2 Samuil 3:14 - DAWAN BÎLA AISKA

¹⁴ Baha purkara, Debit Is-bóset ra sin maisa papakra nani blikan bara win: “Mical ba mihti ra mangks, mayi ba, witin wal marit takri filisteo nani waitnika wîna taya 100 kum mana.”

2 Samuil 3:14 ပူးပေါင်းရင်းမြစ်များ

2 Samuil 2:10

Is-bóset mahka Israel kingka aimakan ba ra, witin 40 mani bri kan, mani wâl king aimakan. Sakuna Juda kiamka ba Debit ai kingka kulki kan,

2 Samuil 3:15

Bamna Is-bóset adar blikan, Paltiel Lais luhpia Mical wal ai maya kan ba dakbi sakaia;

2 Samuil 6:16

Dawan lâ auhbaia watla ba Debit Tawanka ra brih wan ba ra, Mical, Saúl luhpia mairin ba, windarku biki kaikan; bara Debit lika Dawan mawanra srutwi dans puli kan ba kaikan ba ra, witin dukiara ai kupia ra saura lukan.

Matiu 1:18

Jisas Kraist aisubanka tânka ba naku sa: ai yaptika Meri ba Josep wal marit takaia lâ daukan kan; bara kau wal briras kan piua, Meri ba Spirit Holikira karnika mita kwihra tiwan.

1 Samuil 18:25

Bamna Saúl bui Debit ba filisteo nani mihta ra mangkaia lukanka ba wal, witin nani ra naku aisin: —Man nani Debit ra wis upla ai maya kum briaia mana yabi ba natka baku, yang kau brin ai dauki ba witin wina aikaia, filisteo waitnika nani wîna taya 100 kum, baha wal yang waihli nani ra pana munaia.

1 Samuil 18:27

Debit ai waitnika nani brin, bara wih ki filisteo nani 200 ikan, bara waitna wîna tâ ba sut klaki bri si king ra yan, bara nanara lika sip kan king dapnika takaia. Bara Saúl bui Debit ra ai luhpia mairin Mical ba ai maya yan.

1 Samuil 25:44

Saúl ai luhpia mairin Mical Debit maya kan ba, Paltí ra yan, Lais luhpia, Galim wina kan ba.