2 Samuil 17:10 - DAWAN BÎLA AISKA

¹⁰ bara uplikam nani kau tahplu ba, layan wal sin kau praut ba sut kupia klip dasbia; kan Israel aiska kaikisa papikam ai uplika nani ba aikuki, tahplu kupia karnikira sa.

2 Samuil 17:10 ပူးပေါင်းရင်းမြစ်များ

Blasi Sturka 49:9

Juda, man, yang luhpi. Man ba layan luhpia kum ai daiwra ikan ba pi si, ai lal makupi bara bawi ba baku sma, layan tara bawi ba baku. ¿Bara ya sin witin ra munka mahka bubia?

2 Samuil 1:23

“Saúl bara Janatan wal latwankira pali kan, ai rayaka ra bara ai prurika ra sin sip dakwi takras kan. ¡Yakal wal sin kau isti plapi kan! ¡Layan wal sin kau karna kan!

2 Samuil 17:9

Nanara pali pat walpa unta kum ra yukuwisa, apia kaka yukuwaika wala kum ra sa. Tnaya wala ra kaikma ba ra, man nani wal nan prawma ba ra, uplikam nani ra pat ikan sturka walbia kaka, tawan ba lukbia uplikam nani ra pat pura luan,

2 Samuil 23:20

Benaías, Joiadá luhpia, Cabseel tawanka wina, witin daukanka tara manis pali daukan, waitna kum kupia karna sibrinkas kan. Ariel Moab wina ba luhpia waitna wâl ba witin bui ikan. Yu kum sin sno manis kauhi kan, bara witin tasba unta kum ra iwi wih layan kum ikan.

Lawana Nani 89:19

Aima wala ra diara aihka kaikram ba aisaram, bara nampakan kasakkira nani ra wiram: “Yang upliki tila wina kupia karnakira kum bâk saki briri purara bukri bara hilp munri.

Impakan Sturka 15:15

Kiaptin nani Edom ra ba wingka prahni taki kabia; Moab ra wihta nani ba sibrin tara dauki tatatwi kabia, bara Kenan uplika nani kupia karnakira ba sin, lap tiwan kabia.

Sins Lâka 28:1

Watawikira ba plapisa upla ai nina blikras kabia sin, kuna kasakkira nani ba, layan baku sibrin luha bâra sa.

Yamni Kulki Lawana 3:7

¡Baha ba Salaman brih twilki ba waginka sa! Kaiks, Salaman aula, ai suldiarka aiklaklabra nani, Israel wina kau kupia karna nani ba tila wina, waitna 60 ai kaina kir kutbi brih aula sa.

Aiseya 13:7

Baha ra upla sut klahkla karnika âpu takbia, upla kupia bani ba sin dring swapbia.

Aiseya 19:1

Idsip mapara dahra aisin ba: Man nani kaiks Dawan ba kasbrika karna plapi ba kum ra uli: Witin Idsip ra aula. Idsip aidulka nani sut witin ai mawanra tatatwisa, Idsip uplika nani ba, kupia dring sirang sa, ai tila kat.

Isikiel 21:15

Witin sibrin lâka ni banhbia, manis pali ra rausauhkan kabia. Ai watla nani ra sord âikra ba mangkri sa. ¡Sordka ba klaki wapni daukan, imyula baku lipaia, iki tikaia dukiara mala daukan!

Kli Smalkanka 1:28

¿Nanara, yawan na anira waia? Wan tasbaya luhpia nani wan wisa baha tasbaya ra waitna kau karnakira nani bâra sa, witin nani sin kau yari yawan wal; tasbaya nani kir ba tawan tara nani bâra sa, baha sin purara pali kutban sa. Upla nani yari tara Anac kiamka ba sin kaikan bâra sa. Bara baha sut mita yawan sibrin wan kupia lap tiwan.’

Hibru Nani 11:34

pauta klauhan karna klauhi kan nani ba daskan, sord ni iki kan ba wina swak takan. Swapni nani ba karna takan; war ra karnakira nani kan, bara ai waihla nani war suliarka daknika nani ba pura luan.

1 Samuil 16:18

Bara albika nani tila ba wina kum bui naku win: —Betlehem ra, Jesé luhpia waitna nani ba tilara kum bâra sa, yang kaikisna baha lika arp kakangbra pali sa. Baha purkara, war aiklaklabra kum kupia karna sa, sturi sin sinskira aisisa, mawan pain, witin sin Dawan hilpka brisa.

1 Samuil 18:17

Yu kum Saúl bui Debit ra win: —Merab luhpi mairin almukka ba man mayam maikaisna, sakuna naha pramiska wal: Yang aiklaklabriki kum kupiam karna kama bara Dawan warka nani ba sin aiklabi kama. Saúl ai kupia ra lukan, baku witin pali mita lika Debit ba ikbia apia, sakuna yaka filisteo nani mita ikan kabia.