2 Tesalonaika 1:12 - DAWAN BÎLA AISKA

¹² Bara naku mika, wan Dawan Jisas Kraist nina ba man nani mita prana daukbia, bara witin mita sin prana maikbia, wan Gâdka bara Dawan Jisas Kraist yamnika ba mita.

2 Tesalonaika 1:12 ပူးပေါင်းရင်းမြစ်များ

Blasi Sturka 18:18

kan witin sika nisan tara karna kum aisika takaia sa, witin ra praki nisan nani sut tasba ra ba, yamniki yabaia wîri bamna.

Lawana Nani 72:17

¡King nina ba ban kaia ra ban bâra kabia! ¡Ai sturka ba wan yu ingnika baku kabia! Nisan nani sut tasba aiska ra ba witin wina yamnika bribia. Bara nisan nani sut ba wibia lilia pali sa.

Aiseya 24:15

Baku sin lalma tani ra bara kabu un ra iwi kuntrika Dawan ra mayunra pranakira yabia, Israel Gâdka ra.

Aiseya 45:17

Sakuna Israel ba Dawan mita swaki sakan kabia, swaki sakan lâka ban kaia ra ba, bara kli man nani mai turban kama apia, swiram sin mai daukan kabia apia.

Aiseya 45:25

Israel luhpia nani sut yang ra tingki kabia, witin nani pura lalura nani takbia bara yang dukira tara ai dara wali kabia.”

Aiseya 66:5

Dawan dîa aisi ba man nani wals, man nani bui witin ai bîla kulkisma ba: “Muihkam nani tila misbara mai kaiki ba, rau mai sauhki ba yang ra puram sunisma ba tâwan, witin nani aisisa: ‘Nanara Dawan ba wan marikbia ai mayunra ba; witin nani ba lilia kaka kaikaia want sna.’ Sakuna baha nani ba swira lâka ra takaskbia.

Malaquía 1:11

Nisan nani sut tasba aiska ra yang na tara ai kulkisa; ani anira yang na tara ai kulki bamna, diara kîa yamni angki Dawan sna ba bara kulkanki ba aikisa.

Jan 17:10

Yang duki sut ba man dukiam sa, bara man dukiam sut ba yang duki sa; bamna yang praina ba baha nani ra ingwisa.

Roman 1:7

Bahamna man nani Rom ra iwi banhwisma ba sut ra mai ulbisni, Gâd latwan kaiki mai paiwan ba, witin bui ai uplika holikira kaia dukiara. Gâd wan Aisa bara Dawan Jisas Kraist mita yamni mai munbia bara kupia kumi lâka sin maikbia.

1 Korint 1:4

Piu bani man nani dukiamra Gâd ra tingki wisna, Kraist Jisas bâk man nani ra, witin ai kupia yamni lâka maikan ba.

2 Korint 13:4

Kasak pali witin ba swapnikira kum baku dus prihni ra saban, sakuna Gâd karnika ba mita ban kaia ra raya sa. Baku bamna yang nani sin witin wal asla swapnikira sna, kuna yang nani witin wal asla kamna kaka, Gâd karnika ra yang nani raya kamna man nani dukiam daukaia dukiara.

2 Korint 8:9

Man nani lika wan Dawan Jisas Kraist latwanka lâka tânka ba pat kaikisma. Witin lika yuyakira pali kan, kuna man nani ra latwan mai kaikan ba mita witin umpira pali takan, bara witin umpira takan man nani yuyakira kama ba dukiara.

Pilipai 3:9

bara witin wal asla pali kamna ba dukiara; baha ba Moses lâka kat yang rayaki wapni brisna ba dukiara lika apia, sakuna Kraist ra kasak lukisna ba tâwan, Gâd pri ai saki ai brin ba mita lika; kan Gâd lika kasak luki uplika nani ba pain brisa.

2 Tesalonaika 1:10

Dawan baha yua balbia ba ra, ai uplika nani mita mayunra yaban kabia dukiara, bara lalukra nani sut bui sin prana yabi mayunbia dukiara. Baku bamna, man nani sin sturi yamni yang nani mita mai wîri ba, kasak lukram bamna.

Taitus 2:11

Kan Gâd ai kupia yamni tânka ba wan marikan sa, bara upla sut ra swaki sakan lâka brih balisa.

1 Pita 4:14

Kraist tâwan saura pali mai wibia kaka, man nani liliam bas; kan Gâd Spiritka pranakira ba man nani puramra bal iwi bahara takaskisa.

Param Marikanka 1:4

Yang Jan, Asia tasbaya ra serts 7 ba ra ulbisna. Gâd wina yamnika nani bara kupia kumi lâka ba man nani bris, witinka bâra ban ba, ban kan ba, bara naika balaia ba; spirit 7 ai king iwaika mawan kat ba wina sin,