2 Samuil 24:10 - DAWAN BÎLA AISKA

¹⁰ Sakuna upla sut kulki kaikan ba ningkara, Debit lika witin pâtkira ai dara walan bara Dawan ra ai dahra sakan: —Dawan, yang bui man ra puri sunisni. Upla kulki kaikri ba yang saura tara pali daukri, mamkabisni albikam na ban saurka swi tiks, upla sinskas kum baku yang daukri.

2 Samuil 24:10 ပူးပေါင်းရင်းမြစ်များ

2 Samuil 12:13

Debit ba Natán mawan ra win, rait witin saura daukan: —Dawan mapara yang saura daukri. Bara Natán pana witin ra win: —Man saurkam ba dukiara Dawan bui man ra klala maikbia apia, man sin pruma apia.

2 Samuil 24:17

Debit kaikan insal ba upla nani ra siknis yabi kan ba, bara witin Dawan ra winan: —¡Yang sika saura yâri! ¡Yang sika pâtkira sna! ¿Sakuna pâtkas nani na dîa daukan? ¡Man ra mamkabisna klalkam ba yang purira kauhbia bara taiya nani purara sin!

1 King Nani 8:35

“Witin nani mampara saura daukan ba tâka mita lî auhras kabia, bara witin nani naha watla ra bal man ninam ra makabi ai saurka sin dahra sâkbia kaka, ai saurka daukan ba wina kli tawbia, sari sin takbia kaka,

1 Kronikas 21:7

Baha sut takan ba Dawan brin daukras kan, baha mita Israel purara klala blikan.

1 Kronikas 21:8

Sakuna Debit bui Dawan ra ai dahra sakan: —Yang saurka tara kum daukri, sakuna yang bui man ra mamkabisna saurki swih tiks, naha man albikam na yang saura yâri.

2 Kronikas 16:9

Kan Dawan kasak pali kaikisa naha tasba ra dîa taki nani ba, bara sin witin ra bîla kaikanka bri nani ra, tâ baikisa ai kupia aiska ni. Naha kat man saura daukram sinskas baku, baha mita naiwa wina ai kainara war kau karna brima.”

2 Kronikas 32:26

Ban sakuna, Ezequías ba ai kulkanka ba tilara Dawan ra bawan, bara Jerusalem uplika nani sin baku daukan, bara Ezequías kau raya kan yua nani ra lika Dawan ai lawanka ba blikras kan witin nani purara.

Job 7:21

¿Saurki ba ban sip swih tikras sma ki? ¿Watawi daukri ba sip pâtki swih tikras sma ki? Pat pali tasba yamhpuska tilara prawi kamna; ai plikma ba ra, âpu kamna.

Lawana Nani 32:5

Saurki daukri dahra, yang bui man ra param mai wîri; watawi daukri ba, man ra yukukras kupi wal lâ daukri ba, lâ krikanka daukri daihra ba sut man ra sakri, bara Dawan, man, pâtki nani ba sut ban swih tikram.

Impakan Sturka 10:16

Bara king fero Moses bara Eran wal pat pali paiwan balan, bara witin nani ra win: —Yang saura daukri man Dawan Gâdkam mapara bara man nani mampara sin.

Sins Lâka 28:13

Ani uplika ai saurka nani pura biki ba, ai bisniska ba sip yamni takbia apia; sakuna baha nani ai dahra saki si mahka swi ba, saurka swih tikbia.

Oseas 14:2

Man nani lika Dawan ra kli tawi bal, bara naku witin ra puram suns: “Yang nani watawi daukri ba sut ban ai kulkpara, bara man ra mamyuni makabi puri suni banhwisna na, kupiam yamni lâka ra bris.

Joel 2:12

“Sakuna nanara —Dawan naku param pali aisisa—, man nani kupiam brinka aiska kira, kli yang ra tawi bal. ¡Kaiki plun wahwi banhs, kisbi wini banhs, bara sin namkra laya sarikira bal!”

Kulki Kaikanka 12:11

bara witin Moses ra win: “¡Ay, wihtki! Naha saurka yang nani purira sunpara, kan yang nani lika tanis baman sturi aisari, yang nani saura daukri.

Mark 7:22

marit lâka sauhkaia, upla wala dukia brin dauki ba, saura lâka nani, kunin lâka, brinka saura lâka ba, tuman lâka ba, upla nina aisaia, praut lukaia ba, sinskas kaia tânka.

Jan 1:29

Yaprika wala, Jan kaikan Jisas witin ra aula kan, bamna upla nani ra naku win: “Kaiks man nani, naha waitnika aula na sika Gâd Sîpka Luhpia, naha tasba saurka bri saki ba.

Jan 8:9

Sakuna witin nani naha walan ba ra, kumi kumi taki mahka aidruban, almukka nani ba pas tâura taki wan, ningkara wala nani sut, bara Jisas yakan takaskan kan bara mairin ba sin.

Kli Smalkanka 32:6

¿baku Dawan ra aibapaia sma ki? Tawan saura kum sins lâka âpu sma ba, ¿witin ba man aisikam apia, man mai papaskra sin? ¡Witin mai paski rayakam maikan!

Taitus 3:3

Kan yawan pali na sin, pas piua sinskas nani kan bara Gâd bîla sin wali daukras. Yawan na aihka aimawahki tauki kan, bamna wan wîna brinka karna nani bara wan brinka dukia sât sât albika nani kata. Yawan na saurka lâka ra bara tuman lâka ra sin iwi kan upla wala nani mita misbara wan kaiki kan, bara pana yawan mita sin.

1 Jan 1:9

Sakuna Gâd ra wan saurka nani dahra sâkbia kaka, yawan sip sa kasak luki kaia, diara kasak ba witin daukbia; wan saurka nani sut swih tikbia, bara wan watawanka lâka sut ba wina sikbi klin wan sâkbia.

1 Samuil 13:13

Samuil pana win: —¡Man daukram ba lika tanis lâka kum sa! Man Dawan mai win ba bîla kat wali daukram kata kaka, kingkam lâka ba ban kaia ra bûi kaia kan.

1 Samuil 24:5

sakuna baha daukan ningkara, Debit kli ai lukanka ra latwan yan,

1 Samuil 24:6

bara ai uplika nani ra win: —¡Dawan pâtki swih tikbia, dawanki king mapara mihti bukri ba! ¡Âu, witin ba king, Dawan mita witin ra bâk sakan sa!

1 Samuil 26:21

Bara Saúl win: —¡Luhpi Debit, saurki ba lata kaikisni! ¡Yang sinskas kum baku wataukisna, swakwanki ba tara sa! Sakuna kli tawi bal, yang kli saura mai munaia plikamna apia. kan naha yua pali ra mairikisma man bui yang rayaki ba kulkisma.