2 Samuil 22:11 - DAWAN BÎLA AISKA

¹¹ Kirubin kum ra uli pâlan; pâsa tnawa purara uli kan kaikan.

2 Samuil 22:11 ပူးပေါင်းရင်းမြစ်များ

Blasi Sturka 3:24

Witin mita upla ba kangbi sakan, bara giadin lalma tani ra kirubin nani tnawa bri ba ra swin. Pauta klauhi isparka kum, tnaya bani ra namhpa namhpa tawi ba sin bâra swin, raya kaia dusa ra waia yabalka ba aihwaki kaiki kaia, upla kli bâra wih dimbia apia dukiara.

2 Samuil 6:2

Juda tasbaya Baalá wina, witin nani ai daknika aiska buan, Gâd lâka auhbaia watla ba saki brih waia, Dawan karnika sut pali bri ba nina ra ai pura suni ba, kirubin nani purara ai kingka lâka bri ba.

Lawana Nani 104:3

¡Man wamtla playka nani ba, lî purara bapram sa, laih pura pali ba ra! Kasbrika ba man waginkam daukram; man pâsa tnawa purara impaki taukisma.

Lawana Nani 139:9

yang tit bûi lalma tani ra pâlamna kaka, apia kaka muna kabuka ra wih iwamna.

Lawana Nani 18:10

Bara witin kirubin kum ra ulan bara pâlan; pâsa tnawa nani bâk, witin impaki kata.

Lawana Nani 68:17

Dawan ba, aiklabaia waginka nani milian nani brisa; Sainai wina bahara uli balan ai tempelka ra.

Lawana Nani 80:1

Israel sepadka, Josep ra, sîpkam daknika baku tâ brih was, man kirubin purara iwaikam brisma ba, ¡wan wals! Man namkra yamni wal Efraín ra kaiks,

Lawana Nani 99:1

¡Dawan ba king sa! ¡Witin ai iwaika ba kirubin nani purara brisa! Nisan nani ba tatatwi kabia, tasba aiska ba sin.

Impakan Sturka 25:19

Pura bikaika ba bara insal nani ba sut pîs kumi daukan kaia sa, bara insal kum ba pura bika tâ kum ra swiaia sa, bara wala ba pura bila tâ wala ra,

Isikiel 9:3

Bara Ningkara Israel Gâdka prana tara ba kirubin nani ba pura kat uli wan, baha nani bâra kata ba kat, baha wina tempel dimaika ba kat wan. Bara Dawan waitna ba ra winan kwalka dimi kata ra, ai maisa ra ulbaia dukia nani bri kata ba.

Hibru Nani 1:14

Ban kaka, ¿insal nani ba dîa sa? Witin nani sut ba lika spirit sa, bara Gâd warkka daukisa, bara witin mita baha nani ba ani uplika nani swaki sakan lâka briaia ba ra, hilp munaia blikisa.

1 Samuil 4:4

Baku aisi aiklaklabra daknika kum saki Siló ra blikan, bara Dawan karnika sut bri ba lâka auhban watla ba bri balan, witinka kirubin nani purara ai iwaika bri ba. Elí luhpia nani wâl ba, Hofní bara Finees Dawan lâka auhbaika watla aikuki brih wan.