2 Samuil 13:21 - DAWAN BÎLA AISKA

²¹ Baha diara nani takan ba king Debit walan ba ra, witin kasak ai kupia sauhkan; sakuna ai luhpia Amnón ra lawi daukras kata, kan ai luhpia almuk bara latwan pali kaiki kan ba mita.

2 Samuil 13:21 ပူးပေါင်းရင်းမြစ်များ

Blasi Sturka 34:7

Jekob luhpia waitna nani ba twi wina balan bara dîa takan sturka ba sut walan. Bara witin nani ai kupia baiki banhwan. Siquem, Dina ra taibi munan lâka ra wal yapan ba lika Israel mapara diara saura pali daukan. Baha daukanka saura ba lika daukaia apia pali saurka ba daukan.

Blasi Sturka 35:22

Witin nani baha tasbaya ra wih ai watla mâki mahka bahara iwi kan ba ra, Ruben ai aisika Jekob maya wala Bilhá wal yapan. Jekob baha walan bara kasak pali ai kupia baikan. Jekob luhpia nani sut ba ra 12 kan.

2 Samuil 12:10

Baku man bui bahki ai kulkram bamna, Urías hitita maya ba, man mayam briram bamna, man wamtla wina lâ krikanka ba taki wabia apia ban kaia ra.

2 Samuil 12:5

Baha waitnika mapara Debit ai kupia sauhkan, bara Natán ra win: —Gâd ra swer takisna, baha uplika dukiara, witin baha diara daukan ba lika pruaia aitani sa.

2 Samuil 13:20

Bara ai lakra Absalón bui witin ra makabi walan: —¿Lamkra Amnón ba baku mai munan ki? Naha daukanka ba dukiara, laikra, man bin daukpara, sâp swis, kan witin ba man lamkra sa. Ban pali pura lui trabil taki lukpara naha dukiara. Tamar, tnaya ra lulki swin ba kaiki, ai lakrika Absalón watla ra takaskan.

2 Samuil 13:22

Absalón witin mita lika Amnón ra diara kumi sin wiras kan, sakuna ai lakra Tamar ra swira daukan ba dukiara lika misbara kaiki kan.

Lawana Nani 101:8

Yua bani ra, yang bui upla saurakira nani sut kuntri ra ba âpu daukamni; ¡Dawan tawanka ba wina saura dadaukra nani ba âpu daukamni!

1 Samuil 2:29

¿Dîa muni baha sakripaiska nani prisantka daukaia yang lâ mangkri ba bahki kulkisma? ¿Dîa muni man luhpiam nani ba kau tara kulkisma bara yang ra lika baku apia, Israel luhpia nani yang upliki nani ba prisantka wina kau pain ba pih batanwisma?’