2 Samuil 12:22 - DAWAN BÎLA AISKA

²² Debit pana win: —Tukta ba raya kan ba ra, yang kaiki plun piras ini kapri. Yang lukri Dawan ba ban kra umpira ai kaikbia ban swika tukta ba prubia apia.

2 Samuil 12:22 ပူးပေါင်းရင်းမြစ်များ

2 Samuil 12:21

Bara wihta tara nani witin ra makabi walan: —¿King ba dîa muni baku daukisa? Tukta ba kau raya kan bara king kaiki plun piras, witin dukiara inan baman kan, ¡nanara tukta ba pruan ba ra king ba bûi mahka plun pîsa!

2 King Nani 20:3

“Dawanki, yang mamkabisna man bui yang dukira kupiam krauks, kan yang sika man mamwanra kasak ba kat daukri kupi aiska kira ba wal, bara diara nani daukri ba sin man kupiam brinka kat daukri.” Bara Ezequías ba karna inan.

Aiseya 38:5

Ezequías ra wih naku wibia: ‘‘Dawan aisikam Debit Gâdka ba naku wisa: ‘Man puram sunram ba yang walri, namkra laya nani ba sin kaikri. Bara kaiks man mankam ba kau mani 15 pura prakuna, kau raya kaia.

Joel 1:14

Upla sut ra paiws bara kaiki plun piras tânka ba, dauki banhs; tâ uplika almuk nani bara kuntri ra iwi uplika nani ba sut, Dawan tempelka ra asla dauks, bara ningkara Dawan ra puram suni banhs.

Joel 2:14

Ban kra witin, man nani ra kli lukbia ba ra, kau ban klala maiki kabia apia, sakuna ai yamnika ni, puramra blîkbia: plun mâ nani, wain sin blîkbia, Dawan Gâdkam ra prisant nani dauki yabaia dukiara.

Emus 5:15

¡Diara saura daukaia ba, man nani misbara kaiki bas! ¡Bara diara yamni daukaia ba latwan kaiks! Aman kaiks lâ pliska nani ra lâ kasak ba daukbia, baku daukma ban kra karnika sut pali brih Dawanka ba, Israel luhpia nani kau bâra ba, ban umpira kaiki bâra swibia.

Jona 1:6

Bara duri kiaptinka ba witin lama kat wan, bara win: —Yayapra tara, ¿man nâra dîa daukisma? ¡Bus, Gâdkam ra puram suns! Ban kra witin umpira wan kaiki swaki wan sâkbia.