2 Samuil 15:10 - DAWAN BÎLA AISKA

¹⁰ Sakuna baha pali piua ra, Israel kiamka nani sut ra wih wiaia upla bîla twatwilkra nani pat sakan kan. Baha nani ra win, trumpit ba witin nani nan walbia ba ra, pana pana aisabia Absalón pat king mangkan Hebrón ra.

2 Samuil 15:10 ပူးပေါင်းရင်းမြစ်များ

2 Samuil 13:28

bara ai albika nani ra adar yan kan: “Amnón ba aman pali kaiki bas, wain ba di lilia pali takbia ba ra yang bui man nani ra mai wimna, bara man nani bui witin ba iks. Man nani baha daukaia si bripara, baha yang adarki nani sa, bahamna man nani kupiam wilinkira bara karna bris.”

2 Samuil 14:30

Bara Absalón ai napakanka nani ra adar yan: —Man nani was, Joab nasla ba sika yang naisla wal lamara sa, barli mâ mangkan pâwisa; man nani was bara pauta ni angks lubia. Napakanka nani wan bara Joab nasla angkan.

2 Samuil 15:9

King pana witin ra win: —Man kupiam kumi wal was. Bamna Absalón Hebrón ra wan.

2 Samuil 19:10

Absalón ba yawan yamni muni wan kingka mangkata ba, nanara witin war ra pruan. ¿Yawan dîa bîla kaikisa? ¿Bamna yawan dîa kan diara kum daukras, king Debit ba kli yawan ra yaka balaia dukiara?”

2 Samuil 2:1

Baha ningkara, Debit bui Dawan ra makabi walan, bara win: —¿Yang Juda tawanka nani kum ra waia sna ki? Dawan bui witin ra pana win: —Âu, man waia sma. Debit kli makabi walan: —¿Ani tawanka ra yang waia sna? Bara Dawan pana win: —Hebrón ra.

2 Samuil 2:11

baku ba ra Debit Juda kingka aimakan mani 7 pura bakriki, ai kingka lâka kiapitalka ba Hebrón ra kan.

2 Samuil 5:5

Hebrón ra Juda kingka 7 mani pura bakriki kata, baha ningkara Jerusalem ra Israel luhpia nani sut kingka aimakan 33 mani.

1 King Nani 1:11

Bara Natán bui Salaman yaptika Betsabé ra win: —¿Man walras katma ki, Adonías Haguit luhpia waitna ba king aimakisa, Debit wan wihtka tara ba baha tânka briras sa?

1 King Nani 1:34

Bahara prîs Sadoc bara prapit Natán bui batana yûkbia, Israel aiska kingka mangkbia, bara trumpit ba puhbi wibia: ‘¡King Salaman ba raya kabia!’

2 King Nani 9:13

Bara kumi bani ai prâka ba brin bara Jehú mina munhtara mangkan, tips mina nani ba purara. Ningkara daiwan aringka ba puhban, bara wini banhwan: “¡Jehú ba king sa!”

1 Kronikas 11:3

Naku natka ra, Israel almukka nani sut ba, king Debit wal aisaia wan Hebrón ra, bara witin baha nani wal lâ kum daukan, Dawan ba ai witniska mangki. Bamna witin nani bui Debit ra batana laikan, Israel kingka kaia, Dawan bui dîa Samuil ra pramis munan kan ba baku.

1 Kronikas 12:23

Naha nani sika war waitnika nani, war aiklabaia Debit wal asla takan kan ba Hebrón ra, Saúl kingka lâka Debit ra laki yaia dukiara, Dawan aisanka ba kat.

1 Kronikas 12:38

Naha war waitnika nani sut ba, war aiklabaia natka kat ridi taki witin nani sut Hebrón ra aidrubi wan, ai kupia aiska luki kira, Debit ba Israel aiska purara king mangkaia; Israel uplika wala nani ba sut sin, baku lukanka bri banhwi kata.