2 Samuil 20:23 - DAWAN BÎLA AISKA

²³ Joab ba Israel luhpia nani sut war aiklaklabra nani ba wihtka ban kan, bara Benaías, Joiadá luhpia waitna ba, quereteo nani bara Pélet uplika nani suldiarka nani ba wihtka mangkan.

2 Samuil 20:23 ပူးပေါင်းရင်းမြစ်များ

2 Samuil 20:7

King suldiarka nani Joab tâ baikan ba, quereteo nani bara Pélet uplika nani wina ba sut bara suldiar wala nani kau aiklaklabra pain nani ba sin, Jerusalem wina taki wan, Abisai wal, Sebá nina blikaia dukiara.

2 Samuil 23:20

Benaías, Joiadá luhpia, Cabseel tawanka wina, witin daukanka tara manis pali daukan, waitna kum kupia karna sibrinkas kan. Ariel Moab wina ba luhpia waitna wâl ba witin bui ikan. Yu kum sin sno manis kauhi kan, bara witin tasba unta kum ra iwi wih layan kum ikan.

2 Samuil 8:15

Debit lika Israel luhpia nani sut kingka aimakan bara kasakka lâka, wapni lâka kat daukan upla sut wal.

1 King Nani 1:7

Bamna lika Joab Seruiá luhpia waitna ba wal bara prîs Abiatar wal sin pat lâ kum daukan kan, baha nani mita sin Adonías ra hilp muni kan.

1 King Nani 1:8

Ban sakuna, prîs Sadoc bara Benaías Joiadá luhpia waitna ba, prapit Natán, Simí bara king bui tara kulki kan waitnika ba sin, Debit suldiarka aiklaklabra pain nani ba sin, Adonías aisi ba wal waras kata.

1 King Nani 4:1

Bamna Salaman lika Israel aiska kingka aimakan.

2 King Nani 11:4

Bara 7 mani alkan ba ra, Joiadá mita aiklaklabra lalka nani, bara quereteo nani bara aiklaklabra daknika nani sin paiwan balan, bara Dawan tempelka ra yaban diman, witin bâra kan ba kat. Bahara witin nani wal aisi lâ dauki swer takan, bara king luhpia waitna Joás ba upla nani ra marikan.