2 Samuil 6:13 - DAWAN BÎLA AISKA

¹³ Bara Dawan lâka auhbaia watla ba twilki ai mina taibanka matlalkahbi wapan ba ra, Debit bîp wainhka kum bara sîp batanira kum sin sakripais daukan.

2 Samuil 6:13 ပူးပေါင်းရင်းမြစ်များ

1 King Nani 8:5

King Salaman bara Israel luhpia nani sut, witin wal asla takan kan ba aikuki, lâ auhbaia watla ba mawan tani ra bûi banhwi kan, sîp bara bîp wainhka nani sakripais daukan. Uba ailal pali kan, sip kulki sakras kata.

1 Kronikas 15:15

Libait luhpia nani bui Gâd lâka auhbaia watla ba dus nani dingki, ai pahpaya ra twilki brih balan, Dawan bui dîa Moses ra win ba kat.

1 Kronikas 15:2

Bamna lâ mangkan: “Upla kumi sin watla ba twilkaia apia, Libait nani baman lika. Kan Dawan bui baha uplika nani ba wahbi sakan sa, Dawan lâ auhbaia watla ba twilki brih waia bara sin piua bani ai warkka tilara ban kabia.”

2 Kronikas 5:6

King Salaman bara Israel luhpia nani sut witin wal asla takan kan ba, witin nani Gâd lâka auhbaia watla ba tâura banhwi kan, bara sîp nani bara bîp wainhka nani ailal pali iki sakripais daukan, upla ailal pali daukan sip kulki sakras.

Kulki Kaikanka 4:15

Eran ai luhpia nani aikuki, holi pliska ra naha dukia nani sut ba pura prakbia. Bara utla ba mahka saki brih impakaia bubia ba ra, Quehat kiamka nani ba balbia baha twilki brih waia, sakuna diara holi ba kangbia apia, pruaia apia dukiara.

Kulki Kaikanka 7:9

Ban sakuna, Quehat luhpia kiamka nani ra lika wagin bara bîp sin yaras kata, kan witin nani lika diara holi nani ba ai pahpaya ra twilki kaia kan ba mita.

Matiu 22:4

Alba wala nani blikan, naku wisi: ‘Paiwan uplika nani ra wis, plun ba pat ridi sa. Bîpki nani bara daiwri batanira nani pat ikri, bara diara sut ridi sa; man nani marit pata ra bal.’

Jasua 3:3

bara witin sin Israel luhpia nani ba pat maisa pakan kan: “Ani piua prîs nani Libait nani ba Dawan lâka auhbaia watla twilki taki wabia man nani nan kaikma ba ra, anira sma ba wina bal taki, witin nani nina blîks.