2 Samuil 13:28 - DAWAN BÎLA AISKA

²⁸ bara ai albika nani ra adar yan kan: “Amnón ba aman pali kaiki bas, wain ba di lilia pali takbia ba ra yang bui man nani ra mai wimna, bara man nani bui witin ba iks. Man nani baha daukaia si bripara, baha yang adarki nani sa, bahamna man nani kupiam wilinkira bara karna bris.”

2 Samuil 13:28 ပူးပေါင်းရင်းမြစ်များ

Blasi Sturka 9:21

Bara yu kum Noa wain dih bla takan, bara kwala luha taki ai watla papakni lila ba kat prawi kan.

2 Samuil 11:13

Debit bui witin ra paiwan, witin wal plun piaia, diaia bara yan bla takan. Tihmia kat Urías taki balan, king watla main kaiki suldiarka nani tilara wih bahara yapan, sakuna ai watla ra lika waras.

2 Samuil 11:15

Wauhkataya ra naku ulban kan: “Urías ba anira war karna aiklabi ba tâ pali ra mangks, bara baha ningkara witin ai mânka swis, baku witin insauhki prubia.”

2 Samuil 12:10

Baku man bui bahki ai kulkram bamna, Urías hitita maya ba, man mayam briram bamna, man wamtla wina lâ krikanka ba taki wabia apia ban kaia ra.

2 Samuil 13:27

Sakuna Absalón ban kau aisi kan, bara king ba Amnón bara ai luhpia wala nani sin ban swin witin nani wal wan. Baha pata tara Absalón daukan ba, king piaia pata daukan,

2 Samuil 14:6

King tara, dukiam dadaukra mairin na ai luhpia waitna wâl bri kan, insla ra yu kum witin nani wal unsaban, upla kumi sin bâra âpu wal dakbi sakaia, bara kumi ba bui wala ra ikan.

1 King Nani 20:16

Bara yu wan lal kat awarka ra taki banhwan, bara Ben-hadad baha piua ra utla papakni ra dih bla taki kan, witin bara king wala nani 32 aikuki ai uplika takan nani ba sut kira,

Ester 1:10

Lapta yu 7 lilia ba dauki kan bilara, king kupia ba wain din ba tâka mita lilia tara takan, bara adar yaban Mehumán, Biztá, Harboná, Bigtá, Abagtá, Zetar, Carcás, baha nani 7 ba witin ai uplika aihwa kulki kan ba,

Lawana Nani 104:15

Plun ba upla ra karnika yabisa, wain ba upla rayaka ra lilia yabisa, bara ai mawan ba kau lipisa batana baku.

Impakan Sturka 1:18

Bamna king naha ba nu takan ba ra, grandi mairin nani ba mata blikan bri balan. Bara witin nani ra makabi wali win: —¿Man nani dîa muni naku daukisma? ¿Dîa kan tuktan waitna nani ba ikras?

Smasmalkra 10:19

Plun ba lilia piaia dukia sa bara wain ba sin, rayaka ra lilia yaia dukiara sa, sakuna baha dukiara lalah âpu sa.

Smasmalkra 9:7

¡Bamna, kaisa! Plun pisma ba piua ra, wain disma ba piua ra liliam bris; kan Gâd bui yamni kaikan man daukankam nani ba.

Daniel 5:30

Baha sim tihmika ra, Caldea uplika nani kingka bui Belsasar ba ikan

Nahum 1:10

Witin nani ba, kiaya dusa nani sisitni pâwan baku, bara sin twi lâwan baku sin aiska pali ambia.

Luk 21:34

“Bamna aman kaiki bas, tasba brinka nani ba mita, bla lâka nani mita bara naha tasba trabilka nani mita sin yarka kupiam nani ba karna takbiara, baha piua kra damra walras kaprika mai alkbiara sîa.

Apastil Nani Sturka 5:29

Sakuna Pita bara apastil wala nani sut, naku win: —Yang nani Gâd bîla ba kau walaia sna, upla nani ra lika apia.

Jasua 1:9

Yang sika mai blikisna kupiam karna bara bapi bûi kama dukiara. Si bripara, kupiam lukanka sin swapni takbiara, man ani anira wama ba, yang, man Dawankam bara man Gâdkam, man wal kamna.”

Wihta Nani 19:22

Witin nani bâra ai kupia kumi ai âuyapah pali kan, bara waitna saura nani kulki tawan ba wina balan, dama watla ba kutban bara mahka watla durka ba prukan, bara dama ra win: —¡Baha waitnika nani mai kaikaia wamtla ra balan ba, latara sâks! ¡Yang nani witin wal yapaisna!

Wihta Nani 19:6

Witin wâlsut balan plun piaia bara lî diaia tibil ra, bara mairin aisika ba witin ra makaban kau yu kum ai lamara takaski, kau tihmia kum ai watla ra yapi si ra wabia.

Wihta Nani 19:9

Libait ba ban mahka waia buan, ai maya lila ba sin brih waia bara ai albika ba sin; sakuna dapnika ba kli witin ra win pat yu tutni sa, yabal ra tihmia alkbia, wabiara bara takaski baha tihmia kli bâra ai kupia kumi yapi si, yauhka titan kau puk ba ra bûi, ai watla ra wabia.

Rut 3:7

Bamna Booz plun pin bara diara laya sin din, bara ai âuyapah pali takan. Baha wina mâ nani asla kukan ba lamara mahka yapaia aitnikan. Bara Rut sâpkira balan, pura bika ba ai mina wina bukan, bara bahara aitnikan.

1 Samuil 18:22

Baha aisi si ningkara, Saúl ai albika nani ra win: —Man nani wâl man taki, yang bîli wisi Debit ra naku aisi wis: ‘King man dukiamra pain lukisa, ai albika nani sut sin yamni lukisa, man ba witin ai dapna takaia.’

1 Samuil 28:10

Sakuna Saúl swer taki win: —Dawan nina ra yang bui man ra swer takisna, naha wina man ra diara saura takbia apia.

1 Samuil 28:13

Sakuna king ba witin ra win: —Sirang iwpara. ¿Man dîa kaikram? Mairin ba win: —Gâd kum tasba wina bal ulisa kaikisna.