika kasakka lâka prisantka ba, yang duki wisi sunan sa; bara baha ba Dawan mita, witinka lâ wihta kasakkira ba, baha yua ra aikbia. Bara yang ra baman lika aikbia apia, sakuna ani uplika nani latwan lâka wal witin balaia ba bîla kaiki nani ra sin.

Taitus 3:8

Naha na lika kasak pali sa, bamna yang want sna man ba naha dukia nani na ban ba kat aisi kama, bara baku mika Gâd ra kasak luki nani ba wark yamni nani baman dauki kabia. Naha diara nani na lika pain atia, bara upla nani ra hilp sa.

Hibru Nani 12:2

Wan nakra nani na Jisas kat kaiki kap, witinka wina wan kasak lukan lâka ba, tâ wina tnata kat yawan ban bri ba. Jisas ba dus prihni ra pât wahwan, bara bahmuna pruanka saura ba wal pruya ba dukiara ai swira lukras, kan witin kaiki kan pât wahwaia ba ningkara, ai âuyapah kaia kan bara lilia sin; bara nanara, Gâd king iwaika lama pali kat wih iwisa.

Hibru Nani 2:18

Bara witin pali pât wahwan bara traika kaikan kan ba baku, nanara witin mita sip sa traika kaikan uplika nani ra ban hilp munaia.

Hibru Nani 7:25

Baha mita, nanara bara ban kaia ra, witin bâk Gâd lamara wi nani ba ra witin mita swaki sakaia sip sa, kan witin ba ban kaia ra raya iwisa, witin nani tâwan Gâd ra makabaia dukiara.

1 Pita 1:5

Bara man nani lika Gâd ra kasak lukan lâka brisma ba mita, witin ai karnika ni kainam kahbisa, swaki sakan lâka, tnata piua nani ra param marikaia wisi ridi dauki bri ba, man nani alkma ba kat.

1 Pita 4:16

Sakuna, upla kum kristian ba tâwan pât wahwisa kaka, ai swira lukaia apia sa, kuna Gâd ra mayunbia naha nina bri ba.

1 Pita 4:19

Baku bamna, Gâd kupia lâka kat pât wahwi nani ba, ban diara yamni dauki kaia sa, bara ai sulka nani ba aiska pali ai Papaskra mihta ra mangkaia sa, kan witin lika kasakkira sa.

Judas 1:24

Gâd kumi baman bara swaki wan Sasakra ba, karnika brisa main mai kaikaia kauhmara sîa, witin ai mawan pranakira ra maikka buma tâski âpu liliakira. Gâd ra mayunan kabia, tara kulkan lâka karnika bri ba lâka, bara lâ wihtka kaia aitani kulkan lâka ba sin, wan Dawan Jisas Kraist bâk patitara piua ba wina, nanara bara ban kaia ra. Baku kabia.