2 Samuil 24:6 - DAWAN BÎLA AISKA

⁶ Baha ningkara Galaad ra bara Cadés ra sin wan, hitita nani tawanka ra. Yu wala Dan ra, baha wina ai mawan lakan ba Sidón ra wan.

2 Samuil 24:6 ပူးပေါင်းရင်းမြစ်များ

Blasi Sturka 10:15

Kenan luhpia nani: Sidón ba ai tawahkia kan, muihnika Het sin.

Blasi Sturka 31:21

Bamna witin ai dukia dîa bri kan ba sut brih mahka plapan. Éufrates awala ba pat lui wan, baha wina kau kainara Galaad ilka nani tila kat wan.

Kulki Kaikanka 32:1

Ruben bara Gad wal kiamka nani ba, bîp ailal pali bri kan. Witin nani kaikan Jazer bara Galaad tasbaya ba pain kan bîp sahwaia,

Kulki Kaikanka 32:39

Bara Maquir kiamka nani Manasés luhpia nani ba, Galaad tasbaya ra blikan wih aiklabi pura lui dakbi brin, bara amorreo nani bahara iwi kan kangbi sakan.

Jasua 11:8

Bara Dawan ba Israel luhpia nani mihta ra yan pura luaia, baku ban rausauhki pura lui Sidón bara Misrefot-maim tawanka tara ba kat wan, bara lalma tani Mispá twiya kat upla kumi sin raya swiras kata.

Jasua 19:28

baku ba ra Abdón wal prakan, Rehob, Hamón bara Caná kat, ban Sidón tawanka tara pali ba kat.

Jasua 19:47

Naha tasbaya nani sip alkras kan bamna, Dan kiamka nani ba Lésem tawanka ra wan aiklabi pura luaia, bara dakbi brih ki upla nani bâra kan ba sut ikan. Bara witin nani baha tawanka ra iwan, bara tawanka nina ba Dan mâkan, ai damika ra kulkanka yaia dukiara.

Wihta Nani 1:31

Aser kiamka nani sin Kenan uplika nani Aco ra, Sidón, Ahlab, Aczib, Afec bara Rehob ra iwi kan nani ba, tawanka wina sip kangbi sakras kan, bamna Aser kiamka nani witin nani wal ai tilara ban iwan.