2 Tesalonaika 3:8 - DAWAN BÎLA AISKA

⁸ Yang nani upla kumi pata sin aibapras piras kapri. Kuna, kakna bara tihmia wark taki banhri, trabil sin takatna, man nani tilam kat karban wirha kumi sin maikaia apia dukiara.

2 Tesalonaika 3:8 ပူးပေါင်းရင်းမြစ်များ

2 King Nani 6:2

Bamna ai swis yang nani Jordan awala ra wamna, bara baha wina dus playa nani yang nani klaki, bahara yawan iwi kaia pliska paskamna. Bara Ilaidsa win: —Was man nani.

Nihimaya 5:18

Yu bani yang waitla ra bîp wainhka kum bara sîp nani kau pain ba matlalkahbi iki piaia pata dauki kan, daiwan tnawira nani sin; bara yu matawalsip bani wain ba ban pura lui kan. Sakuna baha sut ba tilara, yang aima kumi sin wihta tara baku baha wina piaia hilpka aiki kan ba makabras katna, kan upla nani purara wirhka taibi ba uba tara kan.

Sins Lâka 31:27

Witin ai watla bilara, diara sut mapara kau ai kanra wiaia ba dukiara aihwaki kaikisa, bara aima kumi sin plun mana luha piras sa.

Matiu 6:11

Naiwa wan yua pata ba wankma.

Apastil Nani Sturka 18:3

Witin baha nani wal takaskan kan ba sim warkka dadaukra nani kan, tint watla papaskra kata; bamna witin nani wal takaskan aikuki wark takaia.

Apastil Nani Sturka 20:34

Man nani pain kaikisma, nahki yang pali mihti ni wark takri, yang bara upliki nani aikuki dîa luha kapri ba saki briaia.

1 Korint 4:12

bara yang nani mihti ni baman wark taki swapisna. Upla nani mita saura wan wisa, sakuna pana yang nani mita bîla yamni nani wisna. Rau wan sauhki banhwisa, sakuna ban bapi bûi wahwisna.

1 Korint 9:4

Raitki brisna diara piaia bara diaia aiki ba sin briaia,

2 Korint 11:27

Wark manis bri kapri bara trabil nani sin; aima ailal pain yapras kapri; plun kasak wauhri bara lî din sin ai dauki kan; aima ailal plun piras kapri; kauhla kasak wauhri, kwala âpu pâtka sin briri.

2 Korint 11:9

Yang na man nani wal kapri piua diara luha pali katna; sakuna yang wirhiki upla ra yaras katna; kan Macedonia wina wan muihni nani balan ba mita dîa luha katna ba sut aikan. Baku sika yang trai munri, man nani mampara karban wirha kum baku mai taibaia apia, bara ban sin baku daukaia trai muni kamna.

Epesus 4:28

Ya impliki kan ba, kli implikaia apia, sakuna wark takaia sa, bara ai mihta ni wark kum pain dauki ba mita witin sip kabia diara bri ba ni ai uplika nani ra hilp munaia.

1 Tesalonaika 2:9

Muihki nani, man nani pain kupiam kraukisma si, nahki wark taki trabil bri banhwatna ba, yang nani rayaki hilpka bri kaia dukiara. Kakna bara tihmia wark taki banhwi katna, Gâd sturka yamni mai smalki kapri ba ra, man nani puramra wirhika kumi sin maiki banhras katna.

1 Tesalonaika 4:11

Man nani trai kaiks bisniskam nani ba kat sâpkira ban dauki kaia, bara yang nani mai wîri ba baku, mihtam nani wal wark taki kaia.

2 Tesalonaika 3:12

Wan Dawan Jisas Kraist karnika mita, baha uplika nani ra smalki wisna bara adar sin yabisna, witin nani sâpkira wark taki kabia, ai pata saki pi kaia dukiara.