2 Samuil 14:33 - DAWAN BÎLA AISKA

³³ Bamna Joab king ba kaikaia wan bara Absalón dîa aisin ba sut win, bara king ba Absalón ra paiwan. Witin king mawanra wan bara tasba kat ai lal bawan. King bui sin pana witin ra alki kiawali brin.

2 Samuil 14:33 ပူးပေါင်းရင်းမြစ်များ

Blasi Sturka 27:26

Bara witin ai luhpia ra win: —Luhpi, laimara bal bara ai kiawals.

Blasi Sturka 33:4

Sakuna Isau ai muihni wal prawaia mapara plapi wan, witin ai nana ra kiaubi alki mawan kiawalan, wal ai biartaya alki ni. Witin nani wâlsut inan.

Blasi Sturka 45:15

Bara ai muihni wala nani ba sut, kiaubi alki kiawali inan. Baha ningkara, ai muihni nani sut witin ra sturi aisaia buan.

2 Samuil 15:5

Baha purkara, upla kum ai lakula daukaia ai lamara auya ba ra Absalón witin ra ai mihta sakbi, kiubi alki kiawali kan.

2 Samuil 19:39

Upla nani sut Jordan luan. King mita Barzilai ra kiawali si lakula daukan, bara Barzilai ai tawanka iwi kan ba ra kli wan.

1 King Nani 1:53

Bamna king Salaman bui blikan wih bri balaia altar ba wina. Witin king Salaman mawanra ai mawan tasba kat bawan, bara Salaman bui win mahka witin ai watla ra wabia.

Luk 15:20

Bamna witin mahka yabal ra aimaki wapan ai aisika watla mata. “Sakuna witin kau laihura kan ba ra, ai aisika mita latwan pali kaikan, bamna mapara plapi wih, ai klahkla ilingki, kiawali, witin ba brin.