Absalón muyul kum ra uli auya kan, Debit suliarka mawan kat pah takan. Muyulka ba plapi usupum dusa tara munhtak wih diman, bara Absalón tâwa ba dus tnawa ra blakan bara pâsa ra bahara aipami kan, muyulka lika plapi taki laihura wan.
Wala nani lika Afec tawanka ra plapi banhwan, sakuna tawan kutban nani ba wina 27,000 aiklaklabra purara kauhan. Ben-hadad sin tawan ra plapi bal bahara yukuwi kan, utla kumi wina utla wala ra yukuwi tauki kan.
Amorreo nani ba Bet-horón ra plapi auya kan taim, Israel luhpia nani sîa plapi kan ba ra, Dawan ba witin nani purara ais klaswan baku yakaban, bara amorreo nani kau ailal pruan Israel luhpia nani sordka ra pruan ba wal.