2 Tesalonaika 1:7 - DAWAN BÎLA AISKA

⁷ bara man nani pât wahwisma ba ra ris maikbia, yang nani ra sin. Naha ba takan kabia, Dawan Jisas kasbrika pura ba wina, pauta klauhi tilara bara ai insalka karnakira nani aikuki latan bal takbia piua ra.

2 Tesalonaika 1:7 ပူးပေါင်းရင်းမြစ်များ

Impakan Sturka 19:18

Sainai ilka pura aiska ba kiasma baman saki kan, Dawan baha purara bal iwan bamna. Kiasmika ba pauta mukaika watla tarka tara kum wina taki uli ba baku taki kan, bara il aiska ba sin nikbi kan.

Impakan Sturka 3:2

Bahara Dawan insalka kum witin ra latan takan pauta buki klauhi baku, kiaya dusa kum tilara. Moses aman pali kaikan kiaya dusa ba buki amisa sapa, sakuna amras sa.

Aiseya 57:2

bara kupia kumi lâka ra dimbia. Yabal wapni kum nina bliki auya kan bara nanara ai raitika ra ris brisa.

Aiseya 66:15

Kan Dawan ba pauta klauhan tilara aula, ai waginka ba alhkablakat baku sa; ai kupia baiwanka laptika ba yakabaia bara pauta klauhan laknika laptika klalka ba sin.

Isikiel 1:13

Baha rayaka bri nani daukan ba, masku ami baku, apia kaka, pauta klauhanka baku tauki kan, yang nani tilira. Bara naha pata klauhan ba, imyula baku kan.

Daniel 7:9

“Ban kaiki kapri, king iwaika nani bri si mangki swin ba kat, bara almuk kumi wih iwan. Ai prâka ba wahmuk pinhka baku kan, ai tâwa ba sîp taya tâski âpu ba baku kan, ai king iwaika bara wilwaika ba pauta klauhan ba baku kan,

Matiu 16:27

Kan Upla Luhpia Waitna ba ai Aisika prana ra ai insalka nani kira balbia ba ra, upla bani ra dîa daukan ba mana aibapbia.

Matiu 16:28

Kasak pali man nani ra mai wisna, nahara upla kum kum na lika prubia apia, Upla Luhpia Waitna ai prana wal balbia ba witin nani kaiki banhbia kat.

Matiu 25:31

“Witinka Upla Luhpia Waitna ba Gâd insalka sut kira king baku balbia ba ra, ai king iwaika ingnikira ra iwbia.

Matiu 25:41

“Bamna king ba mita ai smihka ra nani ba ra wibia: ‘Yang wina taki was, mai lahtuban nani sma ba; ban kaia ra pauta lakni dibil ai insalka nani wal dukia wisi ridi daukan ba ra man nani was.

Matiu 26:64

Jisas pana witin ra win: —Man baku aisaram. Bara yang sin man nani ra mai wisna, Upla Luhpia Waitna ba Gâd, Karnika sut bri ba mihta aihkika ra iwi kasbrika purara wina aula kaikma.

Mark 14:62

Jisas witin ra win: —Âu, yang sika. Bara man nani mita Upla Luhpia Waitna ba kaikma, Gâd karnika bara mihta aihkika ra iwi, kasbrika purara kasbrikika nani tilara balbia ba.

Mark 8:38

Ya ya yang dukira, smalkanki yamni ba dukiara sin, naha piua uplika lukras bara saura nani na mawanra ai swira lukbia kaka, Upla Luhpia Waitna sna na sin, witin nani dukiara swiri lukamna, Aisiki prana ra insal holikira nani aikuki balamna piua ra.

Luk 16:25

Sakuna Ebraham bila: ‘Luhpi, luki kaiks raya katma piua nani ra diara sut ba man pain baman briram, sakuna Lasarus lika diara sut ra saura baman kan. Nanara lika witin ba maisa nihkan sa, sakuna man lika pât wahwisma.

Luk 17:30

Baku kabia Upla Luhpia Waitna balbia piua ra.

Jan 1:3

Witin bâk Gâd mita diara sut paskan, witin âpu kira diara nani bâra ba, kumi sin paskras kata.

Jan 1:51

Bara Jisas naha sin win: —Kasak mai wisni, man nani kasbrika pura ba kwawan kaikma, bara Gâd insalka nani bal iwi uli kabia, Upla Luhpia Waitna purara.

Apastil Nani Sturka 1:11

Baha nani bila: —Galili waitnika nani, ¿dîa kan man nani kasbrika purara kat ban kaikisma? Baha Jisaska man nani tilam wina kasbrika purara uli wan kaikram ba, baha natka kat witin kli balbia.

Apastil Nani Sturka 3:19

Baku bamna, man nani sut daukankam saura nani wina mahka Dawan ra taws, bâra mika saurkam nani sut ba diki sakan kabia. Baku bamna, Dawan bui man nani mai rakaia piua ba blîkbia,

Roman 8:17

Bamna yawan na Gâd luhpia nani sa kaka, witin mita wankaia win dukia nani ba yawan bribia. Baha dukia nani ba yawan bribia Kraist wal asla; bamna nanara yawan na Kraist wal asla pât nani wahwisa kaka, witin wal asla sin ai prana ba naika bribia.

1 Korint 3:13

Upla bani warkka ba lâ daukan yua ra latan kaikbia; kan baha yua ba pauta klauhan wal kabia, bara pauta klauhan ba mita upla bani dîa sât warkka daukan sapa tânka trai kaikbia.

2 Korint 4:17

Kan pât nani nahara wahwi ba lika diara wirha apia bara isti luisa, bara tnata ra prana ban kaia ba manis pali wankisa.

Epesus 1:2

Gâd wan Aisa bara Dawan Jisas Kraist wina, yamnika nani bara kupia kumi lâka ba man nani bri kama.

Kolosi 1:16

Kraist bâk, Gâd mita diara nani kasbrika purara bara tasba ra ba sut paskan. Diara nani wan nakra ni kaiki ba, bara diara nani wan nakra ni sip kaikras ba sin; king aimaki nani ba, tasba purara karnika bri banhwi ba, tasba wihtka nani, bara spirit lâka mapara karnika bri nani ba sut, Kraist bâk paskan sa, bara witin dukiara sin bâra sa.

1 Tesalonaika 3:13

Dawan mita kupiam nani ba karna daukbia, bara man nani ba wan Aisa Gâd mawanra, holikira bara pât âpu banhwi kama, wan Dawan Jisas ai uplika sut aikuki balbia ba ra. Baku kabia.

2 Timoti 2:12

yawan pât wahwisa kaka, witin wal sin yawan king aimakbia. Yawan bui witin ra apia wibia kaka, pana witin mita sin apia wan wibia.

Taitus 2:13

Baha mita sin wan smalkisa, baha yua holikira pramis wan munan ba, yawan bîla kaiki kabia; bara baha sika wan Gâdka tara bara wan Sasakra, Jisas Kraist prana ba latan takbia ba ra.

Hibru Nani 10:27

Yawan diara wala âpu sa, lâ daukan sibrinkira pali ba bîla kaikaia baman, bara pauta klauhan laptikira ba, Gâd waihla nani angki tikaia ba sin.

Hibru Nani 12:29

kan wan Gâdka ba lika pauta lakni diara angki sauhki tiki ba baku sa.

Hibru Nani 4:1

Baku bamna, Gâd yawan ra pramis wan munan ba witin ai riska ra dimaia, wan dara wali kaia sa, ban man nani tilam wina kumi kra sip dimras kabia dukiara.

Hibru Nani 4:11

Baku bamna, yawan karna trai muni baha riska ra dimaia sa. Yawan tila wina kumi sin baha nani kasak lukras nani kan ba baku kaia apia sa.

Hibru Nani 4:9

Baku bamna, Gâd uplika nani riska holikira kau kum bâra sa;

Hibru Nani 9:28

Baku sin, Kraist ba aima kumi baman sakripais dauki yan kata, upla ailal saurka nani brih sakaia dukiara. Bara witin kli aima wala bal latan takbia, saurka nani brih sakaia dukiara lika apia, sakuna ai bîla kaiki uplika nani ra swaki sakaia.

1 Pita 3:22

Bara witinka sika kasbrika purara uli Gâd lama pali ra iwi ba, bara insal nani, kasbrika purara karnika bri nani ba, bara karnika wala bri nani ba sut purara sin, witin wihta aimakisa.

2 Pita 3:7

Sakuna nanara kasbrika pura bara tasba bâra ba lika, ban swin sa pauta klauhan ba dukiara, Gâd ai bîla aisin sa, baha pata klauhan ba ni tnata yua ra angkan kabia, bara saurakira nani sut âpu daukan kabia.

Judas 1:7

Baku sin Sodoma, Gomora bara baha lamara tawan nani kan ba, baha insalka nani kauhan ba baku witin wîna nani sîn tara brinka mita munan saurka ra diman; saurka uba dauki ba mita, paskanka ban bâra ba mapara takan. Baha mita pauta ami ban kaia pâtka ba wahwan bara upla sut ra kupia kraukanka kum baku takaskan sa.

Param Marikanka 1:7

¡Kraist ba kasbrika nani tilara balbia! Upla sut mita witin ba kaikbia, ai wîna tara dus prihni ra saban uplika nani sin. Tasba aiska uplika nani witin kaiki sari bri inbia. Âu, baku kabia.

Param Marikanka 14:10

Gâd kupia baiwanka wainka ba diaia kabia, baha ba uya karna pali ai lawanka ba ra witin laikan sa. Ani uplika naha daukbia ba, pauta klauhan ni bara sulpa ni sin rausauhkan kabia Gâd insalka nani mawanra, Sîp Luhpia ba mawanra sin.

Param Marikanka 14:13

Bara bîla baikra kum kasbrika pura ba wina yang ra ai aisi kan walri: “Naha na uls: ‘Nanara wina pruan nani ba yamni pali sa, witinka nani Dawan ra lalukra nani taki si prubia ba.’ ” “Âu —Spirit ba baku wisa—, kan witin nani ai warkka karna nani wina ris brin sa, bara ai warkka nani mita ai yula kahbi kabia.”

Param Marikanka 20:11

Bara yang lika king iwaika pihni kum kaikri, baha purara iwi kan ba sin. Ai mawan wina tasba bara kasbrika pura ba aiska lap tiwan, bara baha nani pliska kumi sin sip kaikras kan.

Param Marikanka 21:4

Witin nani nakra laya ba sut dikbia, bara prura kau âpu kabia, inanka, pura mata inaia lâka, latwanka sin; kan diara almuk nani ba sut lui wan sa.”

Param Marikanka 22:16

“Yang Jisas, insalki blikri sa, serts nani ra naha sut param saki wiaia. Yang sika king Debit plamaika bara kiamka ba; yang sika titan slilmika ingnikira ba.”

Param Marikanka 22:6

Insal ba ai win: “Naha bîla nani na kasakkira sa, bara baha kat kasak lukaia aitani sa. Bara Dawan Gâd, witinka ai prapitka nani ra ai Spiritka yabi ba, ai insalka blikan sa, ai dukia dadaukra nani ra diara pat takaia man ba marikaia.”

Param Marikanka 22:9

Sakuna witin ai win: “Man baha daukpara. Yang lika man baku Gâd dukia dadaukra kum sna, muihkam nani Gâd prapitka nani baku, naha wauhkataya ra diara nani ulban na kat bîla wali dauki nani ba wal baku sin. Gâd ra puram suni mayuns.”

Param Marikanka 6:11

Bara witin nani bani ra kwala pihni kum yan kan; witin nani ra sin win kata piu wiria ris bribia, ai muihni nani Gâd warkka dauki ba sut daukbia ba kat, bara baha nani ba sin witin nani ra ikan ba baku ikaia kan.