2 Samuil 2:6 - DAWAN BÎLA AISKA

⁶ Bamna Dawan sin kasak lukan, kupia yamni lâka ni ai yamnika maikbia baha sut yamnika dukiara. Bamna yang sin man nani ra pain mai lukisna.

2 Samuil 2:6 ပူးပေါင်းရင်းမြစ်များ

2 Samuil 10:2

Bamna king Debit lukan, witin Nahas ra sin yamni munaia, papika mita witin ra yamni munan yamnika ba baku. Tila wihta tara nani ba blikan Hanún ra waia, aisika pruan dukiara sarka maisa nihkra lakula ba yaia. Sakuna Debit wihtka tara nani ba Amón uplika nani kuntrika ra wan ba ra,

2 Samuil 15:20

Man nahwala kat nâra balram, ¿bara nahki yang bui man ra mamkabamna naiwa yawan aikuki waia, yang pali sin anira auna sapa kaikras sna na? Bahamna man ra kanra yamni sa kli tawi waia, bara uplikam nani sin man wal. Dawan yamni mai munbia, man wal sin ban wabia.

2 Samuil 2:7

Sakuna nanara man nani kupiam bri bas, karna bas. Saúl dawankam pruan sakuna, Juda kiamka bui yang na man nani kingkam ai mangkan.”

2 Samuil 9:3

King bui witin ra makabi walan: —¿Saúl kiamka kum kau bâra sa ki, Gâd nina ra witin ai dukiara yang diara kum daukaia? Sibá pana win: —Âu, Janatan luhpia kum kau bâra sa mina wâl skahwa.

2 Samuil 9:7

Debit bui witin ra win: —Si bripara, yang bui man ra yamni mai munaisna, papikam Janatan ra luki. Daukaia sna ba damikam Saúl tasbaya nani kan ba sut kli laki maikaia, bara man lika yang tibilki ra ban kaia ra plun pi kaia.

Lawana Nani 57:3

Witin mita, kasbrika pura ba wina ai latwanka lâka, bara ai kasakka lâka ba blîkbia. Bara swaki ai sâkbia rau ai sauhkaia nini bliki banhwi nani ba wina.

Impakan Sturka 34:6

Moses mawanku lui, ai bîla baikra tara buki win: —¡Dawan ba! ¡Dawan ba! ¡Gâd kupia swapni umpira kaiki ba, ai kupia alki takaski, latwan kaikaia lâka tara bara kasakka lâka sin bri ba!

Sins Lâka 14:22

Ya nani saura daukaia pliki ba, yabal ba tikisa; ya nani yamni daukaia pliki ba, latwan lâka bara diara daukaia luki ba, witin dukia sa.

Matiu 10:16

“¡Kaiks! Yang bui man nani ba sîp baku mai blikisna yul wail nani tilara. Baku bamna, piuta nani baku sinskam ba bri bas, sakuna upla ra saura munras butku nani baku.

Matiu 5:44

Sakuna, nanara yang mai wisna: Waihlam nani ra latwan kaiki bas bara rau mai sauhki nani dukiara sin puram suns.

Matiu 5:7

“Lilia pali sa upla wala ra umpira kaiki nani ba, Gâd sin witin nani ra umpira kaikbia bamna.

Jasua 2:14

Bara waitna nani ba pana witin ra win: —Yang nani rayaki pali ni man nani rayakam pali ba dukiara aisamna, yang nani nâra balri na dukiara man bîlam wina upla wala ra aisaras pali kama kaka. Dawan naha tasbaya na yang nani ra aikbia ba ra, kasak lukanka ba praiska wal, kunin âpu lâka ra yang nani bui man ra yamni mai munamna.

Rut 1:8

sakuna Noemí witin nani aikuki yabal ra auya kan ba ra, naku win: —Man nani kumi bani, kli tawi yaptikam watla ra was. Dawan ai yamnika maikbia, man nani mayam prahki nani ra bara yang ra sin yamni ai munram ba baku.