2 Samuil 14:25 - DAWAN BÎLA AISKA

²⁵ Israel aiska ra, waitna wala kum kau painkira Absalón baku âpu kan, kau mayunan ba. Mina wina lal kat watawi lupia kumi sin âpu kan.

2 Samuil 14:25 ပူးပေါင်းရင်းမြစ်များ

1 King Nani 1:6

Bara ai rayaka yua sut ra, ai aisika bui diara wiras kata dîa muni baku dauki ba. Baha purkara witin ba waitna ai mawan pain pali bri kan, witin na sin Absalón ningkara aisubi takan kata.

Job 2:7

Dahra kwakwahkra ba Dawan wina mahka taki wan, bara witin mita Job purara siknis saura blikan, taya ra bara mina wina lal kat yukri takan.

Sins Lâka 31:30

Mawan painka ba bahki man sa, wan wîna tara prana ba sin lilka baman sa; sakuna Dawan ra yamni kulki mairka ra mayunaia ba aitani sa.

Aiseya 1:6

Man nani minam bîla wina lamla bahna kat, diara yamni kumi sin âpu sa; baha sut ba, insauhkan baman, prukan baman, taya sukwan baman sa; sîka mangkras, kwala wilkras, batana laiki latwanka ba sin daskras.

Daniel 1:4

wahma nani, siknis âpu nani, skahwa apia ba, kulkanka tara bri bara sinskira nani, sins lâka bri ba, diara tânka kaikaia lâka mapara sip ba, baha nani king watla ra takaskaia. Witin nani ra smalkan kabia Caldea uplika nani bîla aisaia bara ulbaia tânka ba sin.

Matiu 23:27

“¡Lâ Smasmalkra nani bara parisi nani, kuninkira nani, man nani mampara saura pali kabia!, kan man nani lika sim raiti pint pihni dingkan bara pura mapa baman pain ba baku sma, sakuna bîla tani lika upla pruan dusa nani bara diara tâski ni banhwan sa.

Epesus 5:27

bara baku mika witin ai mawanra bri balan sim serts pranakira baku, taya tâski âpu, bara taya sriwan âpu, dîa dîa bahmuna sâtka wala sin âpu, sakuna holikira bara kasakkira pali.

Kli Smalkanka 28:35

Dawan bui sukwan siknis saura maikbia lulam ra, kuhmam dusa ra bara wînam aiska ra sukbia, bara rawaia sin sip apia kama.

1 Samuil 16:7

Sakuna Dawan bui witin ra win: “Mawan painka ra kaikpara, ai pâwanka ra sin apia, baha sut ba yang bahki kulkri sa. Yang lika waitna diara kaiki ba baku kaikras; upla lika mawan painka ra bamna kaikisa, sakuna yang lika kupia kat kaikisna.”

1 Samuil 9:2

Ai luhpia waitna kum bri kan, wahma mawan painkira, nina Saúl. Witin ai prana bri ba baku Israel ra wala âpu kan, waitna wala nani witin pâwanka ba pahpaya pura kat sin luras kan.