2 Samuil 8:18 - DAWAN BÎLA AISKA

¹⁸ Benaías, Joiadá luhpia ba, quereteo nani bara Pélet uplika nani suldiarka wihtka kan. Debit luhpia waitna nani ba lika prîs nani kan.

2 Samuil 8:18 ပူးပေါင်းရင်းမြစ်များ

2 Samuil 15:18

Witin ai tnaya ra ai wihtka tara nani ba mangkan, bara ai kaina kir ba lika quereteo nani bara Pélet uplika nani, geteo nani wina mangkan, baku sin waitna nani 600 Gat wina ai nina blikan ba sut sin ai kan kir yakaban.

2 Samuil 20:23

Joab ba Israel luhpia nani sut war aiklaklabra nani ba wihtka ban kan, bara Benaías, Joiadá luhpia waitna ba, quereteo nani bara Pélet uplika nani suldiarka nani ba wihtka mangkan.

2 Samuil 20:26

Irá, Jaír tawanka wina ba sin, Debit prîska kan.

2 Samuil 20:7

King suldiarka nani Joab tâ baikan ba, quereteo nani bara Pélet uplika nani wina ba sut bara suldiar wala nani kau aiklaklabra pain nani ba sin, Jerusalem wina taki wan, Abisai wal, Sebá nina blikaia dukiara.

1 King Nani 1:38

Ningkara iwi wih banhwan prîs Sadoc, prapit Natán, Joiadá luhpia waitna Benaías, bara quereteo nani bara Pélet uplika nani bui Salaman ba king Debit muyulka ra suni Guihón ra brih wan.

1 King Nani 1:44

Bara king Debit bui witinka ba aikuki blikan prîs Sadoc, prapit Natán bara Joiadá luhpia waitna Benaías, baku sin quereteo nani bara Pélet uplika nani; bara witin nani pali bui Salaman ba king muyulka ra sunan.

1 King Nani 1:8

Ban sakuna, prîs Sadoc bara Benaías Joiadá luhpia waitna ba, prapit Natán, Simí bara king bui tara kulki kan waitnika ba sin, Debit suldiarka aiklaklabra pain nani ba sin, Adonías aisi ba wal waras kata.

1 King Nani 2:25

Bamna king Salaman Joiadá luhpia Benaías ba blikan wan, Adonías ra ikaia bara wih ikan.

1 King Nani 4:4

Benaías, Joiadá luhpia, suldiar nani wihtka tara; Sadoc bara Abiatar, prîs nani;

1 King Nani 4:5

Azarías, Natán luhpia, pura kakaira tara; Zabud, prîs Natán luhpia, king wal lâ tânka aisi uplika;

2 King Nani 11:4

Bara 7 mani alkan ba ra, Joiadá mita aiklaklabra lalka nani, bara quereteo nani bara aiklaklabra daknika nani sin paiwan balan, bara Dawan tempelka ra yaban diman, witin bâra kan ba kat. Bahara witin nani wal aisi lâ dauki swer takan, bara king luhpia waitna Joás ba upla nani ra marikan.

1 Kronikas 11:22

Benaías, Joiadá lupia, Cabseel tawanka wina, witin ba waitna kupia karnira pali kata, diara ailal dauki pura luata. Witin mita Ariel Moab wina luhpia waitna wâl ba ikan. Yu kum lî klaswan kauhi kan piua ra, liwanhta kum ra dimi wih, baha bilara layan kum ikan.

1 Kronikas 18:17

bara Benaías, Joiadá luhpia ba, quereteo nani bara Pélet uplika nani purara karnika alki kata. Debit luhpia nani ba lika ai dukia dadaukra tara pali nani kan.

Isikiel 25:16

Baha mita, yang Dawan sna ba, naku wisni: Mihti bukamna klala yabaia filisteo nani ra âpu daukamna quereteo nani ra, bara kabu un ra takaskan nani sut sauhki tikamna.

Sofonías 2:5

¡Creta uplika nani, kabu un ra iwi banhwisma ba, sarkam pali ai daukisa! Gâd bui man nani mai sauhki tikaia dukiara pat aisin sa: “¡Kenan, filisteo nani kuntrika, bâra iwi banhwisma ba sut mai sauhki âpu mai tikaisna!

1 Samuil 30:14

Yang nani quereteo nani waupasa tani tasbaya kir ra wari bara upla dukia nani dakbi briri, baku sin Juda ra bara Caleb ra. Bara Siclag sin pauta ni angki banhri.