2 Samuil 23:3 - DAWAN BÎLA AISKA

³ Israel Gâdka ba witin aisin; Israel kan kakahbra ba witin bui yang ra ai win; upla purara kasak lâka ra wihta aimaki ba, “Dawan ra sin sibrin luki wihta aimaki ba,

2 Samuil 23:3 ပူးပေါင်းရင်းမြစ်များ

Blasi Sturka 33:20

Baha ningkara witin bahara altar kum sin paskan, altarka nina ba “Gâd ba Israel Gâdka” mâkan.

2 Samuil 22:32

¿Ya ba Gâd sa, Dawan wina tnaya ra? ¿Dîa gâd wala bâra sa ki wan kan kahbaia?

2 Samuil 8:15

Debit lika Israel luhpia nani sut kingka aimakan bara kasakka lâka, wapni lâka kat daukan upla sut wal.

1 King Nani 10:9

¡Dawan Gâdkam ba yamni pali kabia, witin aitani lukan ba man ba Israel king iwaika ra iwaia! Kan Dawan lika piua bani ra Israel ra latwan kaikisa, bara man ba king mai mangkan sa, lâ wapni bara kasak kat daukaia.”

Nihimaya 5:14

baku sin king mita wihta ai mangki ai blikan ba yua wina Artajerjes pat 20 mani king aimaki kan ba piua ba wina 32 mani alkan ba kat, yang 12 mani muihki nani aikuki, wihta tara pata baku pi kaia hilpka aikan ba wina piras katna.

Job 34:17

Gâd mita kasakka lâka ra misbara kaikbia kaka, witin tasba na wihtka aimakaia sip apia kabia. ¿Nahki man pât ra lakma, upla kum kasak sa kaka?

Lawana Nani 110:2

Saion wina, wapaikam dusa ba, Dawan maikisa baha karnika brisma ba sainka. ¡Waihlam nani ba taibi bas!

Lawana Nani 42:9

Dawan, yang tâiwan aisasara ba ra wisna: “¿Dîa muni âmya ai tiki ai swiram ki? ¿Dîa muni yang na waihli nani mihta ai taiban, bara sari bri watauki kaia sna?”

Lawana Nani 72:1

Man, Gâd, king ra kasakka lâka bara diara wapni daukaia ba yas,

Lawana Nani 72:2

baha wapni daukaia bara kasakka lâka wal ba mita, man uplikam umpira nani ba pura wihta aimakbia.

Impakan Sturka 18:21

Man daukaia sma ba, upla nani tila wina pliki sâks waitna sip nani ba, Gâd sibrinka bri, kunin lâka wal iwras nani ba, ai mana saki briaia natka ra saura dauki pura praki hilp briaia lihkras uplika ba. Bara witin nani kum ra yas upla 1,000 lâka dauki kaia, wala ra upla 100 lâka dauki kaia, wala ra upla 50 lâka dauki kaia, bara wala kum ra upla matawalsip lâka dauki kaia.

Impakan Sturka 20:2

“Yang sika man Dawan Gâdkam, Idsip tasbaya ra alba kapram ba wina mai sakri ba.

Impakan Sturka 3:15

Baha purkara, Gâd sin Moses ra win: —Israel luhpia nani ra wis: ‘Dawan ba man nani damikam nani sut Gâdka ba, Ebraham, Aisak bara Jekob Gâdka ba mita ai blikan sa man nani ra.’ Naha sika yang nini ban kaia ra ba. Naha nina ba wal upla kiamka nani taki ba tilara yang ra luki kabia.

Sins Lâka 31:9

¡Bîlam baikra buks, bara kasakka lâka ba dauks; umpira nani ba tâ baiks bara bawikira nani ba sin!

Aiseya 32:1

Kaiks king kum aimakbia kasak lâka ra ai kingka ba tâ bribia wihta tara nani ba sin lâ wapni kat tâ bribia.

Jirimaya 23:5

Dawan kasak aisisa: “Piua kum balbia bara baha yua yang daukamna witin pali ai kiamka bribia, king kum sins bri lâka ni kasakka lâka ba dauki, wapni lâka ba dauki king aimakbia naha kuntrika ra.

Sakaraya 9:9

¡Liliam pali bas, Saion tawanka! ¡Âmyapah kira aiwans, Jerusalem tawanka! Kingkam man nani ra aula; kasakkira, pura lalura, sakuna bawikira, biriku kum ra uli aula, biriku kum, biriku luhpia ra uli aula.

Kli Smalkanka 32:4

Witin ba wan kan kahbaika sa; ai warkka nani ba wapni sa, ai daukanka nani ba kasak sa. Kasakka lâka Gâdka sa, watawika lâka witin ra âpu sa. Witin ba kasakkira sa, ¡witin lika kasak aihwakira sa!

Hibru Nani 1:8

Sakuna Luhpia ba dukiara lika naku wisa: “Gâd, man king iwaikam ba lika ban kaia ra ban kabia. Man lika kingkam lâka purara, wapni lâka kat king aimakisma.