2 Tesalonaika 2:3 - DAWAN BÎLA AISKA

³ Upla kumi mita sin yarka kunin mai munbiara. Kan baha yua kainara, Gâd mapara buaia lâka ba pas balaia sa, upla saurakira ba bal takbia, witinka tanis tiwaia pâtka ra lulkan ba.

2 Tesalonaika 2:3 ပူးပေါင်းရင်းမြစ်များ

Daniel 11:36

‘Yahbra tani kingka diara sut ba daukbia, witin ai brinka ba kat. Baha ba aimayunanka saura witin lukisa ba gâd nani sut purkara sa, Gâd kasakkira ba mapara saura pali ba aisabia, bara diara sut ba ai mapara yamni takbia, Gâd mita klala blîkbia ba kat; kan Gâd lika dîa daukaia luki ba kat daukbia sa.

Daniel 7:25

Gâd Laih Purara iwi ba swira dauki kabia, bara uplika nani ra sin âpu dauki kabia, ban trai munbia Gâd lâka ba lakaia, baku sin Gâd lilia yua tara daukaia ba, Gâd uplika nani ba ai karnika mununhtara kabia mani yumhpa pura bakriki.

Daniel 8:25

Ai âuya mâira lâka bara ai kuninka lâka ba mita pura luan lâka bribia, praut lâka ni aibanhwan takbia, upla ailal witin ra kasak luki ba sut rayaka tikan kabia, king nani kingka luhpia mapara bubia, sakuna witinka ba bui âpu daukan kabia.

Jan 17:12

Yang naha tasba ra witin nani wal katna ba ra, man aikram ba sut main kaiki, kan kahbi bri kapri. Bamna witin nani wina kumi sin tiwras, sakuna witinka pat tiwan kata ba lika, Ulbanka dîa aisi ba aimakaia dukiara.

1 Korint 6:9

¿Man nani kaikras sma ki, taniskira nani ba, Gâd king aimaki ba lâka ra ai dukia bribia apia? ¡Baku bamna, man nani aimawahkpara! Kan ai maya takras tâski lâka dauki ba, aidul nani ra ai pura suni mayuni banhwi ba, marit lâka sasauhkra nani ba, waitna nani ai tahkia wal tâski lâka dauki nani ba, âimplikra nani ba, gridikira nani ba, bla tatakra nani ba, upla dusa kakuhbra nani ba, upla dukia dadakbra nani ba sut sin, Gâd king aimaki ba lâka ra ai dukia bribia apia.

Epesus 5:6

Upla mita yarka bîla bahki aisi kunin mai munbiara, kan bahmuna dukia saura nani wina sika, Gâd klalka tara ba aula, bîla wali daukras nani ba klala yaia dukiara.

1 Jan 2:18

Luhpi lupia nani, piua tnata ba pat baila sa. Man nani walram upla kumi Kraist mapara ba dukiara, witin aula; nanara upla manis buan sa Kraist mapara, baha mita yawan kaikisa tnata yua ba baila sa.

1 Jan 4:3

Sakuna ani uplika Jisas dahra baku param aisaras ba, baha sika Gâd wina Spirit ba briras; sakuna, witinka ba Kraist mapara ba spiritka brisa. Man nani sin pat walram baha spiritka ba balaia kan; bahamna, witin ba pat naha tasba ra sa.

Param Marikanka 17:11

Daiwan saura kanra raya kan sakuna nanara âpu ba, baha kat 8 king; witinka na 7 ba wina kumi sa, sakuna baha ningkara sauhki tikan kaia pâtka ra auya.

Param Marikanka 17:8

Bara daiwra saura kaikram ba lika pas piua raya iwi kan, sakuna nanara âpu sa; ban sakuna, witin ba tihu tara ba wina uli balbia ai pruanka tnata pali ba ra waia kainara. Tasba ra iwi uplika nani, tasba paskan wina kau ai nina nani raya kaia wauhkataya ra ulbi mangkras ba, daiwan saura na kaikbia ba ra, aihka pali lukbia. Kan baha ba kanra raya kata, bara nanara lika âpu sa, sakuna witin kli balbia.