2 Samuil 13:1 - DAWAN BÎLA AISKA

¹ Absalón, Debit luhpia ba, ai lakra kum bri kan mairin painkira, nina Tamar. Bamna Amnón Debit luhpia waitna ba ai lakra ra latwan kaikan,

2 Samuil 13:1 ပူးပေါင်းရင်းမြစ်များ

Blasi Sturka 29:18

Bara Jekob ba Raquel ra kau latwan kaiki kan, bara win: —Luhpiam mairin Raquel aikaia wima kaka lika, 7 mani warkkam takamna.

Blasi Sturka 29:20

Bara baku Jekob 7 mani Labán warkka taki kan. Sakuna witin Raquel ra latwan pali kaiki kan ba mita 7 mani ba, wik kumi baku, piua prahni lui wan ai mapara.

Blasi Sturka 34:3

Sakuna witin baha daukan ba ningkara, Dina ra latwan pali kaikan. Bara swiaia apia lukan, bamna kasak maisa nihkan kupia alkaia.

Blasi Sturka 6:2

Gâd luhpia nani ba kaikan, upla luhpia mairin nani ba mawan pranakira pali kan, witin nani ai laikka ba kat ai maya nani brin, ailalka nani ba tila wina pliki saki.

2 Samuil 11:2

Tutni kum, Debit ai krikrika ra yapi si buan ba ra, king watla bahna purara wapi taukaia pliska ba ra wapi tauki kan, baha wina mairin painkira kum kaikan, ai katka siknis wina klin taki si bal aihtabi kan. Debit upla saki blikan, wih mairka ba tânka pliki kaikaia. Tânka pliki kaikan ba ra witin ra win baha sika Betsabé, Eliam luhpia mairin, Urías hitita ba maya. Debit bîla twatwilkra nani saki blikan mairka ba bri balaia, bara witin wal krikri ra aitnikan, baha ningkara kli ai watla ra wan.

2 Samuil 13:15

Witin wal daukan ba ningkara, Amnón mita kli misbara pali kaikan, ban kau misbara pali aihwa kaikan, latwanka lâka kata ba misbara lâka ra tawan. Baku bamna, naku adar yaban: —Bus bara naha wina taki was.

2 Samuil 13:2

latwan lâka ba ai pura luan, ban kupia wirha taki si siknis ni takan. Tamar tiara aihwa pali kan, kau waitna kumi wal sin prawras kan, witin ai mapara karna pali kan diara kum pan Tamar ra daukaia.

2 Samuil 14:27

Bara Absalón ai luhpia waitna yumhpa bri kan, ai luhpia mairin kumi, luhpia mairin nina ba Tama, mairin painkira kan.

1 King Nani 11:1

Sakuna king Salaman king fero luhpia mairin ra latwan kaikan, ba wina tringsar mairin wala nani ra sin latwan kaikan: Moab, Amón, Edom, Sidón bara hitita mairka nani ra.

1 Kronikas 3:2

yumhpika ba, Absalón, Maacá luhpia ba, Talmai luhpia mairin kan ba wina, Guesur kingka ba; walhwalka ba, Adonías, Haguit luhpia ba;

1 Kronikas 3:9

Naha nani sut lika Debit luhpia nani kata, bara ai mairka nani tnaya ra bri kan ba wina luhpa nani sakan ba lika kulkras kata. Tamar ba baha nani lakrika kata.

Sins Lâka 31:30

Mawan painka ba bahki man sa, wan wîna tara prana ba sin lilka baman sa; sakuna Dawan ra yamni kulki mairka ra mayunaia ba aitani sa.

Sins Lâka 6:25

Witin wîna tara painka ba kaiki kupiam ra brin mai daukbiara; ¡ai nakra mai kaiki ba wal, yabrika kupiam alkbiara!