2 Samuil 17:17 - DAWAN BÎLA AISKA

¹⁷ Janatan bara Ahimaas wal En-roguel ra wih yukuwi kan, tawan ra sip dimras kan bamna, bara wark tatakra mairin kum wih sturka ba witin nani ra win, baha walan ba wal witin nani mahka taki wan, Debit ra wih sturka ba wiaia.

2 Samuil 17:17 ပူးပေါင်းရင်းမြစ်များ

2 Samuil 15:27

King ba Sadoc prîs ra win: —Wals, man, Abiatar luhpiam nani wâl ba kira, âmyapah kli tawan ra was. Man luhpiam Ahimaas wal, bara Abiatar ai luhpia Janatan wal.

2 Samuil 15:35

kan bahara lika prîs Sadoc bara Abiatar sin brisma. Baku bamna, piua bani king watla wina dîa walisma ba sturka ba sut, witin nani ra aisi bas.

2 Samuil 15:36

Ai luhpia nani Ahimaas bara Janatan sin bâra sa, witin nani bâk bîla bliki bas bara dîa taki ba sut ai wi bas.

1 King Nani 1:42

Witin kau aisi ba ra, Janatan prîs Abiatar luhpia waitna ba balan, baha ra Adonías bui win: —Bal dims, man ba waitna tara mai kulkan sa, bara ban kra sturi raya nani brih aulma kaia sa.

1 King Nani 1:9

Bara baha yua nani ra, Adonías lika pata tara daukan, bara sîp nani, bîp nani bara daiwan batanira nani sut ikan Zohélet walpaya lamara, baha ba Roguel tingnika lamara sa. Bara paiwan ai muihni king luhpia nani ba, baku sin Juda waitnika nani, bara king albika nani ba sut sin paiwan.

Jasua 15:7

ningkara Acor ilka biara bâk uli wata, Debir ra bara Guilgal tani bâk tawi balata Adumim mawanra, tingnika ba waupasa tani ra; baha ningkara piarkika ba En-semes ra tingni bâra bâk lui, En-roguel kat wi kata.

Jasua 18:16

Baha wina tâ wala auya ba, Ben-hinom untika mawanra, Refaim langnika yahbra tani kat. Ningkara Hinom langnika kat iwi kan, Jebús albangka waupasa bâk lui muni, bara ban En-roguel laya aubi ba kat wi kata.