2 Samuil 6:12 - DAWAN BÎLA AISKA

¹² King Debit ra win taim Dawan lâka auhbaia watla ba Obed-edom watla ra swin kan, bara Dawan bui witin ra, ai taya nani ra bara ai dukia nani ra sin yamni munan ba, Debit liliakira wan bara Obed-edom watla wina Dawan lâka auhbaia watla ba saki, Debit Tawanka ra brih wan.

2 Samuil 6:12 ပူးပေါင်းရင်းမြစ်များ

2 Samuil 5:7

Ban sakuna, Saion kan kahbaika pliska ba Debit kutbi alkan, nanara baha tawanka ba nina Debit Tawanka mâkisa.

1 King Nani 8:1

Bara Salaman bui Israel almukka nani asla daukan Jerusalem ra, kiamka bani lal nani ba, bara Israel luhpia nani watla uplika tâ bri nani ba sin, baha lika Dawan lâka auhbaia watla ba Saion wina Debit Tawanka ra lakaia dukiara.

1 King Nani 8:3

Israel almukka nani sut aidrubi balan bara prîs nani sin, bara lâ auhbaia watla ba brih wan,

1 King Nani 8:4

bara Dawan wal aisaia tintka watla ba sin, tempel diara nani holikira kulkan nani ba sin, baha nani ba sika prîs nani Libait nani bui twilki kan.

1 Kronikas 15:15

Libait luhpia nani bui Gâd lâka auhbaia watla ba dus nani dingki, ai pahpaya ra twilki brih balan, Dawan bui dîa Moses ra win ba kat.

1 Kronikas 15:25

Bamna Debit, Israel almukka nani bara war aiklaklabra daknika nani lalka sut liliakira aidrubi wan, Gâd wal lâ aisi daukan watla ba, Obed-edom watla wina saki brih waia.

1 Kronikas 16:16

Ebraham wal lâ daukan ba, Aisak wal aisi daukan ba,

1 Kronikas 26:4

Obed-edom luhpia nani ba: almukka ba Semaías; ningka ba Jozabad; yumhpika ba Joah; walhwalka ba Sacar; matsipka ba Natanael;

1 Kronikas 26:5

matlalkahbika ba Amiel; matlalkahbi pura kumika ba Isacar, bara matlalkahbi pura wâlka ba Peultai. Kan Dawan bui Obed-edom ra uya yamni munan kata luhpa waitna ailal yaban ba wal.

2 Kronikas 5:2

Bara Salaman Israel almuk nani asla daukan Jerusalem ra, kiamka bani lalka nani ba, bara Israel luhpia nani watla uplika tâ bri nani ba sin, baha lika Dawan lâka auhbaia watla ba Saion wina Debit Tawanka ra lakaia dukiara.

Matiu 10:42

Bara ya ya baha sirpika nani kum ra, nini bliki ba dukiara lî kauhla kâp kum pan yabia kaka, ai prisantka briaia kabia.”