2 Samuil 22:28 - DAWAN BÎLA AISKA

²⁸ Bawikira nani ba man swaki sakisma, prautkira nani ba swira paskisma.

2 Samuil 22:28 ပူးပေါင်းရင်းမြစ်များ

Lawana Nani 12:5

Dawan naha aisin: “Umpira nani ra, swapni nani ra sin taibisa, witin nani ai tâka baha nani pât wahwisa. Baha mita, nanara yang buaisna. Yang bui witin nani ba tâ baikamna, wihka bîli kaiki ba.”

Lawana Nani 131:1

Dawan, yang kupi ra praut lukras sna, naikra nani ai sin pura luan daukras, diara tara aihkakira nani ninara sin yang waras, baha yang sip alkras sna ba.

Lawana Nani 138:6

Dawan ba lika purara sa, ban sakuna bawikira uplika kat kaikisa; kuna pura luan dauki nani ra lika laih wina kaikisa.

Lawana Nani 140:12

Yang kaikisni, Dawan bui upla umpira nani ba kasak wapni daukisa, bara sari bri uplika nani raitka ba tâ baikisa.

Impakan Sturka 10:3

Moses bara Eran wal king fero kaikaia wan, bara witin ra win: —Dawan Hibru nani Gâdka ba naku wisa: ‘¿Man ahkia kat yang ra ban ai wi kaisma, yang bui man ra bawaia apia? Upliki nani ba swis taki wabia bara yang ra nini mayunbia.

Impakan Sturka 18:11

kulkanka lâka âpu saura mai muni kan ba. Nanara yang kaikisna, Dawan ba gâd wala nani sut ba wal kau kanra tara sa.

Sins Lâka 21:4

Ai nakra ni praut kaiki ba ai kupia lukra tara sa luki ba, upla watawikira ingnika ba sut, saurka lâka sika.

Aiseya 2:17

Witin nani baman sa luki purara uli wan nani ba mâya pali kat batakan kabia. Baha yua ra Dawan mita, witin baman purara ba tânka marikbia,

Aiseya 37:23

¿Ya ninara saura aisi lawaska kikram? ¿Baku sin ya mapara bîlam karna saki aisaram bara Israel sunukira Gâdka mapara namkra nani ba pura kat bukram?

Aiseya 5:15

Upla nani ai mâya kat bataki swira daukbia, waitna kupia ba kriwan kabia, upla tara papulra nani ba ai nakra nani ba mâyara alahbia.

Aiseya 63:9

ai sarka nani sut tila wina. Witin mita bâk saki blikan, uplika mita swaki sakras; Dawan ba ai karnika ni swaki sakan. Witin mita pri sakan, ai latwanka lâka bara umpira kaikan lâka ba ai klahkla ra brih buki banhwan piu bani baku baman daukisa.

Daniel 4:37

“Bara nanara, yang Nabucodonosor, mayunra yabisna, tara kulkisna bara mayunra kulkan yabisni kasbrika purara ba kingka ra, kan witin diara sut dauki ba wapni bara kasakka lâka kat sa, bara baha nani tara sa luki ba, mâyara batakaia sip pali sa.”

Matiu 5:3

“Lilia pali sa wan sulka dukia brin dauki nani ba, kan king lâka kasbrika purara ba wina witin nani ai dukia bamna.

Luk 14:11

Kan ya tara kaia lukbia ba, mâyara tawbia, bara ya mâyara ba, tara kulkan kabia.