2 Samuil 20:15 - DAWAN BÎLA AISKA

¹⁵ Joab uplika nani Abel-bet-maacá ra wan ba ra, tawan lata tani ra tasba watla nani mâkan, baha wina tawan ba sauhkaia, bara ningkara bakahnu wark takan kutbanka ba batakaia dukiara.

2 Samuil 20:15 ပူးပေါင်းရင်းမြစ်များ

2 Samuil 20:14

Sebá lika Israel kiamka nani sut bâk lui wan, ban Abel-bet-maacá kat balan, bara Bicrí kiamka nani sut sin asla taki witin nina bliki tawan ra diman.

1 King Nani 15:20

Bamna Ben-hadad, king Asá aisinka ba aitani lukan; bara war wihtka nani ba Israel luhpia nani mapara aiklabaia blikan wan. Bara Iión, Dan, Abel-bet-maacá bara Quinéret aiska bara Neftalí tasbaya aiska ba pura luan.

2 King Nani 15:29

Pécah Israel kingka kan piua ra, Tiglat-piléser Asiria kingka ba balan, bara Iión, Abel-bet-maacá, Janóah, Quedes, Hasor, Galaad, Galili, bara Neftalí tasbaya aiska ba dakbi brin, bara uplika nani ba Asiria ra alki alba lâka ra brih wan.

2 King Nani 19:32

‘‘Bahamna, Dawan mita naku wisa Asiria kingka ba dukiara: ‘Jerusalem ra sip dimbia apia, trisba kumi sin mangki lulkbia apia, witin ai mapara ai lama praki aiklabaia dukia ni aiklabia apia, ba purkara sin ai yukuwaika sip mangkbia apia.

Smasmalkra 9:14

Tawan sirpi kum, upla kulki man iwi ba, king karnakira kum mita, war daukbia ai tnaya kir ba aiklabaia masinka ni kutbia.

Aiseya 37:33

“Bahamna, Dawan mita naku wisa Asiria kingka ba dukiara: ‘Jerusalem ra sip pali dimbia apia, bara sip sin trisba kumi sin mangki lulkbia apia, baku sin witin ai mapara, ai lama prâka aiklabaia dukia kan kahbaika wal sin sip balbia apia, ba purkara sin ai yukuwaika sip sâkbia apia.

Jirimaya 32:24

‘Bara Caldea uplika nani balan tawanka kir ba kutban witin nani mapara aiklabaia, aiklabi kan ba mita, plun wahwan siknis nani ba mita, tawan ba waihla nani aiklabi ba mihta ra kauhaia kan. Dawan, man mita dîa takaia wiram ba baku takan ba kaikisma.

Jirimaya 33:4

Yang, Dawan, Israel Gâdka, maisa pakaia sturka kum brisna Jerusalem watla nani ba dukiara, Juda kingka watla nani ba slingban kabia ba wiaia. Caldea uplika nani balan witin nani wal aiklabaia kutbi bri ba mapara aiklabaia ai sordka nani bri taki wabia, sakuna sut, pruaia baman wabia. Yang kupi baiwan pali ra witin nani ba pruaia daukamni, kan maiwan witin nani ra kaikras kamna baha tawanka watawika ailal pali daukan bamna.

Jirimaya 6:6

Karnika sut bri Dawanka ba win naku daukaia: “¡Man nani dus nani ba klaki baps, kainam kahbaika dauks Jerusalem mapara aiklabaia! Tawanka ba pât ra lakan sa klala yabia taiban lâka ni banhwan bamna.

Isikiel 4:2

Baha ningkara aiklaklabra daknika tara aiklabaia dukia bri ba dauks, bara baha nani kaina kir ba tawan kutbanka ba dauks, upla nani uli iwaika ba sin, bara baku witin nani kaikbia tawan kum ra kutbi bri ba.

Luk 19:43

Bamna piua saura nani man ra balbia, bara man waihlam nani mita tnamya kir kutbanka daukbia; witin nani sin tnamya bani wina bal taki mai alkbia,