2 Samuil 23:20 - DAWAN BÎLA AISKA

²⁰ Benaías, Joiadá luhpia, Cabseel tawanka wina, witin daukanka tara manis pali daukan, waitna kum kupia karna sibrinkas kan. Ariel Moab wina ba luhpia waitna wâl ba witin bui ikan. Yu kum sin sno manis kauhi kan, bara witin tasba unta kum ra iwi wih layan kum ikan.

2 Samuil 23:20 ပူးပေါင်းရင်းမြစ်များ

2 Samuil 1:23

“Saúl bara Janatan wal latwankira pali kan, ai rayaka ra bara ai prurika ra sin sip dakwi takras kan. ¡Yakal wal sin kau isti plapi kan! ¡Layan wal sin kau karna kan!

2 Samuil 20:23

Joab ba Israel luhpia nani sut war aiklaklabra nani ba wihtka ban kan, bara Benaías, Joiadá luhpia waitna ba, quereteo nani bara Pélet uplika nani suldiarka nani ba wihtka mangkan.

2 Samuil 23:19

bara witin kau kulkanka tara brin 30 nani ba purara, baku witin nani wihtka aimakan. Sakuna tâura yumhpa tara kulkan ba aikuki baku lika kulkras.

2 Samuil 23:21

Idsip waitnika kum ra sin ikan, witin waitna tara yari pâwan kan, ai langsika ai mihta ra brih auya kan: Benaías bui dus kum ni pruki bataki, langsika ba mihta dakbi, bara langsika ba ni ikan.

2 Samuil 23:22

Joiadá luhpia Benaías daukanka ba, baha nani 30 aiklaklabra kau pain nani ba tilara kulkanka yan;

2 Samuil 8:18

Benaías, Joiadá luhpia ba, quereteo nani bara Pélet uplika nani suldiarka wihtka kan. Debit luhpia waitna nani ba lika prîs nani kan.

1 King Nani 1:26

Ban sakuna, baha paiwanka ra paiwras ba lika albikam yang, prîs Sadoc, Joiadá luhpia waitna Benaías, bara albikam Salaman king tara luhpia ba sin.

1 King Nani 1:38

Ningkara iwi wih banhwan prîs Sadoc, prapit Natán, Joiadá luhpia waitna Benaías, bara quereteo nani bara Pélet uplika nani bui Salaman ba king Debit muyulka ra suni Guihón ra brih wan.

1 King Nani 1:8

Ban sakuna, prîs Sadoc bara Benaías Joiadá luhpia waitna ba, prapit Natán, Simí bara king bui tara kulki kan waitnika ba sin, Debit suldiarka aiklaklabra pain nani ba sin, Adonías aisi ba wal waras kata.

1 King Nani 2:46

Baha ningkara Joiadá luhpia Benaías ba blikan wan bara Simí ra sabi ikan. Baku king lâka ba Salaman mihta ra baku ban kaia lâka ra wan.

1 Kronikas 12:8

Baku sin Gad kiamka wina kum kum Debit tnaya ra tawi wan, upla iwras tasbaya ra kan kahbaika pliska ba ra. Baha nani ba war uplika kan, war dukia sâtka nani bri kan ai kaina kahbaika bara langsa sin. Mawan nani ba layan mawan baku kan, witin nani sîa sula baku il nani bâk plapi kan.

1 Kronikas 18:17

bara Benaías, Joiadá luhpia ba, quereteo nani bara Pélet uplika nani purara karnika alki kata. Debit luhpia nani ba lika ai dukia dadaukra tara pali nani kan.

Impakan Sturka 15:15

Kiaptin nani Edom ra ba wingka prahni taki kabia; Moab ra wihta nani ba sibrin tara dauki tatatwi kabia, bara Kenan uplika nani kupia karnakira ba sin, lap tiwan kabia.

Jasua 15:21

Tawanka nani yan kan ba lika, waupasa tani tasbaya nani ba, Edom piarkika tani ra, baha nani ba naha nani kata: Cabseel, Éder, Jagur,