2 Samuil 5:7 - DAWAN BÎLA AISKA

⁷ Ban sakuna, Saion kan kahbaika pliska ba Debit kutbi alkan, nanara baha tawanka ba nina Debit Tawanka mâkisa.

2 Samuil 5:7 ပူးပေါင်းရင်းမြစ်များ

2 Samuil 5:8

Baha piua ra Debit aisin kan: “Baha nani sut Jebús uplika nani mapara aiklabaia auya ba, lî plapaika untika tara bâk dimbia, bamna blain nani bara skahwa nani ba sut ikbia, kan yang sulki aiska baha nani ra misbara kaikisna.” Baha wina aisinka ba aula: “Blain nani bara skahwa nani ba sin Dawan tempelka ra dimbia apia sa.”

2 Samuil 5:9

Baha ningkara, Debit lika kan kahbaika pliska ra takaskan, bara tawanka nina ba Debit Tawanka mâkan, bara tasbaya aiska ba kutbi lakan, tasba yakabi daukan pliska wina king watla dimaika ba kat.

2 Samuil 6:10

Bara Dawan lâka auhbaia watla ba Debit Tawanka ra brih waia apia lukan bamna, adar yan Gat wina waitnika Obed-edom watla ra brih waia.

2 Samuil 6:12

King Debit ra win taim Dawan lâka auhbaia watla ba Obed-edom watla ra swin kan, bara Dawan bui witin ra, ai taya nani ra bara ai dukia nani ra sin yamni munan ba, Debit liliakira wan bara Obed-edom watla wina Dawan lâka auhbaia watla ba saki, Debit Tawanka ra brih wan.

2 Samuil 6:16

Dawan lâ auhbaia watla ba Debit Tawanka ra brih wan ba ra, Mical, Saúl luhpia mairin ba, windarku biki kaikan; bara Debit lika Dawan mawanra srutwi dans puli kan ba kaikan ba ra, witin dukiara ai kupia ra saura lukan.

1 King Nani 2:10

Bamna Debit ba pruan bara ai damika nani raitika ra bikan, Debit Tawanka ra,

1 King Nani 3:1

Bamna Salaman Idsip kingka, king fero wal ai uplika pali takan. Ban sin king fero luhpia mairin ai maya brin, bara Debit Tawanka ra bri balan, baha piua ra witin ai watla ba paski tnata alki kan, Dawan watla bara Jerusalem tawan tnaya kutbanka ba sin.

1 King Nani 8:1

Bara Salaman bui Israel almukka nani asla daukan Jerusalem ra, kiamka bani lal nani ba, bara Israel luhpia nani watla uplika tâ bri nani ba sin, baha lika Dawan lâka auhbaia watla ba Saion wina Debit Tawanka ra lakaia dukiara.

1 King Nani 9:24

Bara king fero luhpia mairin ba Debit Tawanka wina wan, Salaman bui ai watla paski yan ba ra. Bamna Salaman bui tasba yakabi daukan pliska ba paskan.

1 Kronikas 11:7

Ba ningkara, Debit baha kan kahbaika pliska ba kat ai pliska dauki mahka iwan; baha mita sika Debit Tawanka mâki ba.

2 Kronikas 24:16

Bara Debit Tawanka ra bikan, king nani bikan kan ba lamara, witin bui Israel tilara ai wark yamni daukan bamna, Dawan wal bara ai tempelka wal sin.

2 Kronikas 5:2

Bara Salaman Israel almuk nani asla daukan Jerusalem ra, kiamka bani lalka nani ba, bara Israel luhpia nani watla uplika tâ bri nani ba sin, baha lika Dawan lâka auhbaia watla ba Saion wina Debit Tawanka ra lakaia dukiara.

Nihimaya 3:15

Salum, Colhozé luhpia waitna ba, Mispá tasbaya wihtka aimaki ba, Lî kârma plapi ba getka paskan: durka purara dista yabi kaia ba paskan, bara prakaika dusa nani ba sin paskan, baku sin Siloé ra, king tangnika giadinka ra, lî watla walpaya kutbanka slingwan kan ba sin paskan, tawan wina mina mangka kum Debit Tawanka bâk iwi ba kat paski brih wan.

Lawana Nani 132:13

¡Dawan bui Saion ilka bâk saki brin! Witin baha baku saki brin dauki kan, bahara ai iwaika watla daukan.

Lawana Nani 2:6

“Saion, yang ilki bâk sakri ba ra, yang kingki ba pat mangkri sa.”

Lawana Nani 48:12

Man nani Saion ba kir wapi taws, bara tawerka nani ba kulki kaiks;

Lawana Nani 48:3

Dawan ba Jerusalem king watla nani ra bâra sa; Dawan bui yaban sa kaikaia ai yukuwaika watla ba.

Lawana Nani 51:18

Saion ra yamni muns, kupiam aiska ba kira; Jerusalem kutbanka nani ba kli paskaia.

Lawana Nani 87:2

Jekob watla nani sut ba wal, Dawan Jerusalem ra kau latwan kaikisa.

Lawana Nani 9:11

Man nani, Dawan ra lawana aiwans, witin Saion ra iwi ba; man nani nisan nani tilara, witin daukanka nani ba aisas.

Aiseya 12:6

Liliam bri wini aiwans, Saion ra iwisma ba; Israel Gâdka Holikira, man nani tilamra bâra ba tara pali sa bamna.”

Aiseya 59:20

Saion atki sasakra baku balbia, Jekob kiamka nani ai saurka wina ai kupia lakan nani ba sin sasakrika baku. Dawan, baha kasak aisisa.

Jirimaya 21:13

‘Tawan tara il bîla nani sut purara aimakisma ba, twi langnika ra walpa tara baku sma, yang, Dawan, man mampara aisisna. Man nani aisisma: ¿Ya yawan wal aiklabaia sip sa? ¿Ya sip sa yawan wan yukuwaika ba kat dimaia?

Miqueas 4:2

upla sâtka nani ailal naku aisi balbia: “Bal, man nani, kaisa Dawan ilka ra uli wap, Jekob Gâdka ra pura sunaia watla ba kat; witin sin ai yabalka nani natka dukiara wan smalkbia, bara yawan lika witin ai yabalka nani ra wapbia.” Kan Saion wina sika Dawan lâka smalkanka nani ba bal takbia, âu, Jerusalem wina ai aisanka balbia.

Roman 9:33

Ulbanka ba ra dîa aisi ba: “Yang bui walpa tara kum Saion ra mangkuna, walpa kum bahara witin nani ai mina prukaia; ya bahara kasak lukbia ba, ai lukanka ba kunin munbia apia.”

Hibru Nani 12:22

Sakuna, man nani lika Saion ilka ra bara Gâd rayakira tawanka ba lama kat sin balram sa, tânka ba lika, kasbrika purara Jerusalemka ra, bahara insal nani tausin ailal ba ra sin.

Param Marikanka 14:1

Baha ningkara yang kaikri, bara Sîp Luhpia ba Saion ilka ra bûi kan. Witinka wal upla 144,000 bâra kan, bara baha nani ai lal purara Sîp Luhpia nina ba bara ai Aisika nina ba sin ulbi bri kata.