2 Samuil 13:25 - DAWAN BÎLA AISKA

²⁵ Sakuna king pana win: —Apia, luhpi, yang nani sut sip waras kamna, lalahkam uya tikaia apia dukiara. Absalón witin ra ban taibi muni kan, sakuna king waia brin daukras kan, sakuna ai yamnika lâka ba lika yan.

2 Samuil 13:25 ပူးပေါင်းရင်းမြစ်များ

2 Samuil 13:24

Baha purkara, witin king kaikaia wan bara witin ra win: —Nanara upliki nani ba sîpki nani taya irbisa, brin ai daukisa king tara ba, wihta tara nani ba sin sut, albikam ba pain kulkanka yabia.

2 Samuil 13:26

Bamna Absalón bila win: —Baha ba sip apia sa kaka, king tara ba muihki Amnón ba swika yang nani wal wabia. King ba makabi walan: —¿Dîa muni Amnón ba man wal waia brin mai daukisa?

2 Samuil 14:22

Bara Joab ai mawan ra tasba kat bawan, yamni kulkan lâka ra. King ra yamni munan bara win: —Naiwa yang kaikisna king lukanka ba ai dukia dadaukra ra yamni luki ba, ai napakanka naha daukaia lukanka brin ba aitani kulkan.

Luk 14:23

Bara dawanka ba ai albika ra win: ‘Taki was kuntri yabalka nani ra, yabal sirpi nani ra sin, bara baha nani ra taibi muns bal dimaia, yang waitla na banhki kaia dukiara.

Luk 24:29

Sakuna witin nani ba mita taibi munan takaskaia, bara naku win: —Yang nani wal takasks, kan yu pat tutni sa bara tihmia iwaia man sa. Baku mika, Jisas diman witin nani wal takaskaia.

Apastil Nani Sturka 16:15

Witin lika ai watla uplika nani sut ba wal tahbi daukan. Ningkara yang nani ra makaban: —Yang na kasak Dawan ra tawri lukisma kaka, man nani bal waitla ra dimi takasks. Bamna witin taibi ai munan takaskaia.

Rut 2:4

Bara Booz lika Betlehem wina insla ra wan, bara mâ kriki uplika nani ra lakula win: —¡Dawan ba man nani wal kabia! Bara witin nani pana witin ra win: —¡Dawan ai yamnika maikbia!