2 Samuil 7:13 - DAWAN BÎLA AISKA

¹³ Witin tempel kum mâki aikbia, bara ai kingka lâka ba ban karna kaia daukamni.

2 Samuil 7:13 ပူးပေါင်းရင်းမြစ်များ

Blasi Sturka 49:10

Juda karnika bri ba, upla kumi sin baha karnika ba witin wina dakbia apia. Baha karnika dusa ai mihta ra ba sin, upla wala witin wina dakbia apia. Baha karnika dusa dawanka ba balbia kat, bara upla sut ba witin ai bîla wali daukbia.

2 Samuil 22:51

Man bui bâk sakram kingka ra, pura luan lâka tara ba yabisma; Debit ra bara ai kiamka ra sin latwan lâka ban marikisma.”

2 Samuil 7:16

Yang distiki ra man pali kiamkam ba kingkam lâka ba sin ban kaia ra karna kabia, king iwaikam ba sin ban kaia ra bapi bûi kabia.’ ”

2 Samuil 7:27

Man, Dawan karnika sut pali brisma ba, marikisma yang kiamki ba man bui ban buki bapi bri kama baha mita, yang diara lika apia, albikam kum baman sna, sakuna kupias taki naha baman mai walan ai daukisa.

1 King Nani 2:24

Dawan nina mâki swer takisna, witin bui sika king ai mangkan na aisiki Debit king iwaika ra, pamali karnika kum sin paski aikan witin ai win ba baku, naiwa pali Adonías ba pruaia sa!”

1 King Nani 2:4

Baku mika Dawan ai win bîla ba kat daukbia, witin bui yang ra ai win ba: ‘Man luhpiam nani yabalki ba alki bribia kaka, ai kupia aiska bara ai sulka aiska ni, baku ba ra taiya nani tilara diara luha kabia apia, Israel man iwaikam ra iwi kabia.’

1 King Nani 2:45

Sakuna king Salaman ba yamni pali kulkan kabia, bara Debit king iwaika ba Dawan mawanra ban bâra kabia.

1 King Nani 5:5

Baku bamna brinki sa nanara, Dawan Gâdki nina ra tempel kumi mâkaia, Dawan Gâd bui papiki ra aisi win ba baku: ‘‘Man luhpiam ba yang mita yarka man king iwaikam ra iwbia ba, baha bui yang nini ra tempel kumi mâki aikbia.’’

1 King Nani 6:12

“Naha watla na man bui paskisma bamna, yang lâika nani bâk impaki kupi lâka ba kat daukma kaka, bara sin lâika nani ba sut alki brih baha kat wapma kaka, yang dîa papikam Debit ra wîri ba man ra daukamna.

1 King Nani 8:13

Sakuna yang tempel kum paski maikri, man bahara iwaia, plis kum man bahara ban kaia ra iwi kama.”

1 King Nani 8:15

Bara win: “Dawan ba yamni pali kabia, witinka Israel Gâdka ba, papiki Debit ra aisin ba, witin bui aiska sut daukan bamna. Bara witin ra win:

1 King Nani 8:19

sakuna tempel ba man mita lika mâkma apia, ban sakuna man luhpa waitna kum sâkma ba, witin bui tempel ba paskbia yang nini ra.’

2 King Nani 21:4

Baha sut purkara sin, Dawan tempelka ra altarka nani paskan, baha dukiara sika Dawan aisin witin ai nina ba Jerusalem ra bâra kabia baha pliska ra.

2 King Nani 21:7

Baku sin Aserá lilka paski Dawan tempelka ra mangkan, baha kainara Dawan mita Debit bara Salaman ai luhpia wal ra wisata ba: “Naha Jerusalem tempelka watla ba bâk saki briri sa, Israel kiamka nani tila ba wina, yang iwaia waitla ban kaia ra bâra kabia.

2 King Nani 8:19

Baha sut pali daukan kuna, Dawan mita Juda ba sauhki tikaia brin daukras kan, ai albika Debit wal pramis daukan ba ra luki ba mita, kan witin ra win kan lamp ingnika kum baku ingwi kabia ai mawanra.

1 Kronikas 28:10

Bamna, kaiks nanara, Dawan bui bâk mai sakan Dawan wal aisaia watla kum paskaia, ¡bamna dutki bûi mahka dauks!”

2 Kronikas 33:4

Bara altar nani paskan Dawan tempelka watla ra, baha dukiara kan wina Dawan bui win kan, witin ai iwaika brin kabia ban kaia ra Jerusalem ra.

2 Kronikas 6:16

Baku ba mita, Dawan, Israel Gâdka, yang aisiki Debit man albikam ra dîa pramis munram ba dauks: ai kiamka wina kum man wiram ba baku, Israel kingka iwaika ra iwbia, ai luhpia nani ba ai tânka wapni bribia lâmka kat daukbia bara witin daukan ba baku.

Job 36:7

Piua bani upla wapni nani ba kan kahbisa, king nani ai iwaika ra iwi nani ra tâ baikisa, baha nani ba purara bukisa.

Lawana Nani 72:17

¡King nina ba ban kaia ra ban bâra kabia! ¡Ai sturka ba wan yu ingnika baku kabia! Nisan nani sut tasba aiska ra ba witin wina yamnika bribia. Bara nisan nani sut ba wibia lilia pali sa.

Lawana Nani 89:21

bara yang hilpki ba luha apia kata. Yang karniki ba wal tâ baikri.

Lawana Nani 89:29

Ai kiamka nani ba, ban king aimaki kabia, ban kaia ra kasbrika purara bâra sa piua ra.

Lawana Nani 89:4

“Man kiamkam nani wal lâ daukri piua sut man wamtlika ra king aimaki kabia.”

Aiseya 49:8

Dawan ba wisa: “Piua nani balan sa yang kupi yamnika lâka ba mamrikaia, bara mai aisari; swak takan lâka ba balan sa, bara hilp mai munri. Yang kainam kahbri man dukiamra tawan wal lâ daukri ba, kuntri ba kli paskaia, yabrika tasba sauhkan bîla man ba kli ai mihta ra bribia dukiara.

Aiseya 9:6

Kan tukta waitna kumi wan dukiara aisubi takan, Dawan yawan ra luhpa waitna kum wankan sa, witin ra king kaia karnika yaban sa. Ai nina ba mâkan kabia: Aihka pranakira, Lâ Smasmalkra, Gâd karnakira, ban kaia Aisika, kupia kumi lâka Kingka.

Aiseya 9:7

Witin Debit iwaika ra iwbia; ai kingka lâka ba plis bani ra yaka wabia bara kupia kumi lâka ba ban kabia; ai kingka lâka ba kasakka lâka wapni lâka playka pura karna bapbia, nanara wina ban kaia ra. Dawan, karnika sut bri ba ai latwanka laptika ba ni baha daukbia.

Jirimaya 33:17

Yang Dawan sna ba, naku wisni: Piua bani Debit kiamka kum ban Israel kingka bâra kabia,

Isikiel 37:25

Duki dadaukra Jekob ra yabatna kuntrika ra iwbia, bahara ai almukka nani iwata ba. Bahara witin nani iwbia ban kaia ra bara ai luhpia bara ai kiamka nani sut; bara duki dadaukra Debit ba ai tâ brabrira kabia.

Daniel 2:44

Baha kingka nani dauki yua nani ra kasbrika purara Gâdka ba king lâka kum bukbia bara ban kaia ra sauhki tikan kabia apia, nisan wala kumi mita sin pura lubia apia, ban sakuna, king lâka wala nani sut ra pura lubia, bâra ban kabia ban kaia ra.

Sakaraya 6:12

Witin ra wis: ‘Dawan, karnika sut bri ba kasak aisisa, baha waitna nina Urhwi Takaia mâkan ba, witin ai wakia wina pâwi taki, Dawan tempelka ba witin kli mâkbia.

Sakaraya 6:13

Dawan tempelka ba witin kli mâkbia, bara king kum ra kulkanka lâka yabi nani ba bribia. Witin ai iwaika ra iwbia bara tâura wihta aimaki kabia, bara prîs ba sin ai iwaika lamara iwbia, bara wal ai lukanka kumi laman lâka ra iwbia.

Matiu 16:18

Bara yang mai wisna: Man ba Pita, baha tânka lika “walpa”, bara naha walpaya purara sertski mâkamna, bara prura karnika pali mita sin pura lubia apia.

Hibru Nani 3:3

Waitna kum utla kum mâki ba, watla ba wal witin kau pain kulkan lâka brisa. Baha sim natka ra, Jisas ba Moses purkara kau prana tara briaia sa.

1 Pita 2:5

Naha natka ra, Gâd bui man nani ra, walpa rayakira nani baku, spirit tempelka kum mai daukbia, prîs holikira nani, Jisas Kraist bâk spirit sakripaiska nani dauki yaia, Gâd ra yamni kabia.