2 Samuil 18:14 - DAWAN BÎLA AISKA

¹⁴ Joab pana witin ra win: —Yang lika man wal kau taimki tikaia apia sna. Bamna witin langsa yumhpa brin, bara yumhpika sut Absalón kupia kat saban, witin kau raya kan usupum dusa ra aipami.

2 Samuil 18:14 ပူးပေါင်းရင်းမြစ်များ

2 Samuil 12:10

Baku man bui bahki ai kulkram bamna, Urías hitita maya ba, man mayam briram bamna, man wamtla wina lâ krikanka ba taki wabia apia ban kaia ra.

2 Samuil 14:30

Bara Absalón ai napakanka nani ra adar yan: —Man nani was, Joab nasla ba sika yang naisla wal lamara sa, barli mâ mangkan pâwisa; man nani was bara pauta ni angks lubia. Napakanka nani wan bara Joab nasla angkan.

2 Samuil 18:15

Tisku kan, Joab suliarka wina matawalsip balan, witin ba kutbi brin bara ikan.

2 Samuil 18:5

Baha purkara, king ba Joab ra, Abisai bara Itai ra sin win, witin ai kulkanka ra luki, wahma Absalón ba dukiara tânka pain laki kaiki kabia, aiklaklabra nani sut ba wali kan, king ba wihta tara nani ra Absalón dukiara adar yan ba.

2 Samuil 19:1

Upla nani ba ai dara walan king sari bri ini kan ba, ai luhpia Absalón pruan ba pura mata, bamna witin nani wan bara Joab ra win. Baku bamna baha pura luan yua ba, sari lâka ra tawan.

2 Samuil 19:11

Israel luhpia nani sut baha aisi kaikanka ba, king Debit watla kat brih wan. Bara witin bîla kum ulbi blikan, prîs nani Sadoc bara Abiatar wal ra, bara witin nani ra win: “Juda almukka nani wal man nani aisas, bara witin nani ra makabi wals, dîa muni witin nani ban takaskisa, mahka aisi daukras bara yang kli king watla ra waia;

Job 20:5

upla watawikira liliaka ba, piu prahni baman sa; ai âuyapah lâka ba minit lupia kumi baman sa.

Lawana Nani 37:35

Yang bui upla watawikira ba kaikri praut lâka ni banhwan pali kan, dus tara kum pâwan bara tnawa wahia nani palwan ba baku kata;

Lawana Nani 45:5

Upla ailalka ba minam mununhtara kauhisa; king, trisbaikam ba tatwa pali sa, upla kupia kat sabisa, man waihlam nani kupia kat.

Matiu 12:40

Inska tara biara ra Jona yu yumhpa bara tihmia yumhpa kan ba baku, Upla Luhpia Waitna ba sin yu yumhpa bara tihmia yumhpa tasba biara ra kabia.

1 Tesalonaika 5:3

Upla nani bila “Diara sut ba sâpkira bara trabil kumi sin âpu sa” aisi kabia ba ra, bâra mika ban wina sauhki tikaia lâka ba witin nani purara balbia. Baha ba lika sim mairin kwihra aisubaia piua aimakan latwanka nani bri ba baku kabia; bara witin nani sip swak takbia apia.

Wihta Nani 4:21

Sísara swapan pali kan bamna, taih iwi yapan pruan baku prais. Bara Jael witin bûi muni wih amar tara kum brin, tint watla playka tasba ra bapi dusa ba kum, bara witin bin daukras pali Sísara lama kat dimi, dusa ba ni lal ba tasba kat sabi dingki iki ba kat swin. Bara Sísara baku pruan baha yua ra.

Wihta Nani 5:26

Witin yapi kan ba ra, tint watla mâkaia playka ba Jael ai smihka ra alkan, bara amar tara ba sin ai mihta aihkika ra brin, bara Sísara lal kat prukan lal dusa ba klauhbi dusa ba tasba kat diman.

Wihta Nani 5:31

“¡Dawan, man waihlam nani sut ba, yarka baku sauhki tikan kabia, bara baha nani latwan mai kaiki nani ba, yu lapta ai karnika aiska ingwi ba baku ingwi kabia!” Baha ningkara witin nani mani 40 kupia kumi bara lamni lâka ra iwi kan.