2 Samuil 18:17 - DAWAN BÎLA AISKA

¹⁷ Unta tara wina Absalón wîna ba saki brin, bara unta pakni kum bâra kan ba baha ra mangkan bara walpa tara nani ni purara paskan. Baha ningkara, Israel luhpia nani sut ai watla ra plapan.

2 Samuil 18:17 ပူးပေါင်းရင်းမြစ်များ

2 Samuil 19:5

Joab king watla ra wan, bara witin ra win: —King tara ba ai warkka dadaukra nani ra swira daukisa, naiwa yua witin nani mita king tara luhpia waitna nani ba, luhpia mairin nani ba, maya nani bara lila mairin nani ba sut swaki sakan sakuna.

2 Samuil 19:8

Bamna king ba buan, bara tawan getka ra wih iwan. Upla nani baha walan king ba get ra wih iwan sa, witin nani sut wan ai mawanra buaia. Israel luhpia nani ba lika witin nani sut ai watla nani ra plapan.

2 Samuil 19:9

Bara Israel kiamka nani sut ai tilara aisi blahwi kan: “King Debit ba wan waihla nani kingka lâka wina pri wan saki kan, filisteo nani mihta wina sin; ban sakuna, Absalón daukanka sîa lika kuntri ba swi plapaia kan.

2 Samuil 20:1

Benjamín kiamka wina watawikira kum, nina Sebá bara Bicrí luhpia waitna, Guilgal ra bâra kan. Witin tawan ra maisa pakan war bukaia, bara naku witin aisi kan: “¡Jesé luhpia Debit wal yawan diara briras, wan prapatika sin âpu! ¡Bamna Israel luhpia nani sut wamtla ra was!”

2 Samuil 20:22

Baha ningkara mairin ba wan, bara ai âuya mâira lâka ba wal tawan uplika sut kupia alkan ba ra, witin nani Sebá lal dakbi, Joab ra lulkan. Bara Joab win trumpit ba puhban bara tawan ba wina taki wan, kumi bani ai watla ra; Joab lika Jerusalem ra kli tawi wan king wal aisaia.

2 King Nani 14:12

Bara Juda ba Israel mawanra kauhan, bara kumi bani ai watla nani ra plapi wan.

2 King Nani 8:21

Bamna Joram ba Saír ra war aiklabaia wan war waginka nani sut bri ba wal, bara tihmia ra witin bara wagin nani kiaptinka nani bûi muni Edom aiklaklabrika nani wal aiklaban, bara yan plapi banhwata.

Sins Lâka 10:7

Upla kasakkira ba yamni lâka wal kupia kraukisa, rugkira ba, isti pali âuya tiwisa.

Kli Smalkanka 21:20

bara wibia: ‘Wan luhpia nani na wan bîla walras diara sut ra; lâka saura, bla baman sa.’

Kli Smalkanka 21:21

Baku sa kaka, tawan waitnika sut mita walpa ni sabi ikbia. Baku lika man nani tawankam ra saurka lâka bâra ba âpu kabia, bara Israel uplika baha wali bara si bribia.

Jasua 10:27

Bara baku yu lapta ba tutni taki ban ba ra, Jasua upla blikan dus ra paman ba wina alahbaia, bara kli sin tasba untika ra yukuwata ba ra dingki swin. Ningkara walpa nani wal dimaika kata prakan, bara naiwa kat kau ban bâra sa.

Jasua 7:26

Angkan ba ningkara, witin yamhpuska ba purara walpa nani ailal paski swin. Baha walpaya paskanka tara ba, naiwa kat ban bâra sa. Baha tâwan baha ilka bîla ba nina mâkan Acor. Baku daukan ba kat, Dawan kupia baiwanka ba Israel luhpia nani mapara lamni takan.

Jasua 8:29

Witin sin adar yaban Ai kingka ba dus purara pami langki swiaia tutni kat. Yu diman ra witin kli adar yaban bara witin nani wan bara wîna tara ba saki tawan getka lamara bri balan, bara witin nani walpa tara nani bri sal wîna tara ba purara paski biki swin. Baha walpaya pura paskanka ba naiwa kat ban bâra sa.

1 Samuil 4:10

Bara baku filisteo nani Israel luhpia nani aikuki aiklabi pura luan, witin nani plapi ai kiampka ra wan. Baha yua ra Israel luhpia nani ra kasak ailal ikan, 30,000 waitna aiklaklabra nani kan ba ikan.